منذ 3 ساعاتيشعر بـ ضائع
مش عارفه مين هلاقيه صاحي دلوقتي ينفعني ف مشكلتي الخايبه دي بس هي قهراني الصراحه .. انا ليا واحده صحبتي كنا مع بعض ف نفس المدرسه سنتين وبعدها انا نقلت المدرسه عشان ثانويه ومدرسه انضف المهممم انا وهي ساعتها كنا صحاب اوي بتقعد مع بعض كتير ولما سبت المدرسه هي زعلت اوي اوي وفضلنا على تواصل لحد دلوقتي رغم أنها بقى ليها صحاب تانيين بتقابلهم انا بقى بقيت موسوسه وده غصب عني والله انا حاسه ان مبقاش فيه داعي ليها انها تفضل تكلمني وأنها بقى ليها صحاب ليه لسه بتسأل عليا وانا والله بحبها بس مش عارفه ليه مش حاسه ناحيتها ب آمان و انها فجأه هتسبني رغم اني مليش صدقات سابقه حصل فيها كده بس مش عااارفه
انتي ايه عرفك انها هتسيبك انتي من اللي كاتباه باين ان هي لسه بتكلمك بس انتي اللي شايفه ان طلاما بقى ليها صحاب تانيين يبقى كده هي هتسيبك بس مفيش حاجه اسمها كده عشان ملهاش علاقه بس لو انت مش حاسه انك مرتاحه في الكلام معاها عامةً و كده فحاول تقللي كلام معاها
يسطا انا لسه صاحي و رأيي مش عارف صح بس ايه الي ياكد ليك أنها عملت موف اون ليكي رغم أنها لسه علي تواصل علي عموم صدقيني هي مش هتسيبك و لو طلبتي تتقابلوا هتوافق و علشان ترتاحي اكتر قولي ليها عايز أخرج ايه رأيك تخرجيني مع صحابك الجداد دول أهو بالمره اشوف ناس جديده
بلاش تفكري التفكير ده وتفكري في حاجات ممكن ماتبقاش موجوده وطالما علاقتكم كويسه وهي كويسه معاكِ حتى لو ليها صحاب تانيين بلاش أنتِ تتغيري عليها وتبعدي طالما أنتِ بتفكري انها هتبعد فسيبيها بظروفها ولو بعدت أنتِ متوقعه ده أصلًا بس ماتقدريش حاجه قبل ماتحصل بس أتمنى مفيش حاجه تحصل
في شقين في الموضوع ، أن صاحبي اللي بحبه ده لازم اقتنع أن له حياة خاصه و تفاصيل مختلفة و انا كذلك بس هو بيحبني و انا بحبه و هنفضل نسأل على بعض و نتقابل لما الدنيا تتدينا فرصه نتجمع ، و الشق الآخر ان احنا قادرين نكون صدقات و مجموعات صداقة و كل واحده بيكون ليها طعمها و بنبقى محتاجين الاتنين عادي جدا و بنحب دول جدا و بنحب دول جدا ، بس شكل الصداقة مع الوقت بيختلف و توزيع الوقت اللي بعطيه لكل علاقة بيتختلف مع الزمن فطبيعي كل ده تعايشي و تقبلي عوامل الزمن 🤍