محتاجة نصيحة عشان اكتئاب الدورة والعصبية على ولدي

Nutella_63601 🇪🇬

منذ شهرين

شعور مكتئب

ارجوكم انا محتاجة نصيحة من البنات ازاي اقعد اعدي اكتئاب اضطراب ما قبل الحيض لاني ببقي بعيط طول الوقت ومصدعة وعصبية لدرجة اني ببقي خلاص هأزي نفسي اوي ابني وده بيتعبني اكتر لما احس اني فرغت طاقتي ف ابني بكتئب اكتر واتعب اكتر بجد مش عارفة اعدي المرحلة دي ازاي لوحدي لأن جوزي زعلان مني عشان اتعصبت علي الولد

مش عايزة أكرر أذى أهلي مع ولادي

السلام عليكم صباح الخير .... مش هتكلم عن معاملة اهلى ليا او لاخواتى المرة دى بس حقيقى كل حاجة عملوها معايا مش عايزة اعيدها مع ولادى فى يوم وبدعى ربنا انه يقدرني على دة.. لان الانسان ابن بيئته .. وانا اتربيت في بيئة لا تفقه شيء عن الاحتياج المعنوى والنفسى ولا شايفين ان ليه اهمية اساسا ديما عندى نية انى اول ما اقدر اشيل مسؤولية نفسى هتواصل مع دكتور و احاول اعالج ای اثر للبيئة دى جوايا معنديش مانع طول فترة طفولة ومراهقة ولادى ان كل خطوة تكون باستشارة اخصائي نفسي للطفل مش هقصر ابداا فى انى اظهر حبى وامومتي ليهم هركز معاهم، مع زعلهم مع الكلام اللى ورا الكلام والكلام اللى مش بيتقال هعلمهم حدودهم کویس وازای محدش یکسرها مهما كانت درجة قربه حتى لو الحد دة انا... رااحة ولادي فوق اي حاجة في الدنيا، مش هجبرهم على حاجة طول ما هي مش حرام ولا هتضرهم او تضر حد...عايزاهم يحسوا اننا بيئة الراحة والامان بالنسبالهم عمري ما هجبرهم على مكان مش مرتاحين فيه.. ولا ناس مش بيرتاحوا لتعاملهم.... راحة ولادى رقم وااحد طول ما الحاجة اللى عايزينها دي في ايدي اني اعملها ..... لو فضلنا نقول على كل حاجة لا عشان تريح راسنا وخلاص معدش هيفرق معاهم الحدود وهيكسروها اكيد غصب عنهم . هعلمهم يطوروا من نفسهم وشخصيتهم ويحبوها، هقوى ثقتهم في نفسهم عشان مفيش حاجة في الدنيا تهزهم اى حاجة فيها جهاد بالءات دينى هشجعهم عليها بس مش بحاجات مادية.. عشان يتعودوا ان الهدف تقوية الرابط بينهم وبين ربنا في قلوبهم مش حاجة تانية . هحاول يكون التشجيع بان كلنا نساعد بعد وهعودهم لما حد يكسل عن طاعة الثاني يشجعه عشان الهدف الاول اننا نمسك ايد بعض للجنة ، هحبب بنتي في الزي الشرعي من صغرها ومش هكتمها في البيت وهعلمها تهتم بنفسها وانوثتها صح. هعود ولادى يحبوا بعض ويهتموا ببعض لعل ربنا يجعل فيهم خير اخوة وسند . عمرى ما هضرب ولا هعلى صوتى هعاقب ايوة بس هعاقب بحب وقبل ای عقاب لازم يعرفوا هما بيتعاقبوا ليه وافهمهم ان العقاب دة عمره ما يقل من حبى ليهم ابدا في وسط كل عقاب هقف جنبهم لحد ما يعدوه العقاب تقویم مش تفريغ غضب ....انا مش بنتقم من ولادى عمری ما هعاقبهم باني اخد منهم حاجة انا او باباهم جبناها كهدية او ليها ذكرى حلوة في قلوبهم... الذكرى الحلوة هتفضل حلوة قواعد البيت هتكون واضحة ومكتوبة واى حاجة جديدة زي التاب او التليفون هيكون ليها حدود في استعمالها ووقتها وعقاب واضح لو الحدود دی اتكسرت.... عشان يكون هو اللى بيختار الفعل وهو عارف رد الفعل عليه مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب .... وكلمتين يبقى ليها تقديرها منهم . مش كل يوم وكل ساعة هفكرهم انا قد ايه بضحى واحرم نفسى عشانهم ... التضحية لما نذكرها بتدخل عقولهم وقلوبهم من باب ذل ومعايرة مش حب ابدااا.... اي لحظة توتر او ضغط في البيت هحضنهم واطمنهم انها هتعدى.. مش هتجاهل خوفهم وقلقهم اللى هيتحفر في عقولهم لو ملحقتوش واحتويته صح. عمري ما هكلمهم عن تقصير باباهم فى اى واجب من واجباته ولا غلطه في حقى انا كامهم.. حتى لو اضطريت اني اصلح وراه..... لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه..... هعود باباهم يحضنهم كل ما يدخل البيت عشان يتعودوا ان وجوده ليه تاثير مش زی عدمه.... اخر حاجة للامانة مش عارفة هعملها ازااى ...انى اساعدهم يكونوا صحبة صالحة ليهم تعينهم على الدنيا وتكون الضمير الحى ليهم فى الوقت اللى مقدرش اتواجظ فده انا او باباهم... وحاجات تااانية كتيير اوووى لاازم اغيرها انااا فاهمة كويس اووى ان كل دة مش سهل وان الواحد غصب عنه بيبقى نسخة من اهله انا عارفة ان الطريق طويييل ومستعدة اوااجهه من بدااية اللحظة اللى هختار فيها اب لولادى لحد اللحظة اللى اعلمهم واساعدهم يختاروا فيها شريك لحياتهم ....حتى لو اضطريت انى مشتغلش او انى اتابع دكتور انا هعمل كدة ....مش عايزة حد يقولى كل دة كلام ارجوكم ..دة الامل الوحيد اللى متشعلقة فيه عشان يبقى فيه هدف ولا صغير لحياتى ....عايزة بس ولادى يحبونى بجد ،نزرتهم لياا متكنش نظرتى لامى حتى لو فى اوقات بسيطة . مش عارفة انااا كتبت كل دة ازااى بس لو حد وصل هنا اتمتى يدعيلى بس والله . ادعولي ربنا يقدرني واكون انا البداية اللى توقف دايرة الاذي دى في تربية بتتورث بدون وعي ولا تفاهم وربنا يهدينا ويقدرنا ويهدى امهاتنا واباءنا جميعا اللهم امين 🌿🤍❤️‍🩹 ...عرض المزيد

2 الدعم

4 نصيحة

تعبت من التنمير ونوبات القلق في الكورة

أنا بقالي خمس سنين بتمرن volleyball (كرة طائرة) اول ما دخلت لقيت شلة كدا بيتنمروا عليا من غير سبب بعد اول سنة كنت بحاول اتعامل و هكذا لحد ما جت السنة اللي فاتت بدأت اعاني من panick attacks و anxiety attacks (نوبات قلق و عضب) و اكتشفت اني بعاني من anger issues (مشاكل في التحكم في الغضب) و بصراحة تعبت اوي ...عرض المزيد

2 الدعم

2 نصيحة

تعب نفسي شديد ومش عارفة ألجأ لمين

بقالي كام يوم بحاول اتغلب ع اللي انا بمر بيه ومبعتش هنا ومش عارفه المفروض اعمل ايه بحلم احلام صعبه جدا جدا كوابيس وحشه تعب نفسي شديد جدا ولولا خوفي من ربنا والتزامي كان زماني انتحرت الوضع بقي صعب ولا يحتمل معرفش اروح فين او ألجأ لمين وانا كل الأبواب مقفوله قصادي حتي الناس اللي بحبها مبقتش موجوده المفروض اعمل ايه؟ ...عرض المزيد

2 الدعم

9 نصيحة