بعيط في صمت.. نفس البنت بنفس الوجع

Strawberry_80896 🇪🇬

منذ أسبوع واحد

شعور مكسور القلب

حاليا أنا في مكاني اللى كنت بطلع أقعد عنده ونا صغيرة لما كنت بزعل، بس لاحظت حاجة أني حاليا بعيط في صمت، من كام سنة كنت بحاول أعيط و اصرخ علشان ارتاح بس للأسف فشلت علشان محدش يسمع صوت و طبعا مينفعش صوتي يعلي كبنت بقي و كده، بس الشيء المشترك اني نفس البنت بنفس الوجع بل و زاد💔 إجابة وحيدة لمليون سؤال(معرفش و مش عارفة فعلا و الله 💔

الوجع بيرجع يطاردني.. ومش عارفة اتعايش

ازاي بتعرفو تعدو الوجع لما تفتكرو انكو داويتوه تماما و يرجع من تاني يطاردكم .. انا مش عاوزة اكون حد مستعطف انا عديت بحاجات و صدمات كتير اوي وحشة و مش من دلوقتي من زمان بس الفترة دي حصلي كذا صدمة ورا بعض طول عمري بحس انه في حاجات غصب عني مش هعرف انساها ف بتعايش معاها ممكن ده يكون غلط بالنسبة لبعض الناس بس مفيش حد بيعرف يحس بالوجع قد اللي عاشه و مفيش حاجة اتكسرت بتتصلح لانه دي سنه الحياة احنا بنعمل اللي علينا بأننا نعدي الموقف بس هو جوانا لازم بييجي لحظات تدوسلنا عليه و يرجع الوجع يحسسنا انه قد اي القوة ف الثبات و انه الكل شايف اني شخصية حنونة و لطيفة و بتضحك طول الوقت و مش متأثرة برغم المشاكل الكبيرة اللي لسة حاصلة بس ده بيكلفني حاجات اغلي من انها تتشرح .. انا بتخطي طول عمري بس في حاجات غصب عننا برجع افتكرها من مواقف معينه بتلمسني و تدوس ع وجعي انا طبيعتي مبحبش الحزن ابدا بحب الضحك و الناس المريحة و الدنيا الحلوة و اني احس برضا ربنا حواليا بس الفترة دي انا مش عارفة اتعايش زي ما بعمل من سنين كل شوية اوهم نفسي انه كل تمام بس الوجع اكبر من اني اتعايش معاه حاسة اني لوحدي تماما واجعاني نفسي اللي لسة ثابته و قوية حابه اني مبحبش اذي حد و بزيد حنية بس انا تعبت نفسي اتخطي كل ده ..? جربت كل الحلول اللي ممكن تتقال انا مش عارفة ساعات بحس انه مهما حد نصح حد انه بردو هو مش هيحس براحه مش عارفة ليه بقول كده دلوقتي بس .. اتمني حد يفهم ده 😓💔 ...عرض المزيد

8 الدعم

4 نصيحة

ازاي اتخطي الأذي من ناس بحبهم؟ 🥲

لما بفكر ازاي اذيت نفسي بان كان ف حياتي ناس كتير اذوني وانا بسكت عشان بحبهم بس بتصعب عليا نفسي اوي و الناس دول ليا ٣ سنين مطلعاهم من حياتي و برضو لما بفتكر كان دا لسع حاصل بزعل علي نفسي كدا اتخطي دا ازاي ؟ 🥲 ...عرض المزيد

5 الدعم

3 نصيحة

الوقت مسكن للألم مش منسي.. والوجع بيرجع تاني

من سنة حصل لوالدي حاجه وده كان السبب انه يبعد عننا غصب عنه فتره طويله فضلت اسبوع احلم بكوابيس ومش عارفه انام لحد م خلاص تأقلمت وعيشت عادي، بعديها بفترة الموقف ده اتكرر تاني بس مع شخص تاني اعرفه اتكرر تاني قدام عيني عيشت المشهد تاني بتفاصيله باختلاف الشخص حالتي كانت مزرية حقيقي ويمكن وقتها كانت اسود من حالتي لما حصل كده لبابا وقتها عرفت ان عندي تروما واكتشفت إن الوقت بيسَكن الألم مش بينسي أبداً ... كلنا بنعدي بصدمات ومشاكل وبننكسر ونقعد نقول مع الوقت هننسى والوقت كفيل ينسينا ونرجع زي الاول وبتكتشف بعد كده إننا بنتعامل عادي بس مع موقف مشابهه جدا للحصل معانا بنحس بنفس الشعور ونفس التجربة ولا كإن الموقف ده بنعيشه لأول مره ، بنحس بنفس الوجع، نفس المشاعر، نفس كل حاجه الوقت عمره ما بينسى الوقت ما هو إلاّ مسكن قوي ولما مفعوله بيروح الوجع بيرجع تاني .. ...عرض المزيد

5 الدعم

0 نصيحة