انا مش بكره في حياتي قد المدرس الي حاسس ان مفيش احسن منه وان كل الطلاب الي عنده مستواهم وحش انا باخد انجلش مع مستر اختي كانت بتاخد عنده وهو عارفني وانا كنت باخد معاه السنة الي فاتت بس تعبت ووقفت واخدت اونلاين ورجعت السنة دي بحكم اني نزلت كل الدروس في مقرات المدرسين عادي ومفيش مشكلة وانا ملتزمة ودرجاتي كويسة والانجلش من المواد الي بذاكرها بس بعرف احلها بالفهم والترجمة برضو ف معنديش مشكلة لو غبت حصة كل شهرين ولا حاجه وده لما ببقى تعبانة فعلا من اسبوع كده غبت حصة ومتكلمش معايا وهو متعود ان لما بغيب أو غيري يغيب يسأل مين الي كان غايب ويشوف واجبه وتسميعه عشان يتأكد انه ذاكر حتى وهو غايب بس اخر مرة الي انا غبت فيها الي هي تاني مرة ليا في الترم مسألش مين كان غايب ولا اهتم اصلا المرة الي بعدها كان في تلت بنات غايبين وكان في منهم اتنين قاعدين في نفس الدسك بتاعي المرة دي سأل مين كان غايب وقعد يثرثر شوية عن ان قد ايه هم وحشين وانهم مهما غابوا راضي بمجهوده الي بذله مع باقي الطلاب الي في المدرج ف انا مش فاهمة برضو ايه وجهة النظر في انه يقول الكلام ده لما يبقى الطالب غايب هو حرفيا غيابه ملوش علاقة بمجهودك ولا بقيت الطلاب كويسين ولا لا المهم في نفس الحصة دي قال للبنت الي قاعدة في اخر الدسك بتاعي حلي يا بنتي عشان انا عايز اجيب الدسك الملعون ده وقبل ما يدخل الحصة كمان كان باب المدرج مفتوح وهو جه من بعيد حرفيا وانا ببص ناحية الباب قام هابده في وشي ومبصليش حتى ف انا مش فاهمة ليه انسان حقير زيه زينا يتعامل بالطريقة دي وبيقول طول ما انت انسان ملتزم هبصلك في وشك وهضحلك لكن طول ما انت غير كده متستناش مني حاجه وهو تعمد انه ميسألش انا كنت غايبة ليه وعمل مش واخد باله ومش بيبصلي في الحصة حتى لما بجاوب صح وبصوت عالي مش بيعلق لكن لو حد غيري قال ملحوظة مش محتاجة اصلا برافو بجد بس اهم حاجه يحسسني اني مش فارقة معاه هو كمان مش فارق معايا الصراحة بس ماما بتقول انه مسألش انا كنت غايبة ولا لا عشان ميعاقبنيش وانه واثق اني هعمل الي عليا كده كده

3

4