أذى مشاعر

Popcorn_83008 🇪🇬

3 weeks ago

Feeling Emotional

دلوقتي انا دخلت علاقة من سنه مثلا وخصلت خلاص وزعلت وكل حاجة بس انا وقتها محناش جاهز لا نفسيا ولا ماديا ولما فركشت كانت فترة صعبة بس حاولت اقف تاني حاليا بردو بحس بفراغ عاطفي كبير ورغبة لدخول علاقة لكن خايف اتعلق تاني ونا لسة بردو مش جاهز ايه العمل طيب اخاف اعلق بنت بردو بيا لانها هتتاذى اكيد ياريت

Strawberry_87366 🇪🇬

4 weeks ago

Feeling Meh

انا مبقتنعش بإحياء اللي مات، سواء علاقه صداقه او حب، لإن لو كان في أمل فعلا في إن اللي اتكسر يتصلح مكنتش العلاقه باظت من الأساس، ومهما الزمن فضل يتعاد كانت نفس التفاصيل بالظبط هتتكرر كل مره ف دا هدر للطاقه والوقت على الفاضي بصراحه، ومش بؤمن بالفرص التانية، لإن الشخص اللي خذلك أو أذاك أيا كانت الطري

Blueberry_84302 🇪🇬

1 month ago

Feeling Worried

كنت عايزة رايكم ف موضوع مهم انا شغاله ف مكان كويس جدا تمام لسا بداء يعني من ٣ او ٤ ايام مش كتير المهم هم حبوني جدا جدا ومن ثقتهم ف ، ف قلولي ف مكان فارغ لو ف وحدا صحبتك شبهك كدا ممكن تجبيها وإحنا وثقين ف اختيارك ، انا فعلا عندي صحبتي كدا وكمان اشطر مني وانا بحبها اوي بس الفكرة ف ان هي مش بتحب غير ن

Coffee_72634 🇪🇬

3 months ago

Feeling Heartbroken

مستغرب الفكره بتاع الابلكيشن بس انا عامتا هجرب عندي ناس كتير تسمعني ف الحقيقه بس الفكره كلها ان كلامهم متكرر ودايما بيقولوا عدي وهتنسي وبتاع بس انا مش مقتنع بكلامهم دا ولا فارق معايا ف حاجه بالعكس كل شويه حالتي بتسوء اكتر الموضوع كله اني اتعلقت بواحده وبسبب غبطه بسيطه العلاقه دي انتهت وحاولت بكل ا

Potato_71954 🇪🇬

3 months ago

Feeling Exhausted

عرفين شعور انك على طول وحيد بس انت عندك اصحاب و تضحك معاهم و بتهزر بس مش حاسس بالسعاده بجد و انك على طول منسي...احياناً لما بتكلم مع صحابي او اهلي بحسهم مش مهتمين و بجد هما بيكونو مش مهتمين تقريباً عشان...معرفش صراحه ليه، مع اني بحب انصح و احكي و اهزر مع الناس كلها و بحبهم اوي اصحابي و اهلي بس...هما

Sugar_71794 🇪🇬

3 months ago

Feeling Emotional

Express your Feeling anonymously

انا مش جايه احكي ازاي الشخص دا آذاني 
لا انا جاي اقولكو ازاي خدت حقي و رديتهاله الدبل !
🔥
كان شخص اتعرف عليه سوشيال هو من برا مصر اتعلقت بيه جدا يمكن لانه كان تقيل يمكن لانه كان فرصه كويسه بالنسبالي و هو كان حاسس بدا و دا اللي خلاه يضمني ، فتره في فتره كنا بنقرب لبعض و كان راسم عليا دور المحترم و انا كنت بحسن الظن فيه دايما و اقول يمكن مشغول يمكن في الشغل لانه كان بيتجاهلني معظم الوقت و ع الاغلب كان بيكلم بنات تانيه و جينا في وقت لقيته قطع كلام خالص بعدها باسبوعين بعد مكنت اتدمرت و مستنيه رساله منه بدموع لقيته بعت يعاتبني طبعا زي ما متعوده و يقلب الترابيزه (تقريبا كانت نفضتلو و جاي يطلع زهقو فيا 😂) 
و معرفش كنت جايبه الهزاقه دي منين اتأسفتله و حاولت اعوضه عن التقصير دا الاقيه بيقولي خلاص الموضوع انتهى don't force it هنا الموضوع كان مهين اوي ليا ك بنت انا اخدت فتره على ما اتعافى من اذيته ليا و قلت انا مش هسيبه كدا كنت وقت الفراق بعتله حاجه تثير فضوله انه يسألني عنها ف فعلا سألني و علقت رسالته و مردتش(حاجه تبان تافهه بس بتخليه يولع و خصوصا لو حاجه تخصه) بعدها ب شهور كدا على محسنت حياتي شويه و شكلي و مستوايا الدراسي اللهم بارك بجد سجلت رقمه تاني و بدأت اخليه يشوف استورياتي بس استوريات البنت الجذابه اللي محدش يمشي كلمته عليها المرادي مش البنت بتاعة زمان اللي كانت حاضر و نعم بس و مع الوقت بدأ بفتح مواضيع 
تقلت عليه 
و يفتح تاني 
اتقل مردش أو ارد ع القد تماما طبعا بعد مكون سويته على نار هاديه 
يفتح تاني و تالت و حرفيا كان كل ما ترفضه كل ما يلزق اكتر و بقا مش عايز واحده غيري و دلوقتي عايزنا نرجع تاني بس انا قلتله مش حاسه ✨

و دلوقتي اطمنكو عليا انا قررت ابعد عن الحوارات  دي بس وانا المتحكمه و اقتنعت انها فعلا لو مكانتش بتأذيني مكانش ربنا حرمها🫶

Private Advice

Switch to receiving private advice for your post; otherwise it will be publicly visible.

Watermelon_69102 🇪🇬

4 months ago

Feeling Frustrated

Topic:

إزاي العلاقات السامة بتسرق منك نفسك؟

زاي تعرف اذا كنت انت الشخص السام في حياة حد تاني؟ كتير بفكر اني كنت في علاقة سامة مع شخص و انه اذاني و و لكن احيانا بفكر ان ممكن انا كمان بالنسبة للشخص ده كنت علاقة سامة وان انا اللي كنت غلطانة واذيته !! مبقتش عارفة حاجة ..

Coffee_68646 🇪🇬 حتحاسبي وتجلدى نفسك ليه علي حاجه خلصت المهم تكوني اتعلمتي للجاي

View all 9 Advice

Carrot_62530 🇪🇬

5 months ago

Feeling Cool

Topic:

اتخدعت ف حد قبل كدة؟

كتير لكن اكتشفت أن السبب هو سقف توقعاتنا الحقيقة في الناس فاتعلمت متوقعشي حاجه من اي حد ومنتظرشي منه شئ لأنه مش ملزم ببساطه وأحط مسافات بيني وبين الناس واسطح العلاقات علي قد ماقدر ودائما اسيب الباب موارب بمعني أن مثقش في حد اوي لدرجه اني اكون مش متخيل أنه يخذلني أو يخوني لا عادي قشطه كل شئ وارد 😄

Gold_51151 🇪🇬 ديماً المتعشم ف الناس خسران

View all 4 Advice

Popcorn_47130 🇪🇬

5 months ago

Feeling Lost

هاي. كان عندي واحده صحبتي انا كنت دايما بتاذي منها عشان هي متحكمه ومتملكه للاشخاص وغيرتها بشعه وحجات كتير وهي كذلك لان انا عنديه ومش بسمع الكلام وهي زياده عندها القلب ف اخترعت مشكله عشان نبعد وبعدنا الحمدلله بس انا كنت اول م بنا كامت علطول هي تعبانه وانا الفرحه كانت مش سيعاني اني اتحررت بس بعد كده

Hazelnut_52786 🇪🇬 الصحاب ملهمش غير النصيحه وبس

View all 17 Advice

Strawberry_52735 🇪🇬

6 months ago

Feeling Annoyed

بتتعاملوا ازاى مع احساس الغضب الداخلى اللى بيكون جواك فجأة و بتحس انك عايز تأذى اللى أذاك بس حرام تعمل كده بس تتعامل ازاى مع الإحساس ده !!

Hazelnut_52786 🇪🇬 الافضل . قطع كل العلاقات مع اي فرد مؤذي . اسعد نفسك باكتر حاجه انت بتحبها وبتعملها . شوف هوايتك المفضله . انزل جيم . طلع طاقتك في اي حاجه تستفيد منها . والاهم لا تدخل في دوامه الغضب . لو تملكك الغضب . ستخسر نفسك ومستقبلك . واتمني ليك كل الخير

View all 6 Advice

Strawberry_11964 🇪🇬

1 year ago

Feeling Guilty

متخليش مزاجك الوحش يأثر على انتقائك لكلماتك عشان بعدين هيكون عندك فرص كتيرة لتحسين مزاجك، بس مش هيكون عندك فرصة لتغيير الكلام اللي قولته وقع الكلام لا يُنسي. ومزاجك السئ ونفسيتك ومشاعرك التي تضاهي مشاكل العالم الاشتراكي الاتحادي الاوروبي الألماني لا تبرر تماما سوء كلماتك " بحاول أدرب نفسي إني لما أ

Chilli_31281 🇪🇬

1 year ago

Feeling Incomplete

Topic:

هل قدرت تسامح حد أذاك؟

انا بسامح اي حد و مبحبش ابقي شايل من حد لكن عمري ما بسامح نفسي عشان انا الي خليت الشخص ده يعمل كده انا الي عطيتو اكتر من قيمتو المشكله عندي قبل ما تبقي عند الشخص الي اذاني انا الحمد لله بحب كل الناس و عمري ما اذيت حد بس اتأذيت و كل مره بلوم نفسي و ده الاصعب

Avocado_34905 🇪🇬 جرب تسامح نفسك زي ما سامحت الناس وتديها احتواء بأنها لازم تستاهل الافضل ديما ولازم تحب نفسك

View all 1 Advice

Strawberry_29495 🇪🇬

1 year ago

Feeling Lost

Topic:

هل قدرت تسامح حد أذاك؟

المشكله اني دايما بسامح لحد ما بنسي الموضوع ويتكرر تاني واسامح وامشي معاهم ..معرفش بعمل كدا ليه بس انا بخاف اخسر الناس حتى لو عارفه ان اللي بعملوا غلط ..هما بجد قالوا عني كلام وحش كتير قدام كله بس انا بكره اني ابقي لوحدي

Peanut_34322 🇲🇦 إسمعي من حد فقد نفس بسبب هاذ شغلة كنت دائما بسامح و بتجاوز عشان لا أزعلهم و أضل وحدي بس بأخير كتشفت أنو إذا بقيت وحدي منو مؤلم مثل إذا بقيت معهم و صدقني بمجرد ميحسو أنك بس را تتركيها هم راح يجو عندك و يتقرب منك و ميريدو يزعلوك

View all 8 Advice

Nutella_26046 🇪🇬

1 year ago

Feeling Alive

Topic:

ازاي تتخلص من إحساسك بالوحده؟

مش عايزة اتخلص منه بكل بساطة أنا بلاقي راحتي في الوحدة بلاقي ف نفسي حاجات ملقتهاش بره لا مع صحاب ولا أهل على الاقل صريحه معاها نفسي اتأذت كتير اوي اوي من ناس كتير ومحدش طبطب عليها دايما تقليل من مشاعري ومني شخصيا ف ليه؟ بغض النظر عن ان ال overthinking بيبقا فاضله شوية ويقضي عليا بس طالما مرتاح

Avocado_13913 🇪🇬

1 year ago

Feeling Bad 😞

في ناس بتدخل تبعتلي مالك واحكيلنا وهسمعك وكدا انا مبردش غصب عني انا حقيقي مش قادرة احكي ولا اتكلم مش قادرة ادخل في نقاش او سرد احداث انا بحاول اهرب منها كل اللي نفسي فيه تدعولي ادعولي ربنا يشفيني ويعوضني خير عن كل حاجه وحشه شوفتها ادعولي ربنا يجبلي حقي من اي حد اذاني ادعولي اقرب من ربنا اكتر ويج

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.