ثانوية عامة

Candle_86280 🇪🇬

10 hours ago

Feeling Tired

الحقونا لا الحقونا بجد🙂 وجينا لزنقه الكلاب بتاعت كل سنه وماشاءالله عليا كل سنه عندى بكون اسوء مالى قبلها فايا اي طالب ثانوي دحيح هنا يلحقنى ويعرفنى ابدا بايه ومنين عشان انا ضايعه بجد يخونا 😭 وشكرا مقدما 🌹🤍

Coffee_52562 🇪🇬

1 week ago

Feeling Lost

هتفضل لحد امتا هتفضل لحد امتا كل ما تيجي سيرة الثانويه تزعل هتفضل لحد امتا كل ما تيجي سيرة مدرس ليك فالثانويه تزعل كل ما تفتكر النتيجه كل ما تفتكر كسرة امك كل ما تشوف واحد فرح اهله كل ما تشوف دكتور في مستشفى او طالب في طب مش بتحقد عليهم بس هتفضل لحد امتا كل ما دا يحصل يجيلك نغصه فقلبك لحد ا

Grape_70557 🇪🇬

1 week ago

Feeling Tired

Express your Feeling anonymously

قصتي طويلة شوية ومش علوم اللي مش هيقرأها أنا كده كده بكتبها افضفض
من تلت سنين تقريبا كنت في تالتة ثانوي وكنت رغم لمة البنات حوليا بص لمة كدابة كلهم مفيش واحدة فيهم كانت موجودة بجد لو احتاجتها فكنت منزلة برنامج اكلم في اي حد عشان محدش بوحدتي واحكيله عن اللي بمر بيه ويشجعني بس بعدها بفترة مسحت البرنامج عشان حسيت اني رخيصة ولما ظهرت نتيجة الثانوية العامة ومجموعي مجابش اي كلية كنت عيزاها حالتي النفسية باظت وبقيت اعيط بس طول الوقت وبقيت عادي مفيش اي احساس بحاجة طول ما كنت في سنة اولى كنت مش ببالغ لو قلت كل ليلة بعيط عشان الكلية اللي دخلتها وبعدت عن ربنا وقتها ومن ساعتها بدأ زي ما يكون ثقب اسود يبلعني ونسيت نفسي أنا حرفيا كنت واحدة معرفهاش فضلت على الحال ده جسد من غير روح وكنت بعرف أمثل حلو اوي اني كويسة ولحد دلوقتي محدش يعرف تفاصيل قصتي اصلا عشان محدش يقرف من كم الذنوب اللي كنت برتكبها هي يمكن متكونش ذنوب كبيرة في نظر البعض بس في نظري كانت مهلكة ومن أكبرهم اني مكنتش بصلي وكنت بفكر جدا انتحر في الفترة دي لحد ما دخلت سنة تانية في الترم الاولاني مش هقول رضيت بالأمر الواقع اني خلاص مش هينفع احول أو اعمل اي حاجه واعترفت وقتها على بنتين مش هقول برضو صحاب عشان هما نفسهم مش معتبرين اني ظصحبتهم غير لما بيشوفوني في الكلية ولكن كانت تقضي وقت وحاجة تلهيني عن أفكاري لحد ما اروح وارمي نفسي على السرير واعيط زي كل مرة وقتها في سنة اولى برضو كنت اتعرفت على ولد هناك وكنا تمام مع بعض بس انا مكنتش بقدر اكمل كلام معاه من احساسي بالذنب وبضميري اللي مكنش راحمني رغم كل اللي كنت بعمله وعملتله بلوك كتير وبعدت عنه عشان كده في سنة تانية مكانش ليه وجود في حياتي وده ساعدني اكتر اني احاول افوق من الحفرة اللي انا فيها وأن مينفعش أدفن نفسي بالحيا كده وبدأ احاول ابص بنظرة مختلفة لكل حاجة حوليا واحاول اكلم اي حد من صحابي حتى لو هما مش صحاب بجد بس اقضي وقت بعيد عن دماغي مش مهم بقا اي حاجة وفعلا قدرت الهي نفسي ودماغي وشوية شوية ضميري يأنبني على الصلاة وعلى ديني اللي نسيته وقتها وبدأت ارجع والحمدلله انتظمت على صلاتي وبطلت حاجات كتير وتوبت عنها مش عارفه هينفع اقول زي ايه ولا هتبقى جهر بالمعصية بس هقول يمكن يفيد حد الحمد لله بطلت اسمع اغاني وبطلت البس بناطيل وطرحتي طولت وبقيت بفكر في أي حاجة اعملها هل ده صح ولا ربنا هيغضب عليا والحمد لله استمريت على الحال ده لحد الفترة دي انتكست ورجعت اعمل بعض من الذنوب اللي بطلتها وعافرت ابعد عنها وخائفة ارجع لنقطة الصفر تاني وحتى مفيش حاجة حوليا مساعداني 
ادعولي بالله عليكوا يمكن ربنا يكرمني وافوق ومقعش تاني

Private Advice

Switch to receiving private advice for your post; otherwise it will be publicly visible.

Strawberry_80896 🇪🇬

2 weeks ago

Feeling Heartbroken

اللى هيخرج من ثانوية عامة مظبوط، هيفهم في الكلية ان الدرجات مش مهمة و ايزي خاالص ال كام درجة حتي لو ٢٠ و هتفضل ماشي بمبدأ هتتعوض، هنشد في الترم التاني، و على فكرة ده مبيحصلش، ده مجرد كلام بنعدي به، لأننا بطبعنا بنحب زنقة الكلاب، اللى هو قبل الفاينل بكام يوم و ساعات عن البعض ليلة الامتحان، ف عااادي د

Sugar_84833 🇪🇬

2 weeks ago

Feeling Lost

Express your Feeling anonymously

وانا ف تانيه ثانوي كانت فيه بنت بتكلمني دايما عشان ننزل دروس مع بعض عشان بيتنا قريب من بعض بس مش صحبتي يعني وانا وقتها مكنتش ملتزمه اوي ف الدروس وبغيب كتير وكانت بترن عليا كتير واكتر الوقت مكنتش برد عليها ومش بنزل
المهم من اول تالته بقا كنت مفكرة انها هتكلمني ف حجز الدروس وكدا بس محصلش ومبقتش بتكلمني غير لو شوفنا بعض ازيك بس وبقت بتمشي مع واحده تانيه اسمها شهد مثلا وهي معايا ف درسين 
وال هو عادي يعني هي مش قريبة مني اصلا وغير ان انا بستصغر الدفعه بتاعتي ومبحبش امشي مع حد فيهم وصحابي ال بجد ف جامعه
المهم ف درس من ال بتروحه معايا
كنت رايحه مش مذاكرة وقلت للمس ان انا كنت مضغوطة اوي اليوم دا وملحقتش اذاكر قالت ماشي عشان انتي كل مره بتيجي مذاكرة وكدا
ومستر الأحياء ال هي بتيجي عنده برضو دا مشهور اوي
 ومجموعاته كبيرة ما شاء الله وعصبي ومحدش بيعرف يتكلم معاه ونادر لما يكون عارف حد وبيكون ال عارفهم دول مميزين عنده وكله بيقول ان هو عنده نظرة ف الناس وعمره ما قال لحد انت هتدخل الكليه كذا ومدخلهاش
ف المهم انا كنت ملاحظة ان المستر دا بيركز معايا كتير وبيفضل باصصلي كتير ف الحصه لحد ما ف مره كانت حصه حل ولاقيته طلع على الديسكات ال قدامي وشاور عليا وقال البنت دي عاقلة وانا بعزها جامد وقعد قدامي وقالي اسمك ايه 
وهو المفروض مش بيقول لحد كدا اصلا
بعدها بقا كان فيه حصه برضو ف لاقيت البنت دي بترن عليا رديت لاقتها بتقولي انتي نازله الدرس قولتلها اه قالتلي خلاص ماشي انا جايه معاكي عشان برن على شهد وهي قافلة!
جه ف دماغي ال هو انتي هتمشي معايا عشان كدا بجد؟!
بس عديت الموضوع المهم بعدها بحصتين تلاته كدا رجعت امشي لوحدي ف المستر دا برضو ف حصه كان بيسأل
ف سألني وجاوبت صح قالي والله انتي ممتازة ومحترمه وكل الصفات الحلوة فيكي 
وبعدين سأل عيال تانيين وجالي تاني قالي انتي ان شاء الله هترتبي ع الدفعه ومستني رسالتك ف آخر السنه وانتي بتقوليلي كدا وانا عمري ما قلت لحد كدا غير ودا حصل وكله بإذن الله 
وطلع عند السبورة وقال الطالب المحترم بيجبر كله انه يحترمه إنما الناس المهزقة دي تتهزق
وفضل يتكلم كتيرر وكدا ويقولهم انتو مش بتذاكرو ليه انتو مش شايفينها وقال برضو ان انا هجيب طب مرتاح
المهم بعدها علطول البنت دي بقت بتكلمني سبحان الله وتنزل معايا والمفروض ان المستر عارفها من تانيه بس عادي
وهي ماشية معايا تقولي هو عارف ان احنا صحاب؟
وانا بجد مش بحب طريقتها عشان بتتكلم على اي حد معدي ب طريقة وحشه وب اسلوب كأنها ست كبيرة قاعده ع المصطبه حرفيا
المهم بدأت اشوف حاجات زباله بقا زي ان المستر ييجي يديني الورقه تكون عين العيال هتخرم الورقه حرفيا واول ما اوصل الدرس كله يكون باصصلي حتى والمستر بيشرح
والمستر لما يسالني برضو يسيبو كل ال ف ايديهم ويبصولي وبجد انا كل يوم بروح من الدرس متضايقه بسبب كدا
وف الدرس التاني المس بتفضل تقولهم ياريتكو هاديين زيها
وشهد دي تقول امم ما شاء الله عليها بتريقه
وف مره كان علينا حصه حل ف انا حرفيا طول الليل قاعده بحل وبذاكر للدروس التانيه وكنت هنزل الدروس مطبقه
لاقيت البنت دي بتقولي ابعتيلي ال انتي خليتيه قبل الدرس ب ١٠ دقايق
ف انا كنت اتضايقت عشان بجد بقالي كتير اوي بحل عشان تاخده ف ثانيه!
بس عديت الموضوع وبعتلها ومشكرتنيش حتى
قالتلي انا اصلا حلاه ف دماغي بس عشان لو المستر سألني اكون فاكره
المهم الحصه ال قبل الفاتت كان المستر بيوزع الامتحان
ف هي كانت قاعده جمب واحدة جمبي
ف اول ما اخدت الورقه طبعا طبعا طلعت قدام هي وشهد عشان يشوفو الدرجه
وبعدين المستر بدا يحل ويسال ف جه عندي وقالي اجاوب ٧ اسئلة ف وانا بجاوب طبعا طبعا هما طالعين قدام وباصينلي
وبعد ما الحصه خلصت روحت سالت المستر على مدرس رياضه عشان سبت المستر ال كنت بروح عنده وقالي انتي كنتي بتروحي عند مين وكدا وقولتله وقالي على مدرس كويس وقالي لو لاقيتي حاجه فاتتك خليه يكلمني وانا هظبطلك الدنيا

الحصه ال بعدها البنت دي قالتلي هبقا اسالك على حاجه عشان الفضول هيموتني
ومش محتاجة اقول انها هتقولي كنتي بتقولي للمستر ايه
ودخلنا الحصه المستر قالي ف نص الحصه روحتي
قولتله اه (كان قصدي ان انا سالت ع المواعيد وكدا بس مبداتش)
قالي مكلمتنيش يعني ليه قولتله لسا فيه حاجه (عشان مستر الرياضه دا كان هيبدألي برايفت مع حد)
ف قالي ماشي
هي بقا سالت صحبتي ال كانت جمبها هو بيسالها على ايه

هي بجد ممكن تكون مش بتحبني ولا انا ممكن تكون ظالماها؟
طب ولو فعلا كدا ازاي ابعد عنها ولما تيجي تسالني هقولها ايه
هيكون عادي لو قولت ان المستر ظبطلي درس ولا تتكلم عليا او هتتضايق؟

Private Advice

Switch to receiving private advice for your post; otherwise it will be publicly visible.

Pumpkin_37268 🇪🇬

2 weeks ago

Feeling Alone

##ثانوية_عامة لو حد عايز مساعده قول عادي اتفضل لو مراكم أو بدأت تحبط و مبقتش قادر اديني باقولك اهو كمل و هتقدر صدقني ثق في نفسك بس قوم كمل يلا و لو عوزت مساعده أنا هنا لو عايز تطلع الجواك بس أنا هنا برضه هسمعك شكرا

Marshmallow_51225 🇪🇬

2 weeks ago

Feeling Confused

جماعه عايزا حد كان في تالته ثانوي وجاب مجموع عالي ودخل كليه قمه او كدا يقولي عمل ايه علشان أنا حاليا تايهه اوي ومش عارفه اعمل ايه والمفروض اعمل ايه علشان اعمل الكفايه فالسنه واوصل للي انا عايزا وانا ادبي مش علمي

Pumpkin_37268 🇪🇬

2 weeks ago

Feeling Alone

بعيدا عن العبث اللي الناس منزلاه دا ##ثانوية_عامة ، عاملين ايه أنا تالته ثانوي و كنت مراكم كتير، كتير اوي يعني، و حاليا و بعد حرفيا استمراريه خلصت المتراكم بكتب البوست دا لسببين، 1) يشارك فرحتي معاكوا، 2)لو انت مكسل و مراكم كتير و كل شوية بيجيلك افكار سلبيه بقولك اهو قوم و ابدأ و فكك من صحابك و خرو

Candle_51983 🇪🇬

2 weeks ago

Feeling Drained

حاسه بقالي كتير مصحتش فا مفروض معايا شامل عربي علي أول تلت فصول ادب بقا علي بلاغة و نحو مدبحة بس كمان أسبوعين قي الاسبوعين دول مفروض أخلص حل 4 كتب مخلصة واحد وهو الأساسي والباقيين بدأت بالنحو الفكرة إني بغلط كتير وبقول في الاخر الموضوع ده هيتحل بس مضايقة من اني بغلط في النحو بس مش موضوعنا الفكرة إني

Candle_52570 🇪🇬

3 weeks ago

Feeling Shy

في حاجات برضو نسيت اقولها ممكن في كتير بيسمعها بتوع( تالته ثانوي ) وهي ان خلاص الوقت عدي ومش هتلحق ومش هتعرف تجيب مجموع والكلام ده كلو احنا لسا في 11 والامتحانات في 6 عندك لسا الفرصه طول ما في حتي لو يوم يبقي لسا عندك فرصه واللي معرفش يبدأ من الاول في دروس يقدر يروح من دلوقتي وبيعرف يلم واللي بيروح

Candle_51983 🇪🇬

4 weeks ago

Feeling Lost

كنت في دوامة بقالي أسبوعين كدا والحمدلله خرجت منها وحاليا أنا في قمة حيرتي بخصوص أمر ما واللي هذكره وبجد محدش يرد عليا غير إللي فاهم مش عاوزه فتي اولا أنا ثانوية عامة وعدا 3 شهور بس حاسة اني مترددة في حاجات كتير انا باخد فيزياء وكيمياء منصة بس بفكر انزل سنتر انا عامة بحل كيمياء والحمدلله كتير مش م

Nutella_83568 🇪🇬

1 month ago

Feeling Heartbroken

Express your Feeling anonymously

تعبت من حياتي يجد، اتخنقتتتت، اانا مش عارفة اعمل ايه تاني، انا حرفيا بعمل الليى عليا زي غيري او اكتر كمان، انا بذاكر كتير و بردو درجاتي مش عجباني، للعلم انا ثانويه عامه، الفكرا اني بقيلي ٤ شهور ونص داخلة علي الشهر ال ٥ وبجد اكتابت، انا بس عايز اي نتجيه عدلة تخليني ابتسم ويرجعلي الامل واكمل، مش عاجبني ان كل مرا اجيب درجة وحشة واكتاب، حاولت اشوف اي طرق تاني ومش عارفة، للعلم انا السنه اللي فاتت كنت المركز التاسع علي مدرسة بتاعتي، نقصت ٦ درجات في المجموع بس،مدرستي خاصة فبدرس الاحياء والفزياء و الكمياء بالانجليزي وباخد اكسترا انجلش،فالدنيا صعبه اوي،ده انا كمان لبست الخمار من ٦ شهور رحت اول درس ليا في تالته ثانوي بالخمار، بطلت اسمع اغاني من سعتها، قربت من ربنا،  كنت بصلي ودلوقتي بقيت منتظمه اكتر، بدعي بغباء، وبصحي علي الفجر معظم الوقت وابدا يومي، كنت مرتبطه والحمد اللة دلوقتي لا، اينعم هو اللي كرهني في صنف الرجالة  او الذكور عموما بس هو بردو اللي خلاني ادور علي اهتمام من شخص الصح ولقيتو لما قربت من ربنا فعلا، ممكن يكون هو السبب اللي خلاني اقرب لربنا وابعد عن الحجات الغلط والتزم وعلمني ان محدش يضحك عليا تاني بسهولة، بس بردو  كل فين وفين بفتكرو وبتجرح، لسة المستر النهردا جاب سرتو في الدرس صدفة وهو بيشرحلي سؤال، لقيت نفسي بتكلم بسرعة وبهبل ووشي بقي احمرر، كل الناس ضحكت عليا معرفش ايه الهبل بتاعي ده، حرفيا انا مكتأبهههه بغباااااااااء، اعمل ايه تاني يا ناسسسسسس،(اسفة علي طول الرسالة)

Private Advice

Switch to receiving private advice for your post; otherwise it will be publicly visible.

Chilli_63940 🇪🇬

1 month ago

Feeling Lost

لو سمحتوا انا بس محتاج شوية حاجات لو حد كان في ثانويه عامه وكان شاطر مش مهم جاب كام التوفيق بتاع ربنا لكن يكون كان بيذاكر يعني بجد وبيعمل اللي عليه انا السنه ديه ثانويه عامه عمال اخبط في المواد واليوم بيضيع من غير مذاكر حاجه مش عارف اظبط المذاكرة يريت لو حد يقدر يفيدني حتى لو ثانويه عامه السنه دي هو

Strawberry_11050 🇪🇬

1 month ago

Feeling Stressed

الحالة صعبة في ثانوية عامة مش ملاحقة ألم حاجا ولا أذاكر حاجة ودنيا بتتراكم وشوامل ودرجات مش حلوة وعارفة أني مقصرة في مذاكرة بس مش عارفة ألاحظ وأذاكر بضمير ولا أي حاجة ومعنديش دافع وعايزة ألم كل حاجة بس بكسل ومش بلحق وأجي اضايق أني مش ضمن المتفوقين ومش عارفة ألاقيلي حل أدعولي أرجوكم مستوايا يتحسن ج

Coffee_86248 🇪🇬

1 month ago

Feeling Alone

مساء الخير .. كان نفسي احس بشعور أن ليا اهل وأصحاب خصوصا ان بابا وماما اتوفوا وانا ف سن صغير وليا اصحاب كتير بس بحس انى مش بعرف احكى او انى تقيله على اى حد ..وكل اخواتى متجوزين وكل واحد مشغول ب أولاده واللى متجوز بعيد وحتى لما حد بيكلمنى من أهلى عموما مش بيخافوا خصوصا انى ف ثانويه عامه وكلام الاهل

Orange_75300 🇪🇬 لو انتى بنت . انا بنت ولو محتاجه تتكلمى أو تفضفضى انا جاهزه اسمعك

View all 12 Advice

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.