خوف من الوحدة

Donut_88665 🇪🇬

3 days ago

Feeling Confused

💊👀ساعات بنتمسك بالناس مش علشان بيشبهونا، لكن علشان بنخاف نفضل لوحدنا. الخوف ممكن يخليك تقبل بالقليل، وتتنازل عن كتير، بس الحب الحقيقي عمره ما يوجعك كل يوم. اسأل نفسك دايمًا: انا متمسك علشان بحب، ولا علشان بخاف اخسر؟ اللي يسيبك مطمن، مش اللي يفضل مقلقك🪷

Coffee_86165 🇪🇬

2 weeks ago

Feeling Emotional

حاسه انى وحيدة و خايفه افضل لوحدى اغلب صحابى ارتبطو و اتخطبو و فى منهم اللى اتجوز أحياناً بخاف من فكرة ان ممكن مقدرش اقابل نصى التانى او اصلا ميكونش ليا نص تانى و انى هفضل لوحدى بدخل فى دايرة من الاسئلة كلها بتتلخص فى ليه هل انا مثلاً مش حلوة كفاية ؟ بس انا عارفه انى مميزة طيب صعبة فى التعامل ! ب

Carrot_67399 🇪🇬 ربنا في الوقت المناسب هبعتلك اللي شبهكك

View all 7 Advice

Mango_74726 🇪🇬

3 weeks ago

Feeling Meh

انا من خوفي من عمايل الوحدة والفراغ فيا بقيت طا.حنة نفسي في الحياة طول اليوم عشان اروح البيت تعبانة احط راسي وانام ع طول بدون تفكير هو دا طبيعي ؟ نيتيويويويويوييويويويويزيويويويويويويويويويزويوينيويزيزيزيزيزيزيزيويويويوييويوينيتيويويويويوييويويويويزيويويويويويويويويويزويوينيويزيزيزيزيزيزيزيويويويو

Orange_87311 🇪🇬

4 weeks ago

Feeling Alone

بحس اني ساعات بكون منطوي أو متوحد مش شخصية اجتماعية كده معرفش بكون كاره الناس ولا ده مجرد شعور كده بحس اني في الأوقات دي بعك الدنيا مع كله و ببقي كاره نفسي بسبب كده لاني بكون خايف الناس تتجنبني بعدين و بيراودني خوف اني اعيش وحيد و اموت لوحدي وكله مشغول في حياته الخاصه وانا الي منبوذ

Coconut_86655 🇪🇬

1 month ago

Feeling Alone

بخاف اكون لوحدى وعلشان كده بعمل حاجات كتير مش صح ددبكون عارفه ومتأكده إن كده بأذي نفسي بس انا فعلا بحتاج وجود الناس ف حياتى اتعرفت على ناس كتير اووووى ف حياتى وجربت انواع كتير من الاذي مع أن عمرى م فكرة أذي اى حد حتى لو كان اذانى انا مش عارفه هفضل كده لحد امتى وحتى مش عارفه ايه اللى المفروض اعمله وج

Kiwi_79580 🇪🇬

1 month ago

Feeling Lost

بخاف من الوحدة اوي وبحط ديما علاقتي بالناس في اول اولويات ومهما حاولت اني معملش كده اني اخلي نفسي انا الاول بس برضه برجع تاني وخوفي من الوحدة بيسجني، ويما بعمل مجهود كبير اوي عشان الناس تشوفني بحس اني شفافة محدش بياخد باله مني لو معملتش حاجة الموضوع ده بجد مرهق نفسياً جدا

Orange_77910 🇪🇬

1 month ago

Feeling Tired

انا عندي مشكله ان كل م اتعرف على حد جديد سواء سوشيال او في الحياه الواقعيه اني بزهق بعد يومين تلاته ومبقاش عايزه اي صله تقريبا بعد ما خلصت فتره اتداي اي صحاب كونتهم كان فتره لتني تقريبا كل شهر مع حد جديد او شله جديده بس صحابي اللي في فتره اعداي اللي عددهم لا يتجاوز 4 هما دول اللي ليا صله معاهم واكتش

Cherry_44067 🇪🇬

2 months ago

Feeling Meh

Plum_75802 🇪🇬 فهماكي اوي

View all 7 Advice

Express your Feeling anonymously

السلام عليكم ورحمه الله وبركاته 
ليه دايما أنا اللى ببذل جهد فى العلاقات (الصداقات) يعني أنا دائما اللى بحاول اتحب ، و اكون لطيفة عشان يقعدوا معايا فترة أطول عشان ماكنش لوحدي ، بحاول بشتى الطرق من لطافة مساعدة و تقدير و مدح عشان يبقو بس معايا ، عشان اكون محاطة دائما باصحاب . 
فكرة اني اقعد لوحدي دي بتخوفني ، مش عشاني أنا بل عشان محدش يبصلي بشفقة يقولو المتوحدة الانطوائية . 
و مع كل اللى بحاول اعمله بلاقى دايما العكس ، كله معاه أصحابه المقربين كله معاه شلته إلا أنا ، مرة اكون مع دول و مرة مع دول لأن مش بنتمي لمجموعة . 
والله بجد لما افتح الواتساب و اشوف ستوريز البنات كل واحدة مع صاحبتها و كله مع شلته بزعل جداا ليه أنا محرومة من الشعور دا ليه محرومة من أن يكون عندي أصحاب يحبوني و يسألو عليا مش دايما أنا اللى اسأل ..
طيب هي المشكلة مني ؟ مع أن محدش اشتكي مني ابدا و بالرغم دا محدش اختارني اكون صاحبته ، 
 ..طيب المشكلة في شكلي ؟؟
 اعمل ايه ؟ ؟؟
يعني كان فكري اني أول ما ادخل الجامعة مشاكلي هتتحل هيبقى عندي أصحاب ، اديني ف سنة تانية و معنديش غير صاحبة واحدة علاقتنا مقتصرة على اني اقعد جنبها ف البنش بس لكن برا الكلية لا . 
مع أن هي ذات نفسها عندها اصحابها اللى ف الكلية و بيخرجو مع بعض برا الكلية. 
والله العظيم بتعصب عليا نفسي مش أكتر

Private Advice

Switch to receiving private advice for your post; otherwise it will be publicly visible.

Mango_77536 🇪🇬

2 months ago

Feeling Alone

Express your Feeling anonymously

انا عندى 23 سنة أنا طول حياتى عمرى ما كان عندى صحاب بنات ولا أعرف بنات مفيش غير واحدة حبيتها و مرتبطناش خالص و قعدت سنتين أحاول معاها و كان حب من طرف واحد و هى محبتنيش بس كانت حابة فكرة ان حد بيديها أهتمام مش أكتر فا بعدت عنها و عملتلها بلوك من كل حاجة و الكلام ده من 6 سنين و لغاية دلوقتى عمر ما كان ليا صحاب بنات ولا فى المدرسة ولا الجامعة،  بس مليش الصراحة فى شغل أرتبط بدى شوية و نسيب بعض بعديها ارتبط بحد تانى انا معنديش الكلام ده انا بالنسبالى لو هرتبط بواحدة يبقى اتقدملها رسمى و من غير حاجة من ورا أهلها أو حاجة مش رسمية و التعارف يبقى فى الخطوبة و لو أنا عملت غير كده هبقى قليل فى نظر نفسى أوى أنا عارف أن اللى حبيتها فى الأول دى عكس الكلام اللى انا بقوله و الحاجات حاططها لنفسى بس ده كان أول واحدة أحبها و كنت صغير لسه و حاولت اشيلها من دماغى معرفتش فا عشان كده رحت اتعرفت و قربت منها و اتعلمت، بس حاليا من اللى بشوفه أن كل البنات لازم أرتباط و ينزلو ديت و الكلام اللى مش عاداتنا ولا ديننا بيقولو عليه(مع انى مش اللى هو شيخ و كده انا واحد عادى) بقيت خايف أقضى طول عمرى لوحدى و ملاقيش واحدة كويسة، ده انا حتى فى بوستات من بنات على الفيس بيتريقو على اللى بيتقدم رسمى و يضحكو عليهم اللى هو انا لما بشوف الحاجات دى انتو فين أهاليكو ولا ايه تربيتكو دى، و ازاى اصلا ارتبط بحد و اسيبه و ابقى عادى كده ولا كأنه فارقلى و اشوف حد غيره بالنسبالى الأفكار دى كلها مش مقبولة خالص، حالياً بقالى فترة كبيرة يمكن سنين عندى أكتئاب و أحساس بالوحدة رهيب شايف كل اللى حواليا و صحابى و قرايبى اللى بيخطب و اللى مرتبط حرفيا 99 فى المية منهم ماعدا أنا خايف أفضل طول عمرى لوحدى و ملاقيش حد بسبب أنى كده و عكس الناس كلها دلوقتى، ده حتى صحابى و أهلى بيفضلو يقولولى انت هتتجوز ازاى ولا هترتبط ازاى انت متعرفش ولا واحدة الكلام ده بيبقى تقيل عليا أوى، و اللى بيوجع أكتر بقى أنو بيجى من أهلى، و اللى بيزود الوحدة و الأكتئاب انى عمرى ما حسيت أن فى بنت معجبة بيا أو بصتلى حتى مع انى على كلام اللى يشوفنى و اللى يعرفنى شكلا كويس جدا و كذا حد من اللى بيشوفنى أول مرة بلاحظ انهم بيركزو فى وشى و يفضلو باصين شوية، و اجتماعى و الحمدلله بس المشكلة دى مخليانى خايف أقضى عمرى لوحدى و افضل علطول وحيد و مكتئب. انا عارف انى طولت و بعتذر بس بطلع اللى جوايا

Private Advice

Switch to receiving private advice for your post; otherwise it will be publicly visible.

Apple_61722 🇪🇬

2 months ago

Feeling Down

Topic:

قرارات من الأهل كانت سبب في تغير حياتك

هل لو اهلي كانوا بيضربوني و انا صغيرة و زعيق كتير ده ممكن يكون سبب أني دلوقتي مش اجتماعية خالص و بتوتر في التعامل مع الناس بشكل بيخلي عقلي و لساني يعطلوا حرفيا ؟؟ انا معنديش غير اتنين صحاب طول عمري و لسه داخلة كلية السنادي و حاسة أن دي اخر فرصة ليا أعمل صحاب و خايفة افضل وحيدة بسبب قلة اجتماعيتي تع

Mango_45204 🇪🇬

2 months ago

Feeling Alone

انا في تانية ثانوي مشكلتي اني بكره المدرسه و مش لاقي حد شبهي و حاسس اني واحيد المشكله ان دي يعتبر اخر سنة في المدرسة و انا معملتش صحاب حقيقيين و خايف اوي من انا ميبقاش عندي صحاب خالص و بذات ان في الجمعة ان انا اعمل صحاب أصعب من المدرسة نفسي يبقي عندي صحاب بيكلموني و ننزل مع بعض و كدة يعني بس بجد

Sugar_67863 🇪🇬 هقولك علي حاجة وتسمع كلامي ، انا كنت زيك وحاليا تالته جامعة عايزة اقولك حتي لو لاقيت صحاب هتكون وحيد وسطهم . صحاب ابتدائي فين بح اعدادي بح ثانوي هتكو بح وبح وبح مليون مرة كله هيتسوح في مكان متستعجلش بلاش الشيطان يحسسك انك من غير صحاب ولا حاجة .. بالعكس انت كده في أمان خلي علاقتك بالكل سطحية اهتم بمذاكرتك ثم مذاكرتك الف مرة وركز انت عايز توصل لايه عشان متغلطش الغلطة اللي انا واقعه فيها

View all 2 Advice

Potato_75118 🇪🇬

3 months ago

Feeling Disappointed

Topic:

اكتر خوف مأثر عليك في حياتك

بخاف افضل واقف مكاني و متحركش،بخاف من الفقد المفاجئ لحاجه اتعودت عليها ،بخاف اجرب حاجه جديده، بخاف افضل لوحدي و كل اللي حواليا يختفوا مره واحده، بخاف حد يشوفني فاشل. و رغم كل دا بحاول بس بيتصد في وشي الف باب و باب و بفضل في مكاني برضو عايز حل؟

Kiwi_37064 🇪🇬

3 months ago

Feeling Lost

Topic:

اكتر خوف مأثر عليك في حياتك

الخوف من الوحده ده ابشع حاجه مرت عليا طول حياتي من صغري و انا عايشه فيها بحكم فرق السن اللي بيني و بين اهلي بس لما كبرت و انفتحت على العالم الخارجي اتضريت و لسه بتضر منها بس اكتشفت اني دلوقتي انا اللي بختارها

Apple_71068 🇪🇬

3 months ago

Feeling Heartbroken

انا عندي 26 سنة عندي عندي مشكلة اني دايمآ بخاف اكون لوحدي ومبحبش اكون لوحدي بحب دايمآ يشاركني ونفكر مع بعض ... مش دايمآ بعرف اعمل كدة اغلب الوقت بكون لوحدى انا مش متجوز ومش عارف اتجوز واختار شريكة حياه حياتي صعبة عليا شويتين تلاتة

Popcorn_40682 🇪🇬 اتصرف علي طبيعتك و اتعمل مع الناس علي طبيعتك و ان شاء الله الامور تتحل

View all 2 Advice

Marshmallow_72497 🇪🇬

3 months ago

Feeling Confused

hi انا اول مرة اقول مشكلتي على العلن كدا هو فيه كذا حاجة عندي انا مبدايا ADHD باختصار فرط الحركة الي عندي بيخليني اتعلق بالناس ومقدرش ارفض اي طلبات ليهم خوفا ليبعدو حتى لو على حساب نفسي دا كان مسببلي أزمة زمان بس بدات اتعايش الي انا بعاني منه ان بسبب فرط الحركة محليني احكي كل حاجة لاي حد مرتبي كام

Apple_72445 🇪🇬 انا بشوف أن الحالة دي الأنسب ليها انها كأنها بتبدأ من الصفر يعني تبدأ مع نفسها مع علاج نفسي أنها تبدأ بقي تغير من المعتقدات والافكار عن نفسها واللي حواليها .. ما هو ال ADHD بتعالج ع فكرة ودي من ضمن استراتيجية علاجه وبرشحلك أنك تشوف حلقة الصحيح عن الموضوع ده في كل الحاجات دي وتكون عارف اهم حاجة أن الموضوع مش هيجي فجأة أو أن جلد الذات هيحل حاجة بالعكس دي بتكون نتائجة عكسية

View all 5 Advice

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.