صعوبة التركيز

Strawberry_52368 🇪🇬

1 month ago

Feeling Lost

بالنسبة ل حد ابوه وامه شبه الناس الغريبه وفي نسبة طلاق هتحصل قريبا بنسبة 80% لان خلاص ادركت مفيش سبيل للتفاهم ده مش مخليني مركزه ف دراستي ومش عارفه اركز ومستوايا بقا وحش ودي سنه لازم اركز فيها جامد وكمان مبعرفش احكي ل اي حد على مشاكلي عشان كل واحد فيه ال مكفيه والكتمان بيتعب فا اعمل ايه

Mango_64024 🇪🇬

4 months ago

Feeling Worried

يحتاج وقت كبير قوى عشان ابدأ ف اى حاجه وعمرى ما كملت حاجه للآخر أو التزمت وضيعت حاجات كتير من ايدى انا متقنه ان اقدر اعملها مش عارفه اعمل ايه بركن مشاعرى كتير قوى وبفضل عايشه من غير ما اعمل اى حاجه

Coconut_60290 🇪🇬

5 months ago

Feeling Lost

انا مش بعرف ارتب الكلام ولا بحب احكي اصلا. بس انا زهقت بقالي حوالي ٧ شهور على نفس الوضع من بعد ماخلصت جيش واخويا اللي اتوفى - ادعوله بالرحمة فضلا - ومن ساعتها تايه وضايع ومش لاقي حاجة مفيدة اعملها ولا قادر اكمل في اي حاجة ومش طايق نفسي ولما بدخل ف اي حاجة مش بقدر اكمل واستمر فيها حتى الصلاة بقيت اك

Popcorn_61948 🇪🇬 انت محتاج تحط هدف فحياتك وتشتغل عليه الفضا بيجيب اكتئاب ممكن مثلا تفكر فحاجه زي انك تخطب وتحطه هدف وتشغل انك تجمع الاول فلوس دبلة ولا كدا وبعد كدا تحط هدف علي الجواز انك تجمع مصاريفه انا بدي مثال عامة*

View all 7 Advice

Toast_57636 🇪🇬

5 months ago

Feeling Frustrated

انا كنت شخص شغوف جدا فى الدراسة وفى حياتى وكنت بخرج وبتصور وكنت شاطر بس لما دخلت الكلية حصل عكس دا تماماً بقيت شخص باهت حزين طول الوقت عايز اعمل حاجات كتيرة فشخ بس مش قادر حاولت كتير اخرج برا المود دا فعلاً كنت بخرج بس لوقت بسيط جداً وارجع تانى ببقى قاعد في الاوضة اللاب توب قدامى مذاكرتى قدامى مش قا

Avocado_47020 🇪🇬

8 months ago

Feeling Heartbroken

تحصل حاجة تضايقني يومين و تتحل و خلاص لسا هرجع لحياتي الطبيعيه تحصل حاجة تاني و ارجع لنقطة الصفر و هكذا بقالي فترة كبيرة كدا عمري بيروح و انا بحاول اتعافى و انهار و اقوم مش بذاكر ولا بروح دروسي تعبت الحاجات اللي بتضايق خارجه عن ارادتي او يعني ابويا كل يومين يتخانق مع امي خناقه كبيرة مبقتش طايقه البي

Cookies_25519 🇪🇬 بصى للاسف البيئة اللى عايشه فيها مش كويسه لنفسيتك بس حاولى ماتتأثريش بكل المشاكل دى وهى فتره وهتعدى بجد وحاولوا تشغلوا سورة البقرة ف البيت على طول

View all 2 Advice

Watermelon_33698 🇪🇬

11 months ago

Feeling Worried

ارجع شغفي تاني ازاي ناحية المذاكره مش عارفه اشجع نفسي ع المذاكره تاني ولما بجبر نفسي مش بستوعب انا بذاكر ايه بقرأ من غير م افهم وكل م احاول برجع لنفس النقطه تاني المفروض اعمل ايه ولما باجي بقول هراجع ع القديم يكتشف اني بذاكر من اول تاني والمشكلة أن الامتحانات قربت والتوتر بيزيد وحاجه زي الزفت🙂

Marshmallow_42306 🇪🇬

1 year ago

Feeling Meh

Express your Feeling anonymously

أنا عندي 19 سنة، في تانية جامعة 
بقالي حوالي خمس سنين مش لاقيه نفسي، مش عارفة ايه اللي أنا بحبه وايه اللي مبحبهوش، مش عارفة حاسه ب ايه بالظبط، مش عارفة ايه الشغل أو الموهبة اللي هحب أعملهم، مش عارفة أتعرف على نفسي ازاي بحيث أعرف إجابات الحاجات دي، بس المشكلة الأكبر إن كل حاجة بعملها دلوقتي بتستنفذ طاقتي وشغفي ونفسيتي وأنا بعملها، في أخر 6 شهور من 3 ثانوي لغاية دلوقتي وأنا بقيت مرهقة نفسياً جداً جداً ومش عارفة أشحن ازاي، ومن ساعة م دخلت الجامعة وأنا مكنش عندي شغف إني أروح الجامعة خالص بس كنت باجي على نفسي وبضحك على نفسي إني ببقى مبسوطة والدنيا تمام والترم التاني مرُحتش غير يومين بس تقريباً في الترم كله عشان مكنتش قادرة حتى آجي على نفسي كالعادة، والسنة دي باجي على نفسي أوي عشان أروح يوم أو يومين في الأسبوع وساعات كمان مش بروح، وفي جمعية كده بروحها بس بروحها بالإجبار، حاسه إن كل حاجة بعملها دلوقتي ببقى مجبرة عليها ومش عايزاها، مش عايزة أعملها بس مضطرة ولازم أعملها، المشكلة كمان إني من آخر 6 شهور في ثانوي لغاية دلوقتي وأنا مبعرفش أركز خالص في أي شرح، وده من ضمن الأسباب اللي كان بيخليني مرُحش الجامعة، إني بروح ومش بستفيد أي حاجة وبصرف فلوس مواصلات على الفاضي، محتاجة دلوقتي أعرف عن نفسي أكتر وأعمل حاجات بحبها عشان أشغل وقتي وعشان أعرف أشحن بيها طاقة تخليني أعرف أعيش شوية
أنا بحب القراءة ودائماً بقرأ وبتساعدني شوية بس مش كفاية خالص
عارفة إن كلامي مش مفهوم أوي ومش مترتب بس حاولوا تفهموني
معلش طولت عليكوا🌹

Private Advice

Switch to receiving private advice for your post; otherwise it will be publicly visible.

Biscuit_41182 🇪🇬

1 year ago

Feeling Alone

انا بنت عندي ١٧ سنة كنت مجتهدة جدًا في الثانوي وبذاكر بالساعات بدون ممل وكنت شغوفة وطموحة ومتفائلة دايمًا والحمدلله جبت مجموع دخلني كلية طب قصر العيني لكن من ساعت مادخلت الكلية وانا حاسه اني ضايعة ومش قادرة اركز خالص ولما بذاكر جزئية بسيطة بحس بالانجاز الفظيع واني كدا خلاص عملت الي عليا وبرضو بقالي

Biscuit_40165 🇩🇿

1 year ago

Feeling Worried

السلام عليكم انا عندي مشكلة مع القلق والتفكير الزائد مهما حاولت اتخلص منها ماقدرتش احلامي كبيرة جدا وبسعى احققها بس مع اول غلط بحبط نفسي واهينها ومش مبينة الحاجة دي لاي حد لاني غالبا مابكون الشخص الي ينصح الي حواليه والي يسمع مشاكلهم ولما حاول افضفض مابقدرش ومن كتر التفكير صار عندي هشاشة نفسية وسرع

Chilli_40214 🇪🇬 لازم لكل شخص مننا يكونله حد يرجع يتكلم معاه ويستشيره في كل خطواته. لازم تلاقي الشخص دا. علشان دا هيسهلك حاجات كتير

View all 4 Advice

Lemon_38464 🇪🇬

1 year ago

Feeling Down

عندي مشكلة اني لما بتقفل بوقف حياتي كلها يعني لو حصل موقف دايقني برمي الدنيا كلها وبخش في مود سخيف ومبعرفش لا اذاكر ولا اشتغل ولا اعمل اي حاجة وده مخسرني كتير في حياتي وانا حياتي مليانة مشاكل اصلا من اولها لاخرها وانا بني ادم حساس بزعل بسرعة من اقل حاجة وبتقفل من اقل حاجة ازاي اغير ده.

Strawberry_40306 🇪🇬 الموضوع بسيط تخيل المشاكل إللي تحصل و اكتب حلولها ف ورقة و اكتب إللي هتعمله و أوصل للاخر و شوف عجبك كمل معجبكش خلاص غير السيناريو لحد ما تعجبك النتيجة و أقتنع بالسكتة و توكل علي الله و قرب من ربنا في السكة كل مشاكلك هتتحل

View all 4 Advice

Apple_39124 🇪🇬

1 year ago

Feeling Depressed

مش عارفة اقول ايه بس بحس أنه عندي صراع داخلي كبير مش عارفة اركز بأي شيء عندي كل حاجة وعكسها مش عارفة اركز بحياتي وده موجود من وانا طفلة بسبب أن مدرس التحرش بيا وانا صغيرة ومن وقتها بقى عندي تفاصيل كتير صعب اشرحها ومريت بمواقف نفسي احكيها بس كلامي مش مترتب اني اعرف احكي القصة بس بحس محتاجة اروح لدكتو

Coffee_37295 🇪🇬 طبيعي والله اكيد احنا ف حياتنا قصص كتير مستحيل حد يعرف عنها حاااجه بس يمكن ده وقتها انك تحكي تفضفضي وخلاص

View all 2 Advice

Coffee_31905 🇪🇬

1 year ago

Feeling Tired

السلام عليكم أنا من صغري و التركيز عندي حاجة شبه مستحيلة إلا في حاجات معينة و لما تميت ال١٨ قررت أكلم متخصص في الموضوع و عرفت إني عندي ADHD و اتكتبلي أدوية قد كدا و لاكن الأدوية ديه كانت بتحسسني بالاكتئاب و الفراغ الداخلي و مساعدش آوي بعد سنة في التركيز و فيوم قررت إني مش حاخد الأدوية تآني وللأسف بد

Apple_27176 🇪🇬

1 year ago

Feeling Tired

Topic:

الحب من طرف واحد

بحب واحده من طرف واحد بحبها اوي بجد عمري ما حسيت يعني ايه حب لما شوفتها بس مش حينفع اقولها علشان خايف اخسرها بس هي حيست اني بحبها بس هي بعدت شويه و رجعت تاني ك صحاب بس للاسف مش عارف ابعد عنها و لا عارف اعمل اي حاجه شكلي حمشي الدنيا علشان لو قولتلها حخسرها بس انا موجوع اوي مش عارف اركز في شغلي و في

Coffee_27371 🇪🇬 مش للدرجه ديه يعنى هى آخرها هتتجنبك وانت فالوقت ده حاول تتخطها لكن كون انك مش عايز تقولها هتفضل حاطط امل ومره هتحسها بتحبك ومره لا فمش هتعرف تشوف غيرها ع عندك امل

View all 11 Advice

Banana_27467 🇶🇦

1 year ago

Feeling Down

Topic:

شعور الوحده؟

دايما حاسس كل اللي حواليا مش بيحبوني و عايزين الشر ليا مش بحس بالتفاهم معاهم ولا بحسهم متقبليني بحس اني لو مت هيرتاحو مش عارف احل الموضوع ازاي و مقصر في صلاتي و حاسس اني ضايع و مش عرف حتى اركز في الجامعه و مش بحب اروح ولا اني أقابل ناس جديده

Mango_15394 🇶🇦 حاول تحب نفسك عشان الناس تحبك و اقعد مع نفسك شوف هواياتك و اي اكتر حاجه بتحب تعملها قرب من ربنا و صلي وادعي انك تنتظم في الصلاه و حاول تفهم انت الاول اللي حواليك عشان هما يفهموك افهم هما ليه بتعاملو كده شوف عيوبك و صلحها حاول تتعرف على ناس جديده حاول تبقا نسخه جديده من نفسك

View all 9 Advice

Biscuit_20744 🇪🇬

1 year ago

Feeling Stressed

عايزة اخد رأيكوا في حاجة دلوقتي انا تالتة ثانوي و باخد مادتين سنتر و 3 مواد اونلاين ، بس البيت عندي دايمًا بيبقى دوشة بسبب أهلي و أخواتي بيفضلوا يهزروا بصوت عالي و كده فمش بعرف اركز في المذاكرة خالص ، مع اني بدخل اوضتي و بذاكر جوة لوحدي و بقفل الباب عشان الصوت بس بردو مش بينفع عشان النت في اوضتي ضع

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.