علاقات عاطفية

Moon_87083 🇪🇬

1 day ago

Feeling Confused

امبارح كنت منزل بوست بحكي فيه ال حصل مع واحده بإختصار كنا بنتكلم وبعدين عملت بلوك ع كلامها علشان حرام الكلام دا من كذا شهر ف لقيتها من قريب شالت البلوك ودخلت تكلمني وبقت تتصل كتير.. ا بس انا غلطت لما فتحتلها الباب تاني.. المهم انا كنت كاتب اعمل ايه ف اغلب ال دخل نصحني كان بيقولي حاجه شبه كلمات براق

Cookies_62719 🇪🇬

2 days ago

Feeling Exhausted

هقرا فاتحة بنت النهاردة محترمة وطيبة جدا واهله ناس كويسه بس المشكلة ان بعد ما كلمته كام يوم محستش في قبول خصوصا ان قراية الفاتحة اتحددت بسرعه اوي ومفيش وقت كنت لغيت وقولت مفيش نصيب انا نفسي يكون في قبول ولهفة وبحاول والله بس مش نافع لان البنت دي من النوادر ادعولي بالله عليكم ربنا يحله من عنده والله

Toast_88377 🇪🇬

2 days ago

Feeling Confused

ازاي اعرف انه لسه عايزني انا من غير ما نتكلم تاني i was literally the one to push him away for like more than three times معرفش ده مرض في عقلي اني عايزة احس انه عايزني بس ولا انا معجبة بيه اوي فعلا زي الاول لسه واني مش بهول الموضوع في دماغي هو مكنش بيشوفني اصلا ولما حصل بينا كلام هو بدأ يحس اني معجب

Heart_88586 🇪🇬

2 days ago

Feeling Lost

هو ليه لما نحب حد ونهتم بيه بيبقا بيتعامل ببرود وهدوء اعصاب انك مضمون ومش بيبين حبه ولا اهتمامه ولا كأنك موجود ولما تيجى تبعد يبقا مش عارف يعملك ايه عشان تفضل موجود ويعتذر ويحلف ويقول حقك عليه اصلى مشغول فى الشغل غصب عنى طيب سؤالى هو ده الطبيعى فى كل العلاقات انها تبقا كده نفضل كل واحد يجرى ورا ال

Popcorn_68662 🇪🇬

3 days ago

Feeling Confused

استطلاع رأي. " " سم الضمان في العلاقه " يا جماعة، سؤال محيرني وعايز رأيكم بصراحة: ليه في العلاقات العاطفية، الطرف اللي بيحس إن وجودي مضمون خلاص، وإني مش هبعد عنه أبدًا، بيبدأ يتعامل بـطريقة سيئة وقاسية؟ تلاقي المعاملة اتغيرت 180 درجة، بقى فيه إهمال، جفاء، ويمكن أذى نفسي كمان! وكأن وجودي "تحصيل ح

Jackfruit_64058 🇪🇬

3 days ago

Feeling Confused

دلوقتى انا غلط بحق خطيبتى و لى 3ايام بحاول معها و مافيش نتيجه اسلوب كلمها بارد و وقت ما اسألها يعنى نكمل و نفركش تقولى معرفش. ومش عارف احاول و فى الاخر اندم انى حاولت و اسيبها و اتدم انى محولتش؟

Apple_85013 🇪🇬 عملت ايه اكيد ولازم تفاصيل

View all 4 Advice

Peanut_74196 🇪🇬

3 days ago

Feeling Sorry

نوعين من البنات ما تحاولش تتجوز منهم أول نوع البنت اللي ما حيلتهاش غير جسمها اللي كل حتة فيها بتشع أنوثة فيه بنت مجرد ما تعرف إنها حلوة وجميلة وكل العيون بتبصلها وكله بقى ملاحظ أنوثتها بتلاقيها تركن عقلها على جنب وبيفضل كل شغلها الشاغل هو جسمها وشكلها اللي بقوا ملفتين واللي لازم تطورهم دايمًا

Popcorn_68662 🇪🇬

4 days ago

Feeling Confused

جماعه انا بعمل بحث و هحتاج نتيجه استطلاع راي ضروري عشان الماستر استطلاع رأي: معادلة العطاء والأخذ في العلاقات العاطفية 🖤 الطبيعي في العلاقات العاطفيه يكون في توازن بين الطرفين بس دايمًا مش بيتحقق و لتظهر العلاقة اللي فيها طرف بيضحي ويدي كل حاجة، وطرف تاني دوره إنه يستقبل وبس. أنا بشوفها علاقه

Mango_30432 🇪🇬

1 week ago

Feeling Annoyed

هحاول اتكلم من غير( شtيمه) حوار عبيط اوي اللي طالعه بيه البنات اليومين دول ، اللي هو يصالحني حتى لو مش انا الغلطانه بكل هدوء و عقلانيه .. ليه؟ ليه يصالحك و انتي اللي غلطتي ما تشيلي و تتحملي قرفك و غلطك هو اي (حاجه مش كويسه و خلاص) ولله حاجه (وحشه) جدا يعني و كل اللي بيعمولها توكسيك و مرضى محتاجين

Mango_88386 🇪🇬

1 week ago

Feeling Emotional

جماعة انا كنت في علاقة مع واحدة وقعدنا حوالي سنتين مع بعض المهم اكتشفت خلال الفترة دي ان هي شخصية استنذافية بمعنى الكلمة بكاية شكاية رغم كل الاهتمام والمشاعر اللي خلصتهم عليها حاولت اقطع العلاقة اكتر من مرة معرفتش لانها في كل مرة كان بتترجاني بطريقة غريبة فاستمريت لحد اخر مرة فكرت اني اخلع منها بطر

Coffee_86025 🇪🇬

1 week ago

Feeling Confused

انا ف وحده دخلت واتعرفت عليا اه انا وهي ف نفس الجامعه وتكلمنا لمده ٤ ايام بس هي بتبني ف مخيلتها انا خلاص هنتجوز وهي عرضت عليا الجوزار واني اخطبها 😂 للعلم مفيش حد فينا قال لل تاني كلمه بحبك حتي هي على طول كدا عايزاني اخطبها والجوائز إنشاء الله يكون بعد ٣ سنين 🙁. وانا حاسسها عبيطه و م عارف اتصرف مع

Sugar_47357 🇪🇬

1 week ago

Feeling Confused

بقالي كتير منزلتش حاجه هنا ومختفيه تماما .. بس في حاجه بتحصلي من مده بسيطه بتجيلي ع فترات ومش عارفه تفسيرها .. انا بيبقي جوايا طاقة مشاعر عايزه اطلعها مع اي حد حتي لو منعرفش بعض ان اقوله بحبك وكده كأننا مرتبطين او حضن ومش عارفه افسر ده ب أيه وحاسه ان الحوار محرج بالنسبالي.. ف ده اسمه ايه والمفروض ات

Mango_71082 🇪🇬

1 week ago

Feeling Bored

انا مش فاشل من صغرى بس كنت خايف وخبيت انى بعرف اعمل حجات كتير زى مهاراتى كتير ومحدش يعرف عنها حاجه فى اعدادى كانت بدايتى اتعلمت اتكلم انجليزى وكنت بحب اتكلم قدام الناس بس اتريقوا عليا يقولو اتكلم عربي الاول دخلت ثانوى قالولى كنت دخلت صنايع ولا تجارة كنت اتعلمت صنعه اختفيت ٣ سنين مش بخرج بتعلم بس زود

Carrot_70253 🇪🇬

1 week ago

Feeling Stressed

Topic:

عرفت ازاي انو الشخص مش مناسب ليك ؟

السلام عليكم ورحمه الله وبركاته بتتصرفوا إزاي لما تكونوا معجبين ببنت ؟ و بنتعاملوا مع البنات التانية إزاي قدامها؟ يعني لو أنت معجب ب واحده هتعاملها زي م بتعامل الباقي؟ ....؟........... ..؟.... ارجو الرد بجد متتجاهلوش بالله

Lemon_52708 🇪🇬

1 week ago

Feeling Exhausted

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها. كنت شايفها حاجة كبيرة… يمكن أكبر من حجمها بكتير. ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه. كنت بسأل نفسي دايمًا: هل أنا كفاية؟ هل هتشوف فيّ راجل يعتمد عليه؟ عمري ما ت

Express your Feeling anonymously

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها.
كنت شايفها حاجة كبيرة… يمكن أكبر من حجمها بكتير.
ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه.

كنت بسأل نفسي دايمًا:
هل أنا كفاية؟ هل هتشوف فيّ راجل يعتمد عليه؟
عمري ما تخيلت إن الإجابة عندها هتكون بالعكس تمامًا.

وفجأة…
اكتشفت إنها بتكرهني أوي.
كره مش مفهوم، ومش متوقّع… كره أكبر بكتير من كل اللي أنا قدمته ومن كل اللي كان جوايا.
والأصعب من الكره؟
إنها شافتني “مش راجل”.

بس الحقيقة؟
هي شافتني مش راجل مش علشاني…
لكن علشان هي نفسها ما تعرفش يعني إيه الرجولة أصلاً.
اللي يشوف الرجولة في الصوت العالي، وفي الجرح، وفي القسوة… ده إنسان ناقص من جوّه.
إنما الرجولة الحقيقية؟
إنك تحب بصدق، وتحافظ على كرامتك، وما تردش الإساءة بإساءة، وتعرف إمتى تمشي من غير دوشة ولا فضايح.

أنا مش بشتكي، ولا بعيط…
بس الصدمة وجعت.
وجعت لأنّي حبيت بصدق، وهي قابلت ده بنفور وبكلام جارح وطعنات في شخصيتي وفي رجولتي—حاجة عمري ما فكرت ألمسها عندها.

بس خلاص…
اللي بيبان على حقيقته متأخر، أحسن من إنه ما يبانش خالص.
وأنا شفت الحقيقة… وشفت نفسي بوضوح بعدها.
ولو هي شايفاني “مش راجل”؟
فده لأنها مش قادرة تشوف الرجولة الحقيقية… ولا كانت في يوم في مستواها.

Private Advice

Switch to receiving private advice for your post; otherwise it will be publicly visible.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.