علاقات معقدة

Strawberry_87386 🇪🇬

1 day ago

Feeling Annoyed

من شهرين اتعرفت علي واحد و بقينا بنتكلم كتير و كده و بدأت اعجب بيه فا هو شخص متحكم في كل حاجه فاللبس و الناس الي بكلمهم و بيخليني أشيل الولاد الي عندي وانا معنديش مانع عمتا المهم في يوم كده شوفت بنت عندو عملالو كومنت فا بسالو مين دي فا قالي دي واحده كده عندي من بدري قولتلو طب شيلها قالي لا مش هينفع

Tofu_80395 🇪🇬

2 days ago

Feeling Annoyed

Express your Feeling anonymously

بوستات الأكتئاب هنا كترت اوي وناس بتعاني من علاقات معقدة وفي ناس بتتعالج بأدوية او علاج نفسي عند دكاترة وفي ناس متوفقتش في حياتها العاطفيه وخايفة تخوض التجربة مرة تانية عشان خايفة تتجرح ..
بص يا سيدي انت او انتي..لو الدكتور قالك انت باقيلك يوم واحد في حياتك هتعمل ايه هتسلم أمرك لله بس  طبعا دة اخر يوم يعني هعيشة بالطول ولا بالعرض وهعمل كل اللي نفسي فيه.. اهي الحياه كدة لازم تاخد منها اللي يسعدك علي قد ما تقدر انت مش جي عشان تعيش في هم ونكد وتشيل نفسك فوق طاقتها استمتع بالدنيا متفوتش لحظة فيها لمجرد انك اتجرحت من شخص بالعكس كمل وانت عارف وواثق ان متشالك الأحسن وهتقابل الشخص اللي روحه تتوافق معاك..عيش مرتاح في حياتك ومتعش مجبر وافتكر ان راحة بالك اهم من ارضاء الآخرين..
بالنسبة للرجالة والستات نصيحتي ليهم عاملي حبيبك كأنه ملك وانت عاملها كأنها ملكة حسسها تملي في كلامك ان مفيش زيها ولا هيجي زيها.. وانتي حسسيه انه راجل وسيد الرجالة واغفروا لبعض الهفوات عشان المركب تمشي.. الدنيا من غير راجل متسواش.. وانت كمان اعرف ان الست اجمل مخلوق خلقه ربنا الدنيا من غيرهم جحيم.. عشان كدة ربنا خلقهالك من جزء منك ومخلقهاش لوحدها عشان تحس بقيمتها وتتآنس بيها في وحدتك.. حبوا بعض اغفروا لبعض وافتكروا انكم قاعدين ساعات معدودة وهتسيبوها.. ساعتها كل واحد هيحس ان حتة منه راحت وهتفضلوا تبكوا ع اللي راح طول عمركم  😭

Private Advice

Switch to receiving private advice for your post; otherwise it will be publicly visible.

Mushroom_70207 🇪🇬

3 days ago

Feeling Confused

ليه ممكن تبقي كل حاجة بتدل علي اني بحب شخص وانا ملاحظة اول ما بيجي بتغير ازاي و كل حاجة فيا تبقي فرحانة و عيني بتطلع قلوب. بغير عليه جدا . بس رغم كل دا من جوايا بجد حساني مش بحبه يعني دا اي ؟ حب وانا مش قادرة افهم مثلا ولا دا بضحك علي نفسي ب اني بحبه كصديق بس. أنا بجد مش عارفة .

Popcorn_68662 🇪🇬 انتي عندك احتياج عاطفي وفراغ وعقلك مهيئلك أن هو ده الشخص ممكن يكون مجرد اعجاب

View all 4 Advice

French Fries_32968 🇪🇬

1 week ago

Feeling Disappointed

كان عندي اتنين صحاب ملهومشي علاقه ببعض وبعدين اختلطوا ببعض وبعدوا عني والمهم واحده منهم طيبه والتانيه مش سهله المهم حظرت الطيبه وكبرت دماغي انا من النوع الي مش بيفرق معايا ناس المهم بعدها بفتره بعدوا عن بعض وكل واحده رجعلتي البنت الطيبه دي عادي بضحك معاها وخلاص لكن مافيش كلام ولا اي حاجه التانيه

Candle_73846 🇪🇬

1 week ago

Feeling Meh

مش كل حاجه فور ريل هنا مهم ف حاجه شاغله تفكيري مؤخرا معرفش لو حد ممكن بيفكر نفس تفكيري او لا بس هقولها يعني سعات بخاف بخاف اظلم ناس ف حياتي انا بثق ف احساسي وحدثي ومش تايهه والله بس انا بخاف فعلا بخاف احكم ع الناس غلط اكيد مش بتحكم ع الناس من اول فرصه بس انا لو حاسه اني مش مستقبله بفضل مش مستقبله

Sugar_86730 🇪🇬

3 weeks ago

Feeling Disappointed

Express your Feeling anonymously

السلام عليكم ورحمة الله وبركاته 
صاحبه عمرى انا بعزها اوى وبحبها اوى واكيد بيحصل بينك وبين الشخص اللى بتحبه خناقات اوقات انا وهيا دايما بنتخانق وبنتصالح علطول كل خناقتنا بتكون على الشات واحيانا لا بس دايما مجرد اننا نتكلم مع بعض انا اضحكلها وهيا تضحكلى وبكده بنكون متصالحين ومن كتر حبنا لبعض كل الناس اللى تعرفنا بيستغربونا اوى بس الغريب انا دخلت كليه وهيا دخلت نفس كليتى بس كريديت فى الاول كنا بنحسب اننا كده هنبقى مع بعض وكنا فرحانين اوى وهيا لما قالتلى هقدم فى نفس كليتى كنت هطير من الفرح بس بعد كده عرفنا انه كل واحده هتبقى لوحدها عيا زعلت اوى وانا مخفيش عنكم زعلت بس حاولت اقولها عادى يا بنتى اهو فى نفس الكليه ونفس القسم مفرقتش هنشوف بعض وان مشوفناش بعض اهو نكلم بعض دايما ومن هنا حسيتها بتتغير باقت دايما تجيب نفس لبسى وحبنا لبس كتير مشابه وتقولى نلبس زى بعض انا فى الاول كنت فرحانه اوى ومش هيفهم قصدى غير الاتنين الصحاب اللى بتحسهم تؤام وبيحبوا يلبسوا زى بعض بس باقت كل ما نلبس زى بعض تحسسنى انها احسن منى مبرضاش ازعلها واقولها ما شاء الله تبارك الله انت جميله خالص وانا جميله برضه تقولى لا انا اجمل منك مع انى بجد بيتقالى من كل زمايلى انى اجمل منها بقت تجيب لبس من ورايا ولما تعرف انى محوشه وهروح اجيب لبس تقول لمامتها وتجيب زى بقت كل الهدوم بتاعتى اللى بلبسها هيا عندها زيهم بالظبط وعاد على لسانها قدامى وقدام الكل انى بقلدها مبرضاش احرجها وبسكت بقول هيا صاحبتى برضه بس اكره ما عندى انه حد يقولى انت بتقلدينى فى اسلوبى وفى كل حاجه مع العلم لما تعرف انى جايبه دريس او فستان مش معرفاها انى هجيبه بلاقيها زعلت واتقمصت وانا كذا مره بتخنق ومش عنت بكلمها  زى الاول دلوقتى بقى بتبعتلى وتعيط وتقولى هو انت عايزه تتهربى منى وعايزه تبعدى عنى وخلاص وبعتالى رساله عتاب طويله عريضه وانا عايزه ابعد بس حبى ليها مخلينى مش عارفه اخد قرار هيا اقرب حد ليا بس محدش متخيل هيا بتحطم فيا وتحرجنى ازاى قدام صحابى الجداد اللى فى الكليه اللى فعلا خدوا عنى فكره انى انا اللى بقلدها بسببها ياريت حد يفيدنى

Private Advice

Switch to receiving private advice for your post; otherwise it will be publicly visible.

Mushroom_86882 🇪🇬

4 weeks ago

Feeling Exhausted

بحبها جدا وده مش عيب الحب مودةً ورحمة ٣٠ سنه كاملين واخيرا لقيتها مفيهاش غلطة وانا اول حد في حياتها بس احتياجها المرضي ليا تاعبني مش عارف اركز في شغلي ولو اتكلمت معاه بالعقل بتكتم في نفسها وتقعد ساكته زي ال كاتم نفسه وتنفجر من اقل حاجه مش عارف اتسند عليها بقيت عامل زي الروبوت معاها بوفيلها كل طلبتها

Guava_62394 🇪🇬 لازم تكون مرنة معاك وعارغه ومقدرة مواعيد شغلك والا الاسكين كير بتاعها قولها هتجبيه منين لو انطردت من الشغل بسبب ااتاخير والاهمال الاكل والمصاريف هتجيبهم منين فهمها بالعقل مفهمتش وعاندت عرف مامتها علشان هي كده تصرفاتها تصرفات مراهقه

View all 3 Advice

Croissant_66913 🇪🇬

4 weeks ago

Feeling Lost

انا تايه اوي عملت عربية قهوة ف محل ابويا ودفعتله ايجار ومش عاجبه كمان روحت اتقدمت لبنت حبيتها وبعافر عشان اجيب الشبكة ومحدش عاوز يساعدني كل حاجه بتسود ف وشي بدات ازعق معاهم واحسسهم انهم مقصرين معايا مع اني عارف البير وغطاه المشكلة بقا ان العروسة دي اهلها ناس كويسة الحمدلله بس هيا حكتلي عن تلت اشخاص

Blueberry_86662 🇪🇬

1 month ago

Feeling Heartbroken

دلوقتي انا كان متقدم واحد ف أمريكا اخنا اتعرفنا شهر بعلم الأهل واختلف مع بابا لان والدى طلب من اخوه ١٥٠ الف دهب هو قال مش مقدرته هجيب ب ٢٥ بس بابا قالى طيب يجيب الباقى كمان سنتين قرب الفرح قال لا مش هيقدر ويكتب الباقى ف القايمة بابا رفض ف الاول وقال لاخوه سلف اخوك انت اخوه الكبير بعشم علشان احنا قرا

Strawberry_64688 🇪🇬

1 month ago

Feeling Meh

مخيفه الجمله دى كل غالى عندو الغالى ازى انا يبقا حد يبقل غالى اوى عندى بس هو عندو غيرى الغالى مش قادره اتقبلها هى محصلتش معايه بس فكره الجمله واحساسها بيخوفنى ان ممكن احط حد مش فى مكانه الحقيقى

Strawberry_72714 🇪🇬

1 month ago

Feeling Stressed

Express your Feeling anonymously

امبارح نزلت بوست وكنت بتكلم عن ان واحده صحبتي دايما لما بعمل حاجه كويسه بتحاول تعلي عليا ولما اعمل حاجه وحشه تقعد تضايقني بيها اكنها هزار وكدا المهم كذا حد قالي انها غيره وكدا بس انا مش شايفه بجد أنها ممكن تغير مني في حاجه لان احنا شبه بعض ويمكن هيا كمان احسن مني في حاجات كتير ، كنت عاوزه بردو اقول حاجه عشان بتضايق منها بحس انها عندها حب تملك وكدا يعني مثلا مش عيزاني اصاحب غيرها او كدا وحتى لو مصاحبتش وروحت سلمت على واحده صحبتي قديمه مثلا تتضايق مع اني معملتش حاجه غير اني سلمت هيا بقا عكس كدا يعني عايزه تصاحب غيري وانا معنديش مشكله عادي بس انا اصاحب غيرها بنسبالها لا وكدا بتعمل مواقف كتير ضايقتني بس بعدي يعني مثلا حصل موقف كدا انا وهي كنا بنتصور جات واحده صحبتها سلمت عليها وكدا وهي سابتني ومشيت من غير ما تقول حاجه ولا عبرتني اتضايقت بس عشان معبرتنيش واكني مكنتش موجوده في مواقف تانيه كتير مثلا بردو كنت متخانقه معاها وفي بنت بردو صحبتي قديمه بس كنت متخانقه معاها لما اتخانقت مع صحبتي دي لقيتها نزلت مع البنت اللي انا متخانقه معاها وخرجت معاها وكمان في نفس اليوم اللي خرجنا فيه اتضايقت جدا طبعا بس هي دي تقريبا كل حاجه بتضايقني منها لكن غير كدا هي كويسه معايا في كل حاجه يعتبر معرفش بقا اعمل ايه + انها بنت صاحبه ماما وصعب اني ابعد عنها عشان مامتي ومامتها صحاب جدا من ابتدائي ف مبقدرش اخد موقف منها او ازعل او ابعد فكرت كتير ابعد عنها بس زي ما انتو شايفين يعتبر في صله قرابه ف دي حاجه مخلياني مش عارفه ابعد ولا اخد اي موقف مع اني فكرت كتير ابعد عنها

Private Advice

Switch to receiving private advice for your post; otherwise it will be publicly visible.

Cherry_59115 🇪🇬

1 month ago

Feeling Emotional

عاوزه احكي عن مشكلتي انا كنت مرتبطه بواحد من شهر ٣ وانا بشتغل ومن شغلي بالصدفه اتعرفت علي حد بس في حدود الشغل وانا لنا حسيت أنه ممكن يكون فيه كلام عرفته اني مرتبطه بعدها كلام الشغل اتحول وبقا صحاب وانا لسه مرتبطه وضميري انبني ونهيت مع التاني ده بسبب كده وعلشان مكونش حاسه اني بخونه بس معرفش الكلام

Strawberry_72714 🇪🇬

1 month ago

Feeling Worried

يجماعه عندي مشكله ومحتاجه رأيكم ازاي احلها دلوقتي انا وولد كنا صحاب من فتره وبعدها بفتره هو حبني بس انا شايفاه ك اخويا و صديق ليا بس وكل شويه يقولي هنتجوز إن شاء الله ومش عارفه ايه وانا مبعرفش ارد اقوله ايه عشان مجرحوش وكدا وبقوله اللي فيه الخير ربنا يقدمه وبس مش عارفه اعمل ايه وامبارح كلمني وصارحني

Strawberry_60053 🇪🇬

1 month ago

Feeling Exhausted

انا كنت بحب واحده اوي و حربت عشان اروح اخطبه و ابوها مش موافق فا هيا قلتلي خلاص انا مش هينفع اقف قدام اهلي و بلاش و كده فا انا رحت خطبت واحده غيره و هيا لما عرفت جت كلمتني و قعدنا نتكلم لحد ما انا سبت خطبتي عشان حصل مشاكل و كده بينا و فا هيا لما انا سبت خطبتي قلتلي انا خايفه منك و هيا دلوقتي مش بترد

Apple_22069 🇪🇬 ارجع لخطيبتك لو ينفع يابن الناس وسيبك من التوكسيك التانية هي رجعت تكلمك عشان عايزاك تفضل تجري وراها مش اكتر هي لما لقيتك سيبتها وبطلت تجري وراها حاولت ترجعلك بشكل مباشر او غير مباشر عشان ترجع تجري وراها وهي اللي تسيبك وانت اللي تعاني اعملها بلوك من كل حته ولو حكمت تغير رقمك اعمل كدة دي توكسيك وهتدمرك

View all 7 Advice

Kiwi_84544 🇩🇿

1 month ago

Feeling Alone

انا عندي مشكل مع امي لانها هي تحب تكون متسلطة و انا معشتش معاها من 12 سنة كبرت و والفت نعيش بلا ام بسك هي بعيدة و درك منحكيش معاها و درك وليت منحكيش مع بابا بسك صرا مشكل و ملقيتش كفاه ندير مفهمتش ميفاه ندير اني حاس روحي خاسر كلش و انا خاطيني البنات و الحكايات هذو تاع حب و كذا كشغل منيش حاب نتعب راسي

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.