قلق من المستقبل

Heart_57478 🇪🇬

1 hour ago

Feeling Down

هو ليه ببقي زعلانه ومتضايقه ومخنوقه منغير سبب واضح مش حاسه اني سعيدة ومش عارفه اتبسط ولا قادرة اجادل وبقيت حساسه جدا جدا وبفكر كتير جدا في الماضي والمستقبل .ghdfghnmkjvhjjfjjdjdkdkdksmsnsjjsdm dhdjjdksksjdhhdbhdjdjdjsjskhdhdhnddn djdhdjdjxtgdhdjdkdkkdkjxjxhdydhd

Blueberry_88753 🇪🇬

23 hours ago

Feeling Disappointed

الإنسان بيعمل ايه في الفترة إلى بعد التخرج دي وهو حاسس نفسه فاشل من كل الجوانب 1-عاطل 2-سنجل 3-معندوش صحاب يعني انا المفروض متخرجه اهو بقالي سنه وكان شهر وكل إلى حواليا بيشتغلوا بيتخطبوا أو يتجوزا وبيسافروا وانا واقفه مكاني مش عارفه اعمل أي حاجة المفروض اعمل ايه؟

Orange_88342 🇪🇬

1 week ago

Feeling Lost

الكلية إلى انا فيها كانت كلية احلامي حرفيا ..يعني تجاهلت رغبة والدي و دخلتها و هو بجد مكنش موافق ..الفكرة اني بعد ما بدأت دراسة ابتديت احس ان الموضوع صعب جدا و حاسه ب ان اختياري ل اهم حاجة في حياتي في الفتره دي غلط ..و مش قادرة اتقبل اني انقص درجات حتى لو قليلة لأني داخلة الكلية ب رغبتي التامة (يمرا

Orange_87311 🇪🇬

3 weeks ago

Feeling Tired

Express your Feeling anonymously

كنت مرتبط ب بت عمي و حبيتها و اتعلقت بيها جدا و انفصلنا وقعدنا فتره علي كده و بعد كده هي رجعت بعتت تاني و اتكلمنا و اول لما فتحت معاها موضوع الجواز قالتلي احنا لسه صغيرين و انا مش حابه اتجوز دلوقتي و بعدين بقي کل فتره نتکلم و نبعد عن بعض و في مره لما فتحت الموضوع تاني معاها قالتلي موافقه و اول لما كنت هكلم ولدي لقتها بتقولي انا مش عايزه اتجوز و ربنا يرزقك بواحده احسن مني و اتكلمت مع امها و اختها الكبيره بحيث أنهم يقنعوها قالتلهم انا عارفه اني لو خسرته مش هعرف اعوضه بس مش حاسه نحيته ب أي حاجه و حصل بنا مشاكل و كتير ولاني حاولت أقنعها اكثر من مره لدرجت أن اهلنا اتفقوا أن كل واحد فينا ملهوش دعوه بالتاني و من ساعتها وهي بيتقدملها عرسان كتير و انا كل اما اعرف ازعل و اکتئب اکثر و هي اتخطبت اكثر من مره و كل مره هي بترفض تكمل وانا ارتبط بغيرها بس سبتها عشان حسيت اني بدور عليها في واحده تانيه و من فتره قريبه قبلتها بس مسلمتش عليها مع أن اختها فضلت تزن عليا اني اسلم عليها و انا حاولت اعمل مش مهتم ليها بس كنت من جوايا نفسي اتكلم معاها تاني و كل لما اقعد مع اختها بلاقي سيرتها بتيجي في وسط الكلام في الاول كنت بقول ل اختها بلاش تجيبي سيرتها و بعد كده مره مع مره انا الي بقيت بسال عليها وحابب اعرف أخبرها و اخر مره عرفت أن في اثنين متقدمين ليها و انا من ساعة ما عرفت وانا مخنوق و زعلان مع أني من جوايه ساعات بكون حاسس ان هي هتكون ليا في الاخر و من نصيبي و حتي اختها قالتلي كده برضو و قالتلي ان هي عارفه أن محدش هيكون فهمها قدك ولا حافظها زيك بس انا خايف ده میحصلش و تكون في يوم لحد غيري + أن انا لسه طالب في كليه و كل الي بيتقدمه ليها جاهزين تنصحوني اعمل اي

Private Advice

Switch to receiving private advice for your post; otherwise it will be publicly visible.

Sugar_47357 🇪🇬

1 month ago

Feeling Depressed

هو احنا هنفضل تايهيين لحد امته .. انا مطلوب مني ايه تعمله علشان اكون شخص ميسور الحال ومعاه فلوس المفروض اعمل اي .. طيب بلاش ده الحمد لله علي ما رزقنا .. طب هنفضل لوحدنا لحد امته هفضل اعمل كل ده لمين وهل هفضل عايش لوحدي كتيير كده .. احساس بعدم تقبل حالي وشكلي ووضعي وان ابسط الاشياء عايشاها ف خيالي بس

Chocolate_77308 🇪🇬

1 month ago

Feeling Frustrated

هو انا حياتي هتبدأ ايه؟ لأمتي هفضل شايلة المسؤولية و شايلة الهم؟ امتى هبدأ اعيش حياتي زي ما انا نفسي؟ حاسة عمري بيجري و الايام بتعدي و مفيش حاجة بتتغير خايفة اصحى فجأة الاقي ان الايام عدت و معشتش حياتي

Mango_75327 🇪🇬

2 months ago

Feeling Frustrated

اول مره اكتب بوست من النوع ده ، بس حاسس اني لوحدي ، لا صاحب ولا حبيبه ولا حد فارق معاه وجودي ، انا اه اجتماعي و عندي اصدقاء كتير ، بس مفيش الصاحب اللي اقدر احكيله كل حاجه ، كانت هي واحده بس ، و قولتلها اني بحبها ، قالت هفكر مع نبذة قبول ، بس بقالي يومين مفيش رد ، مفيش سؤال ، حاولت اكلمها حاسس بصد ،

Pineapple_20793 🇪🇬

2 months ago

Feeling Meh

الكلية نزلت ان لو حد حابب انه يتخصص ادارة مسموح وانا حاسس بقلق ومحتار بينها وبين قسم محاسبة وعايز اكلم حد فاهم واسأله عن الحاجات اللي ف دماغي لان حرفيا كل واحد بسأله بحسه بيطبل للمجال بتاعه ف ده محيرني

Avocado_51778 🇪🇬

2 months ago

Feeling Angry

أنا في علاقة مع شخص، ومن البداية ورّاني قد إيه أنا مميزة بالنسبة له وإن وجودي فرق في حياته. حسسني إني قيمة كبيرة عنده، وإنه شايفني مختلفة. لكن في نفس الوقت، اكتشفت إنه لسه متعلق أو على الأقل لسه بيفتكر حياته القديمة بكل تفاصيلها. وبدل ما يكون جاي لي بعد ما تخطاها، لقيته بيعترف إنه لسه مش قادر ينساها

Chocolate_76291 🇪🇬

2 months ago

Feeling Worried

انا مخطوبة لابن عمي ..وعن حب ..بس بصراحة خايفة من اولادنا بعد كدا يطلعو مش كويسين ..دي حاجة. معقداني اوي ..انا سيبها على ربنا بس مش عارفا اعمل وقاية ازاي طيب او اعمل ايه ..في تحليل جيني كدا بيتعمل وغالي جدا بس مش ع الفلوس ..بقول قدر طلع العامل الوراثي عندنا عالي ..انا مش هقدر اسيبه ولا هو ؟

Strawberry_70616 🇪🇬

2 months ago

Feeling Tired

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز

Avocado_57183 🇪🇬

2 months ago

Feeling Lost

Strawberry_74901 🇪🇬 صارحيه متهربيش منه وقوليله ع كل حاجة قبل بيكي تمام مقبلش خلاص انتي كدة كدة كنتي مش هتكملي فمخسرتيش حاجة واللي بيحب هيواجه الدنيا عشانك بس دا اللي بيحب بجد

View all 6 Advice

Express your Feeling anonymously

السلام عليكم دلوقتي عارفه ان ممكن موضوعي يكون تافه بس والله التفكير مموتني 
انا واحده عاديه من اسره اقل من عادي 
حالتنا الماديه تحت المتوسط والحمدلله
بيتنا برضو في حي شعبي بيت اقل ميُقال عنه انه مخزن تفتيش واهلي لما سكنوا غيرو وعملوه شقه على قد حالنا 
المهم اتعرفت على شاب مع ان دي مش اخلاقي نهائي ولا بطبعي اكلم شباب او الكلام ده بس فضلنا فتره ملقتش منه حاجه وحشه طيب جدع محترم ومن هذا 
فا الولد ده بان انه من عيله تقيله ومعاهم فلوس وا وا وا 
وعيلته كبير 
انا العكس تماماً يعتبر معرفش غير خالاتي وخلاني بس 
بالمعنى ماما مقطوعه من شجره وبابا مش معانا ف هي اللي بتصرف نكمل حكاية الولد اللي اتعرفت عليه هوا طلب انه يكلم ماما وعايز فعلاً يخش جد 
بس انا محروجه اوي او حاسه اني مشرحتلهوش وضعنا بما فيه الكفايه 
وحالتنا الماديه دي 
بجد موضوع مُرهق 
مش عارفه اجبهاله ازاي وبعد الوقت ده كله..داخلين على سنتين ولا عمري قابلته كله كلام شات وفون بس 
لانه من محافظه ونا من محافظه 
وخايفه يجي يتقدم نظرته تتغير او اهله يبصلنا بصه مش حلوه او ان احنا على قدنا مش عارفه التفكير وجعلي دماغي 
بنسبالكم هتكون حكايه تافه بس والله خلاص تعبت وبفكر افركش الدنيا قبل ميجي يتقدم او يدخل جد مش عوزاه يشوف حياتي عامله ازاي بيتنا عيلتنا اللي معرفش فيها حد غير كام شخص بسس
انا مكسوفه ومُحرجه اوي وكل شويه بفكر انهي معاه واقطع علاقتي بيه بسبب الموضوع ده بس للامانه هوا شخص كويس وتتمناه اي بنت من حيث الخُلق الاحترام الدين الشكل حالته عموماً 
تعبت والله 
ونا مش بيهمني المديات خالص بس الفكره نفسها مخوفاني ان هوا اعلى مني ماديا بكتير
ونظرته ليا ممكن تتغير او اهله 
انا يعتبر مش معرفاه حياتنا ماشيه ازاي او معرفاه حجات عني بالكامل لاني خايفه!!!

اسفه على الاطاله بس ارجوكم حل

Private Advice

Switch to receiving private advice for your post; otherwise it will be publicly visible.

Waffle_70319 🇪🇬

4 months ago

Feeling Disappointed

الواحد المفروض يعمل ايه لما يبقا متخرج ومخلص جيش وحاسس بتوهان غريب اكنك واقف فى صحرا مش عارف تمشى ازاى وكل الحواليك والزيك الدنيا معاهم كويسه ومستقرين وانا الوحيد المش عارف انا عاوز ايه واصعب حاجة انك متبقاش لاقى شغل مناسب ليك وان البطلو هو حاجة عاديه مش بطلب حاجة خارقه زى ان الاقى شغل كويس الاقى و

Avocado_47020 🇪🇬

4 months ago

Feeling Heartbroken

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

View all 3 Advice

Express your Feeling anonymously

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

Private Advice

Switch to receiving private advice for your post; otherwise it will be publicly visible.

Blueberry_62598 🇪🇬

5 months ago

Feeling Worried

مكنتش اتوقع اني هيجي وقت واكتشف انها هتكون مشكلة في حياتها ، طول حياتي كنت رافضة الارتباط ومرتبطش نهائي ، بس فجأة لما كبرت وخلاص سني الوقتي ٢٢ سنه وفي ناس بيتقدمو ، لقيت نفسي رافضة فكره اني اوافق علي حد غريب اتجوزه ، مش قادره استوعب اني لما اقعد مع حد واتكلم معاه هرتاح له وخلاص هقرر اني موافقه ، رفض

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.