كيماوي

Blueberry_73288 🇸🇦

3 months ago

Feeling Alone

هاي؛ انا واحده عاشت 8 سنوات من عمرها و هي طفله اسواء سنوات ماما كانت بتكرهني و والله تقولها في وشي ضرب و عدم شراء اي شي و بابا يحاول يغيرها مفيش اي فايده و ديما مشاكل مع بابا و بجد كل يوم انا معيطه لدرجة ان للان في في ايدي علامة ضربها وانا صغيره بابا انفصل عنها و عيشني حياة كويسه و عوضني كثير و بعدي

Tofu_19483 🇪🇬

5 months ago

Feeling Frustrated

Express your Feeling anonymously

هلا يا جماعه..
أنا زعلانه جدًا بجد،كنت بشوف صوري وفيديوهاتي بشعري قبل الكيماوي قلبي وجعني أووي علشان كان شعري طويل خالص  وناعم وحلو،مع الكيماوي شعري وقع ،خلصت كيماوي ف شهر ٣ اللي فات هو بدأ يطلع هو قصير جدا ،زعلانه جدا و خايفه ميرجعش طويل زي الأول وقلبي واجعني أوووي علشان فيه كتير من اللي قصوا شعرهم ،شعرهم مرجعش لطوله تاني،كل ما أشوف شكل شعري قبل الكيماوي قلبي بيوجعني وبزعل أووي بجد كنت بحب شعري أووي وحقيقي أنا قلبي واجعني بشكل مش عادي ،أنا خايفه شعري يفضل كده ده غير إنه طالع خشن كده مع إني شعري كان ناعم أوووي قبل الكيماوي
أنا حقيقي قلبي واجعني أوووي بجد وجوايا زعل مش عادي بجد أنا نفسي شعري يرجع زي الأول 
ادعولي شعري يرجع زي الأول وادعولي ربنا يتمم شفائي على خير أنا مبقيتش عارفه أتحكم ف نفسي خالص حاسه إني بنتقم من نفسي وبقالي كتير بأكل كل حاجه الدكاتره مانعيني منها،حاولت كتير أمنع نفسي بس معرفتش ومش عارفه أتقبل إني أفضل طول حياتي ممنوعه من كل الحاجات اللي بحبها لدرجة إني بدل ما مثلا آكلها كل فتره لا بقيت آكلها طول الوقت من ورا أهلي ،أنا عارفه إني غلط لكن أنا مش عارفه أتقبل إني لازم كل حاجه بأكلها أو أعملها ف يومي العادي تبقى بإستشاره حتى الأدويه لما بتعب أو يجيلي برد برده بإستشاره من أبسط الحاجات لأكبرها،الكانسر خسرني كل حاجه ودلوقتي خايفه يكون حصلي انتكاسه لأني عكيت ف الأكل جامد وأنا أصلا لسه مخلصتش علاج وحرفيًا بأكل كل حاجه تغذي الخلايا، أنا تعبت من نفسي وتعبت من كل حاجه ونفسي إني أقتنع من جوايا إن خلاص الغلطه بفوره ف حالتي وإني خلاص مبقاش ينفع أستهتر زي زمان بس أنا مش عارفه أقتنع ونفسي أحس إني طبيعيه وبضغط على نفسي ف إني أعمل مجهود علشان محسش إني عاجزه وبجهد نفسي علشان أحس إني تمام وطبيعيه وزي الأول ومفيش حاجه فرقت بس أنا تعبت بجد وزهقت 
ادعولي بجد علشان قلبي واجعني بجد ونفسيتي اتدمرت

Private Advice

Switch to receiving private advice for your post; otherwise it will be publicly visible.

Tofu_19479 🇪🇬

7 months ago

Feeling Meh

Express your Feeling anonymously

لحد دلوقتي مش قادره أصدق إني بجد خلصت كيماوي ونو مور يلا علشان رايحين جلسة الكيماوي!،نو مور ترجيع وقرف وتعب معده وقلة أكل،أينعم لسه تعبانه من العمليه بس طبيعي علشان لسه اللي عملتها الثلاثاء اللي عدى ف ادعولي،بس حقيقي الحياه حلوه من غير كيماوي فكرة إني عادي يقضي الوقت وأنا عارفه إنه خلاص مفيش كيماوي تاني ويارب ما يكتبه عليا تاني ولا يدخل جسمي تاني ولا يكتبه على حد ويشفي مرضانا يارب،وحقيقي الحياه بقت أهدى وأروق من غير كيماوي ،اه العمليه أثرها الجسدي والنفسي عليا سيء علشان استئصال لكن بدعي ربنا يصبرني وأتمنى تدعولي ربنا يصبرني ع الوجع اللي جوايا
أنا بس حبيت أفكر نفسي وأفكركوا إن أي حاجه غير صحتنا تغور ف داهيه وكمان حاجه بالله عليكوا بالله عليكوا كمان مره متزعلوش،أنا الكانسر جالي من الزعل وأنا ٢١ سنه علفكره بالله عليكوا متزعلوش مهما الدنيا جت عليكوا متزعلوش ف الآخر كل ده محدش بيشيله غيرنا من صحتنا ونفسيتنا والجسم بيتعب صدقوني بيتعب وبيتدمر م الزعل ،بالله عليكوا أنا الزعل دمر صحتي مش بس كانسر عندي كذا حاجه غير الكانسر وكلهم بسبب الزعل ،بالله عليكوا كمان مره هتندموا مليون مره لو لقدر الله تعبتوا،أي حاجه تيجي ف غير الصحه تغور والله العظيم تغور تغور تغور
أوعوا تزعلوا ولا تكتموا الزعل،متستنوش ناس علشان تنبسطوا فرحوا نفسكوا بنفسكوا اعملوا كل حاجه حلوه حتى لو لوحدكوا ومتكونوش مع ناس مؤذيه 
أتمنى محدش يزعل خالص وحقكوا عليا أنا من أي حاجه وحشه حصلت معاكوا
يامه نفسي لو بإيدي أشيل الحزن من قلوبكوا والله

Private Advice

Switch to receiving private advice for your post; otherwise it will be publicly visible.

Tofu_19479 🇪🇬

8 months ago

Feeling Disappointed

Express your Feeling anonymously

جماعه أنا عايزه أحكيلكوا حاجه،
طبعًا معظمكوا عارفين إني عندي كانسر و عندي ٢١ سنه علشان بنزل كتير إنكوا تدعيلوا،بس أنا فيه حاجه غريبه أووي مش فاهماها،قريبتي جابتلي مية زمزم من السعوديه كانت بتعمل عمره وجابتهالي من هناك،كل ما بشرب منها بتعب جامد أوووي،مره رجعت،وكل مره بشرب منها بتعب تعب مش طبيعي ومعدتي بتوجعني جامد،سألتها قالتلي إن الشيخ قالها لو تعبتي وحسيتي بأعراض زي كده بعد ما تشربيها يبقى يا إما محسوده أو معملولها سحر،أنا كل ما حد بيشوفني بيقولولي أنتِ محسوده والله ناس غريبه معرفهمش،لما بيشوفوني مثلا ف الفحوصات اللي بعملها ف العيادات ف المستشفيات أي حد بيشوفني ويعرف إني عندي كانسر بيقولولي أنتِ محسوده،واحده مره كنت مسافره وأنا باخد كيماوي علشان كنت بمتحن وكليتي بسافرلها مع إنها غريبه بس قالتلي انتقبي،مره كنت بره وروحت بتوكتوك الراجل اللي كان سايق التوكتوك هو شيخ وأنا وقتها كنت قاعده ساكته مبتكلمش ولا أي حاجه خالص ولما جيت أنزل قالي استني فكرته عايز فلوس زياده ف استنيت قالي اقرأي سورة البقره كل يوم وخليها ملازماكي أوعي تفارقيها،مع إنه ميعرفش عني حاجه ولا حتى كنت بدأت كيماوي ف مثلا باين عليا تعب لا مكنتش بدأت أي علاج وقتها وقال كده مع إنه ميعرفنيش،وكل ما حد يشوفني يقولي أنتِ محسوده،الدكاتره اللي متابعين حالتي أول مره روحتلهم استغربوا لأن معروف سرطان الثدي بييجي للناس من سن ال ٣٠ لكن ف سني ده كانوا مستغربين جدا كمان علشان أنا عندي تشخيصين مش تشخيص واحد ف مره دكتور بيقولي على سبيل الهزار أنتِ معملوش ليكِ عقيقه يابنتي علشان فيه تشخيص منهم نادر جدا لما بييجي لحد
أنا كنت بقول وأنا هتحسد ليه وعلى ايه بس أنا شكليًا الكل بيقول عني جميله وكان شعري طويل وتقيل والصراحة كنت بفرد شعري علطول ف السكن وكانوا بيفضلوا يقولولي بتعملي ايه علشان شعرك يبقى كده 
أنا كل ما بشرب مية زمزم اللي قريبتي جايباها ليا بتعب تعب مش طبيعي لدرجة إني مبقيتش عايزه أشرب منها تاني من كتر الوجع ومبتعبش التعب ده غير لما بشربها بس 
أنا مبقيتش فاهمه حاجه ولا عارفه أعمل ايه الصراحه وهل ده فعلا حسد ولا سحر ولا ايه ويا ترى لو كده أعمل ايه بجد 
ومن قبل الكانسر وأنا أصلا بتعب يعني كل سنه يكتشف مرض جديد عندي بقالي ٤ سنين ع الوضع ده كل سنه بلف ع الدكاتره تقريبًا مفيش تخصص مروحتلهوش
أنا مبقيتش فاهمه حاجه !

Private Advice

Switch to receiving private advice for your post; otherwise it will be publicly visible.

Tofu_19479 🇪🇬

8 months ago

Feeling Worried

جماعه بالله عليكوا تدعولي معاكوا والله في أمس الحاجه للدعوات والله،أنا عملت اليوم آشعه علشان أعرف نسبة استجابة الخلايا السرطانيه للكيماوي والعلاج الموجه،هي الآشعه لو كانت حلوه حتى للأسف مش هتغير من قرار الاستئصال ،الدكاتره قالوا حتى لو حلوه هنستأصل،بس بناءًا ع الآشعه هيتحدد ايه العلاج اللي هاخده بعد

Tofu_19479 🇪🇬

8 months ago

Feeling Meh

Express your Feeling anonymously

أول حاجه أنا خلصت جلسات كيماوي،باركولي♥
تاني حاجه ادعولي علشان هعمل آشعه ولسه فيه عمليه ف ادعولي الآشعه نتيجتها تكون حلوه هعملها بعد أسيوعين إن شاء الله وبعد الآشعه العمليه هتتحدد إن شاء الله ف ادعولي الآشعه تكون حلوه
تالت حاجه فيه موضوع ف بالي محتاجه أتكلم عنده 
أنا بنت عادي ف العشرينات من عمري..عندي سرطان ثدي..وهعمل عمليه علشان أشيل الورم،كنت بتكلم مع صاحبتي ف موضوع إن لو حد اتقدملي أكيد لازم يعرف قالتلي إنه مينفعش أي حد يعرف شيء زي ده وإن لازم ع الأقل بعد الخطوبه لكن قبلها لا علشان دي حاجه خاصه ومينفعش أي حد يعرفها ،بس أنا حاسه إنه لا لازم قبل الخطوبه علشان لو هو مش موافق ف ميبقاش فرح وضاعت فرحته ع الفاضي وكمان هتبقى اتحسبت عليا خطوبه،أوقات بحس إنه أنا أصلًا مش عايزه أتجوز علشان مش عايزه أحط نفسي ف خانة الرفض،أنا متعودتش على الرفض علشان ناس كتير أووي اتقدمولي ولحد الآن ناس بتتقدملي بس ميعرفوش حوار تعبي،ف خايفه من الرفض أنا عارفه إنه من حق كل إنسان يرفض براحته بس الفكره إني هحس إن فيه شيء ناقصني بالرفض ده وهحس إن الخلل فيا أنا وإن الرفض ده هيخليني أحس إن مرضي ده شيء يقلل مني ف مجتمعنا ده وللأسف فيه عقليات كتير بيكون ده تفكيرها، مش عارفه بس الموضوع مزعلني جدًا وحاسه إنه خلاص مبقاليش الحق ف إني أختار شريك حياتي لمجرد إني مريضة كانسر وإني هتعرض لرفض كتير وإني هيبقى المفروض أوافق بأي حد يوافق بيا علشان فرصي ف الزواج هتكون أقل ،أنا نفسيتي تعبت من الموضوع ده حقيقي 
ده غير إن واحده صاحبتي تانيه قالتلي إن لو حد وافق بيا هتكون حاله إنسانيه كأني معاقه!️

Private Advice

Switch to receiving private advice for your post; otherwise it will be publicly visible.

Tofu_19479 🇪🇬

9 months ago

Feeling Heartbroken

صباح الخير ،أنا زعلانه جدًا علشان مش هصوم علشان عندي كانسر وباخد جلسات كيماوي ف مينفعش أصوم علشان بتعب، بس أنا عايزه أصوم علشان بالنسبه ليا رمضان مش هعرف أحس بروحانياته وأجواءه غير بالصيام والصراحه نفسي أصوم ومش عارفه هل لو صومت وأنا تعبانه ربنا هيتقبل صيامي ولا لا، أنا عارفه والله إن ربنا أحل الإفط

Tofu_19479 🇪🇬

9 months ago

Feeling Heartbroken

هو أنا ممكن أعيطلكوا شويه؟! أنا باخد كيماوي وطبعًا شعري وقع بما فيهم شعر حواجبي..المفروض إن صحابي بقالنا كتير مشوفناش بعض ولا اتكلمنا فيديو كول ف آخر مره كانوا شافوني فيها كان لسه شعري موقعش كنت لسه ف بداية جلساتي.. ف اتكلمنا ڤيديو كول النهارده وأنا حزينه إني كلمتهم ڤيديو كول علشان أول ما فتحت الكام

Tofu_19479 🇪🇬

10 months ago

Feeling Tired

خدت تاسع جلسة كيماوي النهارده،تعبانه جدًا ف ممكن تدعولي كتير احنا ف أيام مفترجه وأيام جميله أستحلفكم بالله لو افتكرتوني ف أي وقت تدعولي أو حتى ادعوا قولوا اللهم اشفي مرضانا و مرضى المسلمين ويبقى كده دعيتولي حتى لو ناسييني متنسوش يا أخواتي💗

Banana_40578 🇪🇬

10 months ago

Feeling Exhausted

بالله عليكم يجماعه كل الى يشوف البوست يدعى لبنت خالتى عندها ورم منتشر ف اكتر من مكان فجسمها ادعوا يطلع حميد يارب ويقدر يتعالج بالكيماوى يارب يارب وتقوم بالف سلامه وتخف وترجع لحسن من الاول يارب ادعولها بالله عليكم تقدر تاخد العلاج وتخف يارب

Tofu_19479 🇪🇬

10 months ago

Feeling Down

يحارب مرض حقير..مرض فرق بين ناس وبين حبايب كتير..أنا مش عارفه حقيقي ايه مخبيلي ف المستقبل هنتصر عليه ولا هينتصر عليا،ومكتوبلي النجاه منه ولا لا..بس حقيقي أنا تعبت والحوار صعب والمعركه اللي أنا فيها مع المرض دمرتني وحقيقي مش عارفه إذا كنت هسيب المعركه وأستسلم والمرض يرفع راية النصر عليا ولا أنا ف الآ

Marshmallow_51321 🇪🇬 انت اقوي م كدا حاولي تعرفي ان ربنا كبير وترضي بي اللي عندك وحاولي تقربي م ربنا اكتر عشان ترتاحي اكتر لن نفسيتك اهم حاجه بلاش تفكري بجها سلبيه فكري ف أن مفيش حاجه مستحيله كل حاجه فدنيا دي ممكن وربنا يشفيكي ويعفيكي وتقومي بسلامه يارب ارجع وقول ارضي بي الربنا كاتبه متفكريش كتير ف حاجه تتضعفك انت اقوي م كدا بكتير وانا عارف بقولك اي

View all 3 Advice

Tofu_19479 🇪🇬

10 months ago

Feeling Depressed

أنا بكره جلسات الكيماوي وتعبت ومش عايزه أكمل جلسات مش قادره تعبت أنا يكرهها وبكره العيادات والمستشفيات ومراكز العلاج وبكره كل حاجه وزهقت ومبقيتش قادره ومش عايزه أكمل ف حاجه وكفايه عليا كده مش قادره عندي بكره إن شاء الله جلسة كيماوي أنا مش عايزه أروح ولا عايزه أكمل أنا تعبت ومبقيتش قادره أنا مش مرتاح

Tofu_19479 🇪🇬

11 months ago

Feeling Tired

جماعه انا قلبي واجعني أووي ومحتاجه أتكلم مع أي حد ف أي حاجه ،شعري وقع كتير جدا منه النهارده بسبب جلسات الكيماوي وأنا مقهوره م العياط ولحد الآن مصدومه من الصبح من منظر شعري وعمال يقع وف كل حته خصلات شعر واقعه وشعر كتير أوووي أوووي وقع مني النهارده أنا منهاره ومش قادره اللهم لا اعتراض بس أنا عايزه أمو

Tofu_19479 🇪🇬

11 months ago

Feeling Lost

خلصت أول جرعة كيماوي🥰 كده فاضل 5 جرعات 🥲💔 دعواتكوا عقبال ما آجي وأقولكوا النهارده آخر جلسة كيماوي 🥰 ادعولي بالشفاء وإني أخلص جلساتي على خير وأعمل العمليه وأخف وتكون آخر الأحزان وآخر التعب ادعولي كتير ربنا يقويني ويخفف عني ويهونها عليا ويكفيني شر المستخبي دائمًا ادعولي كتير أوووي بالله عليكوا بتم

Tofu_19479 🇪🇬

11 months ago

Feeling Tired

هو ممكن تدعولي! أول امبارح كانت تاني جلسة كيماوي ليا وأنا حقيقي تعبانه وبصحى من الفجر من الوجع مش بعرف أنام تاني وعندي أرق مش بعرف أنام من الوجع ادعولي ربنا يخفف عني أنا مش قادره بجد وتعبت وبجد حاسه إني هفقد السيطره على أعصابي من كتر الوجع أنا طول الوقت بتألم لأني باخد كل أسبوع جلسه ولسه في البدايه

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.