وعي ذاتي

Carrot_88651 🇪🇬

5 days ago

Feeling Heartbroken

انا عمر 25 سنة... مريت بعلاقة توكسك مع وحدا دامت اربع سنين دمرتني بس انتهت الحمد لله... عدا سنة وفكرت نفسي اتخطتها ورحت ابدا علاقة جديدة مع وحدا ولاكن فشلت بسبب اني طلعت متخطيتش القديمة خالص ولسا قدامي شوط طويل... محتاج حد اتكلم معاه فيها ورحت اشوف اسعار الدكاترة لقيت النص ساعة ب 300ج ودا ميكفيش اق

Lemon_52708 🇪🇬

5 days ago

Feeling Worried

عمري ما تخيلت إني أوصل للحظة دي… اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها: ليه كنت محتاج الإعجاب بالشكل ده؟ ليه كان النقد بيهزّني؟ ليه كنت أحيانًا ببني صورة عن نفسي أكبر من حقيقتها؟ وليه كنت بشوف نفسي قبل الناس اللي حواليا؟ الاعتراف مش ضعف… ومش جلد ذات

Express your Feeling anonymously

عمري ما تخيلت إني أوصل للحظة دي…
اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها:

ليه كنت محتاج الإعجاب بالشكل ده؟
ليه كان النقد بيهزّني؟
ليه كنت أحيانًا ببني صورة عن نفسي أكبر من حقيقتها؟
وليه كنت بشوف نفسي قبل الناس اللي حواليا؟

الاعتراف مش ضعف… ومش جلد ذات.
ده بداية وعي… بداية تغيير.

لأن الحقيقة؟
أنا موجوع.
موجوع من النسخة اللي اكتشفتها جوايا.
موجوع من تصرفات أثرت على شغلي، وعلى علاقاتي، وعلى أهلي، وحتى على أعزّ أصحابي.

لفترة طويلة كان عندي شعور عالي بالاستحقاق…
حاسس إني دايمًا "أستحق" كذا وكذا،
وإن رأيي هو الصح،
وإن نقد الناس ليّا مبالغ فيه،
لحد ما لقيت إن الأنانية بتكبر جوايا،
والصورة اللي شايفها عن نفسي مش هي اللي الناس شايفينها.

ويمكن… يمكن في نظر ناس كتير أنا كنت شخص مؤذي.
بس أنا دلوقتي في رحلة جهاد مع نفسي.
رحلة أتعلم فيها أكون أهدى، أصدق، وأقرب لربنا ولنفسي.

وأنا رغم الوجع… ممتن.
ممتن إن ربنا ورّاني الحقيقة قبل ما الوقت يفوت.
ممتن إني قدرت أبص جوايا من غير خوف.
وممتن إن لسه قدامي فرصة أبدأ من جديد.

إحنا في دنيا ربنا فيها بيختار لنا الصح—even لو مش على مزاجنا.
الكويس دايمًا بييجي في الوقت المناسب،
وربنا بيدّينا اللي محتاجينه عشان نتصلّح…
مش اللي عاوزينه بس عشان نرتاح.

ويمكن… يمكن أكون شخص مش كويس في حاجات،
بس الدنيا فانية، ومش مستاهلة أعيش عمري أكره نفسي بسبب أخطائي.
المهم إني أصلّح… وأكون أحسن من امبارح.

Private Advice

Switch to receiving private advice for your post; otherwise it will be publicly visible.

Candle_35182 🇪🇬

1 week ago

Feeling Alone

خف ثقه وعشم ف الناس شويه لأن محدش يستاهل ثقتك دي قبل ما ترمي مشاعرك مع أي حد اتأكد مليون مره أن الحد دا يستاهل المشاعر دي متخليش احتياجك يخلي كل اللي تعاملهم يبقوا عارفين نقط ضعفك و يضغطو عليك بيها عزز من نفسك لأن محدش يستاهل انك تقلل من نفسك علشانه

Strawberry_87366 🇪🇬

4 weeks ago

Feeling Meh

انا مبقتنعش بإحياء اللي مات، سواء علاقه صداقه او حب، لإن لو كان في أمل فعلا في إن اللي اتكسر يتصلح مكنتش العلاقه باظت من الأساس، ومهما الزمن فضل يتعاد كانت نفس التفاصيل بالظبط هتتكرر كل مره ف دا هدر للطاقه والوقت على الفاضي بصراحه، ومش بؤمن بالفرص التانية، لإن الشخص اللي خذلك أو أذاك أيا كانت الطري

Strawberry_49071 🇪🇬

1 month ago

Feeling Confused

قاعد تقول انت بتمشي الدنيا علشان تمشي وبتمشي المركب بدل ما تفضل واقفه بس الحقيقي ان دا مش صح انت قاعد تمشي المركب عليك والدنيا مش بتمشي غير عليك انت فمتعملش كدا تاني امال هتعمل اي هتجيب مصمار وشكوك وتخرم ام المركب ع ابوها اهم حاجه انت فوق يعم فوق

Pineapple_77476 🇪🇬

2 months ago

Feeling Shy

لأ تقاوم أو تكبح المشاعر بل أشعر بها فأنت حقا تحتاجها حتى لو كانت كما يقولون مشاعر سلبية راقبها فقط وراقب أنك بحاجة إليها وفي النهاية حاول أن تراقب نفسك وانت تشعر بها فهي خلقت لتعش شعورها وتعلم وجودها ولم تخلق لتتجنبها

Hazelnut_74319 🇪🇬

2 months ago

Feeling Lost

أنا قررت أكون موجودة. قررت ما اسمحش لأي حد ولا حتى لنفسي، إني أعيش حاجة أقل من اللي أستاهلها. أنا محتاجة أصدق وأعيش وأشوف وأمارس، إني أستاهل أتشاف وأتقبل وأحترم قرءته من شوية ف كتاب حبيت افكر به نفسى اوقات لازم نركز مع نفسنا ونعاملها افضل من اى شخص زى ما بتعامل نفسك الناس تتعامل معاك لو مقدرها

Adult content

This content may contain adult terms or cases unsuitable for everyone. See why

Banana_75242 🇪🇬

3 months ago

Feeling Frustrated

انا ساعات بحس ان المبررات اللي احنا بنحطها للشخص التاني هو ده اللي بيخليه يطمع اكتر او يستغل ده ونعمل منه شخص بياخد بس مفيش عطاء لكن لو محطيناش مبررات لأي شخص هنشوفه ف صورته الطبيعيه و الحقيقية ونعرف نقييمه فعلا ينفع نكمل معاه ولا نوقف

Lemon_52708 🇪🇬

3 months ago

Feeling Angry

أنا معترف إن أنا السبب الأول في اللي وصلت له. طول عمري بقلل من نفسي في الشغل، وكأني مش شايف لي أي قيمة. شغال كأني ترس ملوش لزمة، لحد ما لقيت نفسي بقيت زي خيال المآتة، واقف شكلاً لكن مفيش أي دور حقيقي. المشرف ما تعبش ولا عمل حاجة جامدة، هو بس استغل ضعفي وخلاني أسيب دماغي توديني وتجيبني، وفي الآخر وصل

Express your Feeling anonymously

عارف كويس إن الناس شايفاني إنسان ذكي، بس الحساسية الزيادة دي قتلتني. عايش طول الوقت متوتر، وأي كلمة بتتقال بحسها موجهة ليا. الكلام اللي بيتنقل بين زمايلي كان بيأثر فيا جامد، ومع الوقت لقيت نفسي عامل حمل تقيل على نفسي قبل ما أكون تقيل على غيري.

حتى البنت اللي حبيتها، كنت شايفها بصورة حلوة في دماغي، بس لما عرفت إنها عصفورة المدير، وبتاخد منه المهام وتنقلها، الصورة وقعت قدامي. صغرت في عيني جدًا، وساعتها حسيت إن أنا كمان صغير في عيني نفسي.

واللي بوّظ الموضوع أكتر إني لجأت للكوفان. بقيت آخده غلط — ٦ أقراص مرة واحدة — كأني بدور على وسيلة أهرب بيها من الوجع. بس الحقيقة إني ماكنتش بهرب من حد، أنا بهرب من نفسي. يمكن طول عمري فاكر إن مشكلتي في المشرف أو زمايلي، بس اكتشفت إن العدو الحقيقي عمري ما كان برة… العدو الحقيقي كان نفسي اللي فضلت أقلل منها وأكسرها لحد ما وقعت.

Private Advice

Switch to receiving private advice for your post; otherwise it will be publicly visible.

Strawberry_66962 🇪🇬

3 months ago

Feeling Emotional

Topic:

اكتر خوف مأثر عليك في حياتك

كنت دايما بشوف ناس كتير تدخل حياتي وتسيب علامه وحشه وكنت دايما اوصفهم بالتوكسيك لحد ما شخصيه معينه قالتلي إن انا الي توكسيك ف لو حد يعرف الشخصيه التوكسيك عامله ازاي ممكن يفيدني بلييييز

Apple_69270 🇪🇬

4 months ago

Feeling Sorry

Topic:

لو رجع بيك الزمن ٥ سنين ايه اللي هتكرره وايه اللي مش هتعملو🤍

كنت جيت علي نفسي واشتغلت اكتر وكنت كبرت ف مجالي مكنتش عملت الحاجات اللي اخرتني كان المفروض اكون فاهمه اكتر من كده حاجات كتير يارتني كنت فايقه وقتها كنت علي الاقل اخترت صح كنت علي الاقل هكون احسن من دلوقتي

Strawberry_67489 🇪🇬 حصل خير

View all 3 Advice

Grape_68873 🇪🇬

4 months ago

Feeling Sorry

Topic:

درس علمته لك الحياه

اني مصدقش كل الناس ولا ادي الامان لكل حد قريب وان الواحدة تهتم بنفسها على قد ماقدر لان مفيش حد بيهتم بيكي اكتر من نفسك وكمان طاقتك متستهليكيهاش لحد ميستاهلش ومتديش فرص كتير ياريت من اول رساله من ربنا تبعدي عن أي أذى .. وتخلي بالك على نفسك بجد لان هي اللي تستاهل

Almond_54191 🇪🇬

4 months ago

Feeling Incomplete

Topic:

الانعزال وصلك ل اي؟

الانعزال هو تجربة انا فيها حاليا بقالي حوالي 5 شهور، و ده مش معناه اني قافل على نفسي الاوضه او بالمعنى الحرفي. و لكن اللي وصلت له مؤخرا هو انه كل كم يوم بستشعر حاجه جديده بيني و بين نفسي و الوعي بحجات كتير. و لكن مع الوقت بحس انه الوحده صعبة و انه انا محتاج ابني البيت اللي احب اروح له بعد يوم طويل ف

Avocado_65688 🇪🇬

4 months ago

Feeling Proud

Topic:

الانعزال وصلك ل اي؟

الانعزال وصلني لنفسي وخلاني اشوف نفسي على حقيقتها ١٠٠% خلاني افوق لنفسي وابطل اي عاده سئيه كنت بعملها خلاني واعي اكتر ووقتي كلو بقى ملكي انا بستغله صح وبرتبه صح وببسط نفسي بنفسي وبقيت مش محتاج حاجه من حد ولا عايز اي حاجه من حد عندي سلام نفسي رهيييب وفي نفس الوقت قريب من اهلي وعلاقتي باهلي بقت اقوى و

Watermelon_32587 🇶🇦 هاي هي العزله الصح اللي توصل الانسان لنفسه هنيئا لك 👏👏👏👏

View all 2 Advice

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...see more

2 Supports

15 Advice

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...see more

2 Supports

13 Advice

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...see more

2 Supports

13 Advice

It’s better in the app

Download Toheal on your phone for faster experience.