عارفين احساس ان كان نفسكو حد يختاركم و تكونو من اولوياته او ع الاقل لما تختفي تلاقيه بيسأل عنك و يدور عليك مش علشان عاوز مصلحه و لكن علشان وحشته و حياته مش حلوه من غيرك حقيقي كل ما افتكر اني ولا مره حسيت الاحساس دا ازعل عليا اوي و لما بشوف ان عادي اللي ف سني عايشينه بزعل اكتر مش حقد و لكن اللي هوا اشمعنا انا
نفس تفكيري الفترة اللي فاتت و لسة اخدة خازوق من اسبوع طلع من نافوخي بس حاليا شاغلة نفسي بفيديوز عن الذات ازاي ابقى منتجة اكتر و ازاي اهتم بنفسي اكتر و ازاي اكتفي بنفسي اصلا بقالي زي يومين او تلاتة اه مفيش فرق واضح جدا بس في فرق بسيط فعلا بقيت حاسة إني مش زعلانة زي الاول و اشطا عادي محصلش حاجة يعني انتي كده كده رزقك مكتوب وربنا لو مش رايد الشخصية دي تكون في حياتك يبقى لسبب وهو إنكم مش مناسبين لحياة بعض أو الشخص المناسب لسة مجاش وهكذا خلي تفكيرك كله ف إن ربنا هو اللي مقدر كل حاجة وربنا مش هيسيبني لوحدي بالعكس ده شايلي حاجة احسن و عامة من تعلق بغير الله هلك
كل حاجه بتيجي في وقتها و بلاش الاستعجال لان هيكون في فرحه فالبدايات بس بعد كده هتقلب بنكد... اختاري شخص حابك و عايز يدخل البيت من بابه ولو انت ولد حوش و انوي الزواج و لما تدخل ادخل بيت ناس محترمه مربيين بنتهم كويس و دي بتبان في اللبس و طريقة الكلام ومشيتها في الشارع وشكل صحباتها و ربنا يهدينا جميعا و يوفقنا
يمكن ربنا شايلك حاجه قدام احسن من الشعور ده
ربنا يرزقك عامة الشعور ده ويخليكي كده برضه في حياة حد تاني المهم انه رزق ربنا جميل متستعجليش عليه عامة لان أمر ربنا كله خير لينا حتى او كان تاخير في الرزق عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ
احساس صعب بس بصيلو من ناحيه تانيه ربنا باعد عنك كل الشر طالاما مقابلتيش الحاجه دي يبقي مش وقته و مش الخير ليكي ف الوقت دا وتخيلي كم الازيه و التعب اللي كنتي هتقابليه من الحوار دا يعني ممكن كنتي حسيتي الاحساس دا عادي دلوقتي بس تندمي بعدها وتقولي يارتني محسيته فا ديما الحاجه اللي بتتاخر دي بتكون خير لينا وحنا واثقين فكده انه لو خير مكنش ربنا هيبعده او هياخره عني