في أي وقت في اليوم أنا بدعي دعاء بحاجه صغيره وبكون عشمان في ربي خير انه سبحانه وتعالى مش هيردني ابداً خائب والحمد لله الدعاء يُستجاب وساعتها أتمنى إني كنت دعيت بحاجه كبيرة من أمنياتي وأقول لو أنا كنت دعيت بيها كانت هي اللي اتحققت يا الله ❤️
"مبتتحسبش كدة ياصحبى" على رأى السويسى 😂 مش معنى إن ربنا استجاب لدعوة منك يبقى لو كنت دعيت بأكبر أمنياتك كانت هتتحقق! ربنا حساباته مختلفة تمامًاااااااا عن حساباتنا.. اللى انت بتفكر فيه ميجيش حاجة جنب حكمة ربنا تعرف إنك ممكن تدعى على نفسك وانت مش واخد بالك ؟ زى إنك تطلب حاجة معينة فى وقت معين تدعى تدعى تدعى.. وربنا ميستجابش.. تدعى اكتر تدعى اكتر تدعى اكتر.. بردو مفيش نتيجة.. اصرار رهيب منك بالحاجة اللى نفسك فيها وفالآخر تكتشف إن الحاجة دى لو كانت حصلت فالوقت اللى انت محدده حياتك كانت هتتقلب عليك ١٨٠ درجة انسى اسمك وافتكر الآية دى "عسى أن تكرهوا شيئًا وهو خيرًا لكم، وعسى أن تُحبوا شيئًا وهو شرًا لكم"