Pizza_5075's post

انا دايما عيوطة ودمعتي قريبة ومش بقدر امسكها خالص لحد اخر مرة شوفتو فيها بعد ما شوفتو وهو ماشي خلاص انا لفيت وشي عشان اروح لصحبتي من هنا وانهرت من العياط من هنا محستش بأي حاجه معرفش انا فجأة عيطت كده ليه قعدت اعيط اوي يعني من كل قلبي دي تقريبا من اكتر المرات الي عيطت فيها مش كوقت او مدة بس كعياط نفسو فاهمين ؟ مكنتش قادرة اخد نفسي ولا كنت سامعة صحبتي قاعدة بتقولي ايه كان كل الي فدماغي اني خلاص كده خسرت كل حاجه كل حاجه حرفيا حسيت اني عايزة اوقف كل حاجه بتحصل مش عارفه حسيت كل حاجه مش حقيقه مستحيل مستحيل مبقيش ف ايديا حاجه اعملها غير اني افضل اعيط مكنتش قادرة اوقف عياط ولا كنت قادرة اخد نفسي سندت على الحيطة وقعدت على الارض وبعد ما هديت شويه صحبتي قالتلي انو سمعك وشافك وانتي بتعيطي ومشي عادي وكمل طريقو وكانت بتحاول تقولي انو امسكي نفسك لحد ما يمشي بس انا مكنتش سامعها ولا حاسه بيها اصلا ومقدرتش اعمل كده بعدها افتكرت يوم لما قعدت نفس القعدة وفضلت اعيط اوي عشان بابا كان قدامي بيضرب ماما ومش عارفة اعمل اي حاجه غير اني قاعدة وبعيط وبعدها بابا جه عدى من قدامي شافني على الارض بعيط ومعملش اي حاجه .. من ساعتها وانا قولت اني عمري ما هخلي حد يشوف دمعتي دي تاني مهما كان السبب ولا الشخص ولا المكان