انا بقيت بخاف من الرجاله اوي مع اني عارفه ان في منهم كويسين اكيد بس غصب عني بقيت بخاف من اي راجل و خايفه اوي من فكره الجواز من اللي بشوفه حواليا من تجارب ناس اعرفها خايفه اوي اتجوز راجل و يكون بيضرب و ان انا اتجوز راجل و يكون متجوزني عشان كل اللي همه العلاقه او ده هدفه الاساسي او انه يكون سادي في العلاقه عارفه ان يبان ان انا اللي بفكر تفكير سلب بس بجد بقى في رجاله كتير كده و كمان بقى في كتير اوي متحرشين و الموضوع بقى مرعب و مقرف اوي بقيت بخاف اتعامل مع اي حد و انا اتعرضت لمواقف زمان مش كويسه خالص ومش عارفه ايه اللي ممكن يخليني ابطل اخاف وهل فعلا ممكن راجل يتجوز واحده عشان العلاقه بس انا عارفه ان في ناس بتتجوز عشان كده و ده بيكون عشان يعفوا نفسهم بس اكيد مش كلهم كده عشان في حد زمان قالي ان كلهم بيكونوا عشان كده و اللي يقول غير كده كداب بس انا مش مقتنعه
