Marshmallow_4046's post

نصب كتير اوى ان دكاترة تفتح مراكز او يكونوا شغالين تبع مراكز من لباطن ف بيكون بياع سعتها و عايز يسوق الخدمة بتعته ، حوار البلازما ده حل لمشاكل معينة بتتعرف بعد تحاليل مش كده وخلاص و هقلك حتى انه مش حل جذرى ده مسكن هوضحلك حاجه الشعر بيقع لعدة اسباب منها الشيخوخة ، هتقوليلى ي عم متهزرش انا شباب هقلك ان الجيم مبيدخلش ف الشيخوخة فجأة كده اول ما تتمى ال٥٠ سنة تصحى تلاقى شعرك ابيض ، الشعر بيدخل ف مرحلة الشيخوخة من عمر ٢١ سنة 😀🙃💔 و الشيخوخة مش شرط ان الشعر يبيض ولكن ببساطة ومن غير تعقيد الشعر مبيقدرش يتحمل الظروف او العادات السيئة زى الاول مثلا لو بتكويه او بتحطى فيه كيماويات شانبوهات غلط او كريمات وبلسم عشان تطلعى من الدش تلاقيه ناعم وسايح وتفرحى بيه لو اكلك مش صح وناقص فيتامينات ، كل ده هتبدأى تحاسبى عليه طيب الشعر ممكن يقع ليه ف هوا مممكن يقع سوء تغذية و يعنى ايه بردو يعنى ممكن عشان اكلك قليل ك كميات او عشان الاكل مش صحى و مفيهوش الفيتامينات اللى الشعر محتاجها او موجوده لكن مبتمتصش و عندك مشاكل ف الهضم او بتمتص لكن الدورة الدموية ضعيفة مش بتوصله للأطراف

بصى الدهب ده اصل ثابت ، قيمة متزايدة ، مينفعش ابيعه عشان حاجه متهالكة ، الموبايل ده متهالك و موضوع الشعر و الجلدية والدايت دى امور ممكن تتعمل ببلاش عن طريق الدايت و عن طريق اى دكتور جلدية فى اى مستوصف ، انتى كده عايزة تصرفى فى رفاهيات ، طيب لما لا قدر الله تحصل مصيبة و عايزين فلوس ، هتعملو ايه سعتها ؟ هتبيعووكليتكم ؟؟! و وفقا للى فهمتو من سياق الكلام ان الدخل مش احسن حاجه. انا اسف بس غيرى طريقة الانفاق دى عشان مش صح نهائى ب المره وتودى ف داهية ، نفسيتك دى تغيريها ب الجيم مثلا ، حاجات كتير بس مش كده خالص ربنا يوفقك للى فيه الخير ليكى ويسعدك

طيب م تروحي چيم وتمنعي الكارب أو تظبطي كميه الوجبات تمنعي السكر وتقليل حلويات أفضل م العملية ودكتور الجلديه اوكي علشان تعرفي روتين لبشرتك سواء غسول أو sunscreen لوشن وكده وممكن تشتري حمام مغربي تحفه 🎀