انا من نوع الناس اللي بكون اغلب الوقت حرانه حتى في الشتا بكون اخر واحده تلبس شتوي ومش بلبس تقيل كمان ففي الصيف انا بكون حرانه موت و في وقت النوم بلبس لبس خفيف شويه يعني مينفعش حد يشوفني بيه اخويا ساعات بيدخل يصحيني من النوم او ساعات بيدخل عليا و يكون فاكرني صاحيه وهو يعني كبير و انا بتكسف اوي و كذا مره بقوله و بقول لماما ان ماما هي اللي تدخل تصحيني او لو هو دخل ينده عليا من عند الباب اني اصحى وانا نومي خفيف جدا فهصحى عادي مش لازم يدخل لحد عندي و انه لو كان عايزني فحاجه يخبط قبل ما يدخل عشان لو نايمه ميدخلش عمياني و انا اكون نايمه و بلبس الخفيف و ماما بتفضل تقولي هو انتي عبيطه ولا مجنونه و هو اخوكي هيعملك ايه يعني و كلام من ده و هي شايفاه راجل البيت ويعمل اللي هو عايزه و بقولها ان انا بكون لابسه لبس يعني خفيف و مبين اجزاء من جسمي وانا بتكسف لما هو اللي بيصحيني و بحس اني مش مرتاحه بتزعقلي انا و بتقولي وانتي تلبسي ليه كده اصلا و هو فاكرني بكلم ولاد او بعمل حاجه غلط عشان بيفضل يقولي اقلعي القرف اللي انتي لابساه ده ولبساه لمين و بيزعقلي و انا بجد قرفت منهم ومش عارفه اعمل ايه
