Blueberry_4298's post

انا مش عارفه الي انا فيه طبيعي ولا لا ، وانا صغيره كنت بحس إن اهلي احسن ناس ف الكوكب و مفيش منهم لكن لما كبرت شويه ف مرحله المراهقه بدأت افهم كذا تصرف بدأت افهم إهانات مبطنه بدأت افهم كذا حاجه و الصورة بقت أوضح بالنسبه ليا و لما لفت نظر اهلي اني بزعل من المواقف الي سعات بيعملوها معايا ( زي إن ماما كل ما تكلمني تقولي انتي انانيه أو إن بابا حملني مسؤوليه اخواتي و أنهم مجابوش درجات كويسه بسبب اني قصرت وانا بذاكر ليهم مثلا و دي ابسط المواقف عشان مش عايزه اقول تفاصيل ) قالوا اني مش كويسه من جوايا و إن شخصيتي وحشه ، الكلام ده انا اتعودت عليه و اتجاهلته من كتر ما بيتكرر ، هما مش وحشين للدرجادي بس غصب عني شايله المواقف دي جوايا و سائله مقارنات حتى بالناس الي اقل مني ، اخر مشكله حصلت بينا خليتهم يزعلوا مني اكتر من شهرين مع إن الموضوع مش مستاهل كل ده و جه العيد اهو و حتى مهانش على حد منهم يبعتلي كل سنه و انتي طيبه أو اي حاجه و انا عايشه بعيد عنهم عشان الجامعه ، قرايبي كلهم كلمتهم حتى زمايلي الي يادوب بنرمي السلام على بعض بعتولي يعيدوا عليا لكن اهلي مفيش حتى رساله منهم ، انا زعلانه اوي اوي من جوايا و كان نفسي يبقى عندي أهل زي صحابي و احكيلهم عن كل حاجه ف يومي مش ابقى خايفه اقولهم ابسط المواقف ، حتى لما فكرت ف مره احكي ل ماما لقيتها طلعت السر الي قولته ليها و لما اعترضت زعقت معايا و قالتلي مش عيله صغيره الي هتعدل عليا ، هما مش وحشين بس كان نفسي نبقى احسن من كده سوا . مش عايزه احكي مواقف و مش عايزه افتكر الي بحاول أنساه من زمان بس ياريت حد يفهم الي قولته