بابا الله يرحمه كان شخص عارف يعني ايه مسؤلية وماما كمان والاتنين ع قدر من التدين ودا أثر في تفكيرنا وطريقة تربيتنا واكيد احي اعمل دا مع اولادى في المستقبل.. لكن مش هحب احسس ولادى انى مثالية او انى زى الاله من حقي أحاسبهم لكن هحب اعمالهم بإنسانيتي العادية وانى بغلط وهعتذرلهم لما اغلط وهتعلم منهم زمش حسسهم أبدا انى موضع تهديد او انى اخليهم يخافوا منى .. هقولهم طول الوقت انى هنا عشان اساعدهم مش أحكم عليهم وانى بحبهم مهما حصل بحبهم وبس من غير شروط انا بحهم من دلوقتي رغم انى مبعرفش هقابلهم امتى .. هساعدهم يكونوا نفسهم وانهم يعبروا ويجادلوا ويعترضوا ويقولوا لا من غير خوف.. هحضنهم كتير وهشبعهم حب .. هحاول طول الزقت افتش ف قلوبهم وافكارهم مش هسيبهم لدماغهم ابدا مش حسسهم بالغربة .. مش هتعامل معاهم بعصبية ولو حصل هعتذر واقول مبرري.. مش هكون موضع تهديد ديني ليهم ابدا واتهمهم بالعقوق .. هحفظهم قرآن من بدري قبل م يتعلموا انجلش وحهتم يلعبوا رياضة من صغرهم برضو .. هحاول اساعدهم ع اد م اقدر انهم يبنوا شخصياتهم المستقلة الواعية .. هشجعهم يجربوا كتير ويغلطوا كتير عشان يتعلموا عشان تطلع بنيتهم النفسية قوية وان مش عيب نغلط الغلط بجد اننا نخاف نحاول فمنوصلش لحاجة .. هعلمهم ميدوش الدنيا اكبر من حجمها وان نيتهم دايما تكون لله .. وانهم يكونوا جدعان ويساعدول الناس من غير انتظار مقابل.. هعلمهم يحبوا بعض اوى ويكونوا اصحاب هعلمهم انهم ملهومش غير بعض بجد مش هسكتهم لما يتخانقوا عشان محدش يسمع لا هسيبهم يتخانقوا وهقعد واتكلم معاهم واصالحهم ..مش هتجاهل الموقف واقول هيعدى.. هطلب منهم يسامحونى طول الوقت لو قصرت.. وانهم لمااموت يدعولى كتير .. هقولهم ان مخاوفي كتير انى مبقاش ام كويسة او انى اكون سبب اذية ليهم من غير قصد وانى طول الوقت هكون خايفة وانى ساعات كتير بدعى انى لو مش هكون ام كويسة انهم ميجوش..
