كنت بقول مش هتأثر وإنى قوية بس بصراحة لأ انا إتأثرت وبتأثر طول الوقت.. زمان كان مشكلتى انى بخاف اخد قرار عشان مغلطش لان الغلط كان عليه عقاب حتى لما بنكبر الطفل الى جوانا ببفضل خايف ممكن توصل لمرحلة ان انت الى تعاقب نفسك بس قولت هعيش زى الى عايشيين لكن مع مرور الوقت مشكلتى كمان بقت عمرى انى عديت ال٣٠ من غير م احقق أى حاجة حاولت أمشي ف طرق كتير بس مكنتش بكلم او كانت بتقف لوحدها .. المشكلة الأكبر بالنسبالى مش ف كل دا اكتر شئ بقى بيأثر عليا نفسيا تعليقات الناس ع البنت الى عدت ال ٣٠ انها كبرت ف بقى جوايا مشاعر طتير متلغبطة بين مخاوفى وبين الوقت االى عدى ومعرفش والله مر عليا ازاى ..قبل م اكمل ٢٥ سنة بابا توفى واختى كانت ومازالت بتدرس ف محافظة تانية ف انا الى بقيت بس مع ماما ف حياتى شكلها اتغير واولويتى بقت امى حتى في اختيارات الزواج ببقى ف حيرة انى مش عايزة اسيب ماما حتى لو مش هتجوز خالص .. الفكرة بالنسبالى ليه الناس بتعلق ع عمر حد وان البنات الى بتكبر بينقصهم حاجات كتير مع ان دا مش حقيقي غير ان كل انسان وله ظروفة ليه اصلا نتدخل ف شئ ربنا كتبه .. ليه ندخل ف النصيب ونوجع الناس يعنى البنت مطالبة ترضى بأى حك عشان بس القطر ميفوتهاش.. اغلب البنات الى عملوا كدا اتطلقوا وبرضو اكيد دا الخير لن تعليقات بعض الرجالة بتكون بشعة ع فكرة السن وان الراجل مهما كبر عادى لكن البنت لا طب البنت تروح تموت نفسها مثلا😅😅فكرة ان الرجال تسيب مشاغلها ويقعدوا يكتبوا كومنتات يقيموا فيها البنات بحس ان دا بينتقص من رجولته اصلا غير انى مش بلاحظ التعليقات دى الا ف مصر معرفش ليه!! وبعدين م كل واحد ياخد المناسب له وسيبوا باقي الناس ف حالها ..كل انسان له قصته ورزقه لو انت ربنا ميسرهالك احمد ربنا واسكت اسكتوا بجد.. سيبوا الناس ترضى بأقدار ربنا في سلام يمكن حد يكون إيمانه ضعيف وتتسببوله ف انه يعترض ع قضاء ربنا ف يخسر دنيا واخرة والمفاجئة انه في ميزانكم يوم القيامة
