ياجماعه هو مش فاهمه ليه أغلب الرجاله دلوقت عايزين الواحده تقول حاضر ونعم بس وتسكت؟ أنا طبعا ضد النسويه والفيمنيست قبل أي شيء بس عايزه افهم النقطه دي تحديدا ، الطاعه في الزواج مش طاعه مُطلقه بل طاعه في امور الزواج والنكاح و امور البيت وهكذا والباقي بيبقى لا ضرر ولا ضرار اصل اكيد أنا مش هتناقش ويا تقنعني يا اقنعك في الدين ، طالما انت صح يبقى تمام عادي مختلفناش ممكن تفهمني حاجه وهكذا إنما في الأمور الدنيوية اكيد هيبقى فيه نقاشات مش فكرة يا تقنعني يا اقنعك لا مش كدا بل هي فكرة اني بحاول اوصل ليك الفكره اللي فدماغي ، بحاول افهمك أنا بفكر في ايه او فاهمه ايه ، واكيد في حاجه اسمها اسلوب في النقاش إنما ازاي مش فاهمه الواحده هتقزا على كل شيء حاضر ونعم؟ اصل انت كراجل مش واخده روبوت أو انسان آلي انت واخد بني آدمه ربنا كرمها بالعقل زي ما كرمك فطبيعي هتتناقش معاك وهيبقى فيها نقاشات وخلافات كمان بس اللي بيحكمها الأسلوب والعقل والتفكير الصح والتفهم ، فأنا حقيقي مش فاهمه تفكير الرجاله في النقطه دي . " أنا مش ضد الطاعه بس عارفه انها فرض عليا بس الدين مأمرنيش إني اعمل حاجه فوق طاقتي ، شوف انت كراجل اسلوبك وطريقتك عامله ازاي وبناءً عليها هقدر اطيعك واعمل كل اللي انت بتقوله بصدر رحب " اتمنى اللي يرد يبقى فعلا شخص عاقل فاهم هو بيقول ايه مش مجرد شخص ذكوري ماشي بمبدأ أنا راجل وسيد الرجاله والستات دول ولا شيء .