انفصال اهلي وعلاقتي بابا وصراع مع مشاعري

Mango_5864 · 2026-03-24T01:17:09.413Z

اهلي انفصلوا وانا صغيرة، وبابا بدأ يقرب مني مؤخرًا. طول حياتي بلجأ لرجالة تانية عشان أحس بالاهتمام، وعاوزة أبطل ده.

Mango_5864🇪🇬

3h ago•feeling Exhausted

انا اهلي انفصلوا وانا 9 سنين وبابا مكنش قريب مني وابتدا يقرب مني وانا عندي 20 سنة بس المهم ان طول الفترة كنت بلجأ الرجالة تانية يدوني الاحساس اللي نفسي احسه بس انا عاوزة ابطل ده لانه حرام

Apple_5843🇪🇬Top 3Best Advice· 2h ago

فهمك للمشكلة هو اول طريق علاجها انتى عارفة ان احتياجك للاحساس ده سبب عدم وجود الاب بالطريقة اللى انتى محتاجاها اول حاجة اشكرى ربنا على حالك مهما كان الحمدلله اكيد انتى فى نعم كبيرة و اعملى صداقات مع ناس حقيقية تسمعيهم و يسمعوكى و يحسوا بيكى و قللى وقت فراغك و شوفى واحدة من اصحابك تكون بتحبلك الخير و احكي معاها و متستنيش رجالة تيجى تحسسك احساس وهمى اشبهلك الموضوع زى انه هيديلك بلحة و يمشى لا انتى بتكوينك صداقات انتى بتزرعى فى جنينتك نخلة طول الوقت هتطلعلك بلح

Blueberry_5685🇪🇬Top 3· 3h ago

تقربي من ربنا .. مش كلام وبس .. جربتي تقعدي بعد كل صلاه ب الربع والنص ساعه تكلمي ربنا كأنه قدامك وتحسي انه حوار داير وتفضفضي ليه مش لازم بطريقه الشيوخ واللغه العربيه الفصحى اتكلمي طبيعي بالعاميّة مش هتلاقي احسن من كده انتي بس جربي

Cloud_5808🇪🇬Top 3· 3h ago

ممكن اعرف برفع بوست ازاى