مكسوفه اوي اني اقول الموضوع دا بس انا بجد عايزه حل فيه وهو انى لاحظت اني اتنش اوي يعني عايزه اهتمام من الناس هو ممكن اي حد ميشوفش دا مشكله وممكن اي حد كده عادي بس انا بعوز اهتمام من فئه معينه اكتر وهما الولاد بفرح اوي لما اسمع ان ولد معجب بيا او شكر فيا او لما يبصولي وعارفه ان اغلب البنات كده بس انا زياده عندي شويه وكمان بلاحظ على نفسي ان انا بلبس لازما احلى حاجه لو المكان اللي هروحو فيه ولاد والبس اي كلام لو فيه بنات.. كمان بمشي في الشارع ابص على الولاد اللي ماشيه بشوفهم بيبصولي ولا لا.. الموضوع وصل معايا لدرجه ان الولاد اللي بيحبو صحابى ومرتبطين بيهم يبقا عايزاهم يحبوني انا مش هما ويعني الموضوع دا من صغري من وانا في اعدادي هو انا عمري ما كلمت ولد من دفعتي او المكان اللي عايشه فيه واي ولد بيبعتلي في اي أب ببلكه وظاهره قدام كله اني البنت البيرفكت اللي عمرها ما كلمت ولد بس انا بكلم ولاد بس معرفهمش ولا هما يعرفوني يعني من أبات التعارف وكده او من اي آب تاني سواء تيك توك او انستا بس ببقا معرفهمش ولا هما من نفس بلدي وكمان مش بحط صورتي بحط صوره بنات على النت الموضوع اتكرر معايا كذا مره وكلمت ولاد كتير بس مش ب اسمي ولا صورتي بعمل كده من اعدادي لحد قريب كده انا عارفه ان دي حاجه اوحش من الغلط والمفروض اتحاسب عليها حساب كبير لانه مش ذنب واحد دا كذا ذنب منها اني بكدب على الناس وكمان بستخدم صور بنات ومش من حقي اعمل كده واني بكلم ولاد واني ببص عليهم ودا في حد ذاته زنا بس والله كل دا بعمله بدون ادراك بحس اني مغيبه وانا بعمل كده ولما بعمل الذنب وابطلو وافكر اللي عملته اقول ازاي انا اعمل حاجه زي دي وببقا نفسي ربنا يغفرلي واقعد ادعي واصلي بس بعدها بكام اسبوع برجع اعمل تاني وحتى من غير ضميري ما يأنبني وانا بعمل الذنب انا بجد نفسي اتوب عن القرف دا وابطل ابص على الولاد او اكلمهم او حتى افكر فيهم بس مش عارفه اتحكم في دماغي او تفكيري وغصب عني بلاقي نفسي بعمل كده حتى لو مش عايزه كمان لو حد عنده تفسير للموضوع دا او عندو حل ليه يفيدنى بيه؟ ودا المفروض طبيعى ولا لا؟ معلش طولت عليكو (كتبت البوست دا قبل كده بس الآب هنا قفل الكومنتس عليه عندى مش عارفه ليه ومش ظاهرها)
