ازاي احافظ ع سوائي النفسي واكون شخص كويس وحنين ع طول، ازاي مخليش قسوة امي عليا تأثر عليا تأثير سلبي يخليني ااثر بعد كدا ع أولادي بعدين، ازاي انا نفسي اعرف اتماسك قدامها وقدام اللي هي بتعمله معايا ومعصيش ربنا فيها لاني اوقات مبعرفش امسك نفسي وبرد ع اللي هي بتقوله (مش بغلط فيها بس بعاند ف كلامها) عايزا اتعلم امسك نفسي مخليش الشيطان يغلبني وارد او ازعق لان دا حرام اكيد حتى مهما كانت هي اللي غلطانه بس غصب عني بتحرق دمى حرفيا لدرجة اني تعبت نفسيا وجسديا بسببها
ربنا يعينك و يهون ع قلبك و يعوضك خير ان شاء الله وربنا يهديهالكو
هوني ع نفسك والله كل اللي بيطلع منهم دا خوف وحب مداري في حده و كلام مؤذي لازم تستوعبي دا ودا ابتلاء يدل ان ربنا بيحبك وختارك انتي من وسط اخواتك حاولي تريحيها و متعديش الكلام ع دماغك عارف انه غصب عنك بس حاولي تهربي ديما قبل ما تفلت منك فكري ديما ف اللحظات اللي بتثبتلك انها بتحبك وان دا مجرد كلام منها بس وديها اعذارها ع قد متقدري وكل دا بحسابه والله ومكتوب مش هيضيع
بكلمك من المستقبل انا حاليا والدي اتوفي الله يرحمه ويغفرله ويعفو عنه تقريبا المرات اللي خرجت عن شعوري معاه 5 الخمسه دول ك يوم مبعرفش انام بسببهم دلوقتي انا بعيط د.م و بضرب نفسي مليون جز.مه ع كل لحظه عاندت معاه فيها او كنت عارف انه محتاج مني حاجه وطنشتها وقد اي انا كنت حي.وان بمعني الكلمه لو قابلت شخصيتي قبل وفاته والله اعدمني العافيه ع اللي كنت فيه من جحود قدامه مهما كانت بتعمل اي والله لو بتج.لدك ربنا يطولك ف عمرها و يصبرك بس افتكر كويس ان اللحظات دي ع قد مهيا غصب عنك وكل حاجه بس في فاتوره هتحاسب عليها خليها ديما قدامك عشان من دلوقتي تلحق نفسك خرج عصبيتك ف اي حاجه غير ابوك او امك عشان والله الموضوع مش سهل نهائي انا بتمني يرجع لحظه واحده ابوس رجله وايده ودماغه عشان يسامحني ع اي حاجه رغم ان والله لو حكيتلك كنت بمر بايه وقتها هتقولي حقك انك تخرج عن شعورك بس والله بعدها هتكتشف ان لا في عذر ولا محاوله ولا غيرو انت تعاملك مع اهلك خط احمر صوتك ميعلاش حتي ولا بصتك تعلي عليهم عشان لو حطيت نفسك مكانهم والله مهتستحمل
ان شاء الله خير عمتا و ربنا يحسن علاقتكو
لما تحس انك خلاص استعيذ بالله و عد من واحد ل تلاته و فكر هتقول ايه عشان متعندش معاك هيا و حاول تصلح علاقتك بيها تتصاحب عليها و ان شاء الله كل هيتحل