في عمري 18 سنة قبل عامين كنت انسان نحب نقرى نخدم نحب نحوس نحب نلبس مليح رياضي درت كامل رياضات حديد كرة قدم كاليستنكس كينڨ بوكسينڨ كنت فيهم كامل رقم واحد حتى ثانوية كان عندي جسم رياضي اجتماعي مع كل ناس تحبني ولكن دركا كلش راحلي وليت منروحش نقرى حبست الخدمه رياضه حسبتها ڨاع موليتش نحب نهدر مع ناس صحابي كامل بعدوا عليا موليتش نخرج ملمنزل كامل خمول نرقد ڨاع نهار معرفتش السبب وليت نشوف روحي فالمرآة نعيف نتنمر على نفسي نشوف صحابي دارو تاويل و انا مزال عائلة تاعي يقارنوني بولاد وبنات عمومي وليت منفي شمس ومنشوفهاش نظلم كامل البيت. مع العلم حاجة لي كنت نبغي نديرها في صغري الاب تاعي كا دايمن ضدي من كثرت توسويس كالتجارة السفر الصحبة يتبعني وين نروح يفتشلي الهاتف يعايرني وحرجني قدام الناس برا مرات يضربني قدام صحابي حتى وليت نحشم نبين وجهي مع العلم انا لحد الان ما نكمي ما مخالط فنساء معنديش أصدقاء السوء
