10h agofeeling Lost
من كتر الاكتئاب لمدة ٦ سنوات وصل وزني ل١٦٧كيلوا ومش عارف اعيش حرفيا وفقدت شغلي وحياتي فازاي الواحد يطلع نفسه من المرحلة دي وعشان اخس محتاج سنتين على الأقل عشان ابقى بني ادم طبيعي تاني
🇪🇬Top 3· 9h ago
لازم تكون متفهم فكره انك هتاخد وقت وتتقبل الفكره دي انت دلوقتي مش راضي عن وزنك في ٣ احتمالات هيحصلوا اول واحد هتفضل تقول عايز اخس من غير متاخد خطوه عشان شايف الموضوع صعب جدا وهياخد وقت طويل وممكن السنتين دول اللي انت شايفهم كتير هيعدوا اصلا وانت لسه مكانك مع انك لو كنت بدات كنت وصلت تاني احتمال انك تاخد الخطوه وانت مش متقبل نفسك وهتبقي مستعجل وبتجلد في نفسك حرفيا انك كل يوم عايز تشوف فرق ولو محصلش يجيلك احباط تالت واسلم احتمال انك تتقبل نفسك الاول انك حابب تاخد الخطوه عشان صحتك وتعرف تعيش احسن بس وتخلي دا هدفك وتتقبل فكره انك هتاخد وقت وهتبقي رحله حابب تعيشها عشان تشوف التغيير وصدقني الموضوع مش صعب رحله هتعيشها وهتوصل للي انت عايزه بنفسيه كويسه وفرحه