أنا محتاجة رأيكم بجد أنا عايزة أقنع بابا يجيبلي المتوسيكل البنزين (البيكر) بدل الاسكوتر الكهربا، مش عشان عناد ولا استعراض، بس لأن الكهربا شكله عادي ومش عملي قوي، والبنزين شكله شيك وثابت أكتر في الطريق. بابا قلقان عليّا، وده حقه طبعًا، وخايف من البيكر البنزين عشان أنا بنت. بس سؤالي بجد: هل الخطر في النوع ولا في طريقة الاستخدام؟ أنا مع الأمان 100% خوذة، سرعة معقولة، مشاوير قريبة، والتزام كامل بالقواعد. مش طالبة حاجة خطيرة، طالبة حاجة تناسبني وتكون عملية وفي نفس الوقت أشيك. اللي عنده تجربة أو رأي يفيدني أقنعه إزاي من غير ما يحس إني باستهتر بخوفه؟ لأن خوفه عليّا قبل أي حاجة، وأنا مقدّراه ❤️

2

5