اتمنى حضن من بابا وهو عايش ومش عارفة إحساسه

Question

سلام عليكم ..... انا بتمنى حضن ... عارفة انها امنية غريبة بس انا عيشت سنين ف طفولتي بنام و انا بتخيل حد بيحضني عشان احس بالدفا و اعرف انام ... طفله عندها سبع سنين كل طموحها في الحياه انها تتحضن اه والله ... ولحد دلوقتي نفسي في فعل واحد يحسسني باي حنان و تحديدا من بابا ... تعرفوا بابا لو مات بكره مش هفتكر معاه اي ذكرى او اي صورة اشوفها و اترحم عليه .. مليش معاه اي ذكرى حلوة كلها ذكريات وحشة ... يوم نتيجه ثانويه عامه كنت جايبه مجموع كبير كنت مستنيه انه يبادر مره واحده بس لكن معملهاش ... وحتى انا مبقتش قادره ابادر بحس ان انا متخشبة و مش عايزة اقرب خالص ... الموضوع واجع قلبي ان فيه ناس بتتمنى حضن من ابوها بعد ما مات لكن انا ابويا عايش وما زلت بتمنى بردو الحضن دا .. مع اني معرفش احساسه ايه لاني عمري ما جربته ... خايفه اوي يموت واندم ان مليش اي ذكرى معاه بس ارجوكم محدش يقولي بادري انتي عشان بجد مش قادره لما بقف عنده بحس ان انا لوح تلج مش عايزه اقرب بس الموضوع ده عاملي حرقه في قلبي ... هو ليه كده بجد ؟؟ ليه مش حنين ؟؟ هو انا مش بنته ؟؟ محسش في مره انه عايز يحضني خالص ؟؟ معقوله مش بيحبني ؟؟

Cheese_73627 🇪🇬 · Accepted Answer

انا كمان كده بابا طيب بس عمره ما حضني ولا اعرف الحضن ده عامل ازاي بحسهم بيفكروا اني دي حاجه هتقلل منهم المشكله ان الموضوع مأثر معايا جامد مخليني بحقد علي اي بنت بشوف ابوها بيحضنها انا والله مش وحشه بس دي حاجه انا اتحرمت منها وهي بإيدهم يعملوها

Potato_66678 🇪🇬 · Answer

لا طبعا ده باباكي ازاي ما يحبكيش

Strawberry_71160 🇪🇬 · Answer

طب ما تقولي له مرة وهو هيفههم ويديكي بعد كدا

Cookies_68867 🇪🇬 · Answer

امال هو ليه مش حنين معايا خالص

Cookies_68867 🇪🇬 · Answer

الحاجه بعد ما تتطلب بجد بتفقد كل معناها الحقيقي لان المشاعر المفروض انها تيجي من جواك

Potato_66678 🇪🇬 · Answer

مين قال كده
مش يمكن مش بيعرف يعبر عن ده

Coffee_67194 🇪🇬 · Answer

اتكلمي معاه

Potato_66678 🇪🇬 · Answer

او مش قادر

Strawberry_71160 🇪🇬 · Answer

ولو مجتش من الاهل مش عيب نطلبها

Potato_66678 🇪🇬 · Answer

لا خالص ده تفكيرك بس
والدليل ممكن نطلب من حد حاجه ولما يعملها نحبه اكتر لانه عملها وبذل مجهود فيها

Chilli_48447 🇪🇬 · Answer

المشكله كلها انك لوحدك اوى ومفيش حد جنبك عشان كده انتى واصل ليكى الاحساس ده انتى محتاجه للى يكون جنبك ومعاكى ويسمعك

Strawberry_71160 🇪🇬 · Answer

بصي انا بقولك هتعيشي كدا على طول انتي ممكن محرجة تطلبي دا اكتر من فكرة انك تطلبي

Pumpkin_73530 🇪🇬 · Answer

الحنية مش ببلاش أنا ٢٦ سنة و لحد دلوقتي عمره طبطب عليا او قالي أنا جنبك أنا معاك بواجه الدنيا لوحدي بالنسباله أنا ابنه بس علي الورق

Durian_73571 🇪🇬 · Answer

ممكن نتكلم وندعم بعض

Kiwi_52622 🇪🇬 · Answer

ممكن نتكلم

Tomato_73658 🇪🇬 · Answer

الحضن اللي اتمنيته من اهلي بقي كابوس 
عمري م حسيت منهم بالحنان. 
دايما بحس اني انولد علي باب جامع وهما عطفوا عليا 
كنت انضرب في المدرسه واروح هدومي متبهدله انضرب عشان هدومي متبهدله عمرهم م خدوني في حضنهم وطبطوا 
هر ليه لا تقل لهما أف بس نسيين كلكم راع وكل مسؤل عن رعيته
مستحيل أسامح اهلي