"فإذا سألتم الله فاسألوه الفردوس..." اتعود تدعي بالامتياز حتى لو مذاكرتك توصلك للمقبول لو نفسك في ايفون ماتدعيش بحاجة أقل منه لأن إمكانياتك لن تسعفك لو عايز توصل لشيء بعيد المنال ركز عليه وادعي بيه وأوعى تقول على قد الاسباب واطلب ال انت عاوزه في الدعاء. المشكلة إن الواحد بيبص حواليه الأول يشوف الأسباب الدنيوية إيه وضعها وبعدين يروح يسأل ربنا على أساسها، مع إن من تمام التوكل والتسليم إنك تدعي سواء الأسباب معاك أو ضدك! ومش من حسن الظن بالله إنك تتقصد في الطلب لأنك شايفه صعب ومستحيل يتحقق، كأنك بتقول لربنا أنا سهلتها أهو عشان تقدر تحققها لي! -حاشاه!- ربنا حي قيوم، عارف يعني إيه؟ يعني مش زيك لو طبق يومين يبقى مرهق وتعبان ومش عارف يعمل أسهل المهام، لا ده سبحانه حي لا ينام ولا يسهو ولا يموت ومع ذلك هو القيوم يعني يقوم على تدبير الأمور وقضاء حوائج كل المخلوقات.. عمرك عرفت حد صاحي دايمًا وبيشتغل دايمًا؟ هو الله ماتنساش وادعولي ادخل الكليه ال بتمناها ولكم المثل🤍

2

1