جماعه انا بقدم علي شغل كل شويه والحمد لله بتقبل ديما بس الفكرة في حاجتين ان انا بيتي في ابعد بقعه عن اي مكان شركه بعتبر واني مبحبش اغامر واخد الريسك وبسبب كده بقيت بعمل حاجات غبيه آوي زي اني مروحش او اروح التريننج يوم والسكه تتعبني ف مروحش تاني والمشكلة اني بجد محتاجه الشغل اتخنقت من غبائي اوي بجد عماله أضيع واقفل في الفرص الي قدامي ومش فاهمه انا بعمل كده ليه امبارح اخد not eligible for re join من شركه كانت عجباني اوي عشان كانت بعيده جدا عني ف مقدرتش اروح ف اعتذرت وبعت ميل بعد كده اكتشفت انه الشركه دي من ضمن الشركات كلها طلع ليها فرع لازق في بيتي حرفيا بينا شارع وعرفت متاخر اوي حاولت أوصل لحد واقدم في الاخر لقيت جالي ميل اني غير مؤهل للانضمام واتحطيت بلاك ليست في الشركه فور ايفر بسبب الحركه الغبيه بتاعتي دي وكل مره بقول مش مشكله هاخد الريسك وهجبر نفسي اكمل حتي لو بعيده بخاف اضيع وقت وفلوس وبنسحب برضو بجد نفسي حد يمسكني يعجني ضرب كل مره افكر التفكير المطرشم ده والمشكلة دلوقتي ان اغلب الشركات انا عملت فيها نفس الحركه تقريبا وضيقتها علي نفسي اوي اوي حد عنده طريقه اتحكم في العبط ده 😢😢

0

3