تعرف.. الحب ده.. زيو زى الموت.. مينفعش تدور عليه بس هو الى هيلاقيك فالوقت المناسب.. المشكله انى رغم انى مقتنعه بالمقوله دى.. الا انى لسه بدور عالحب.. مش عارفه ليه مش عارفه اسيطر على عواطفى.. رغم ان الناس عندها عاطفه برضو بس بتسيطر عليها.. الا انا.. الا انا الى عندى شوق لشيء معرفوش.. الشوق ده بيقتلنى.. ولما بجرى وراه بيقتلنى اكتر.. ولما ببطل اجرى وراه يرجع يحوم حواليا.. ولا عارفه ارتاح وانا بدور عالحب ولا عارفه ارتاح وانا مش بدور عليه.. زى ما فال نزار قباني ستفتش عنها يا ولدى فى كل مكان ما اصعب ان تهوى شيئا ليس له عنوان.. انا بس نفسى ابقى عايشه مرتاحه.. مش قصدى راحه مطلقه بس قصدى عالاقل من غير شيء مثقل عليا مش قاادره اعيش بيه.. انا عايزه الم محتمل.. انا ارق من كده بكتيير ارق من وجع الحياه التقيل.. بتكسر.. بتفتفت بدوب مبستحملش.. قولى.. قول لواحده قلبها عطشان حب.. بيتنفس حب.. قولها ازاى تعيش بدون ميه ولا اوكسجين.. قولها.. قول ازاى اعيش من غير حب .. ازاى استناه بصبر.. ازاى وانا تعبت من الصبر.. متقولليش املى حياتك لو سمحت لانها فعلا مليانه بكل انواع الانشغال الى ممكن تذكره.. حياتى مش فاضيه بالعكس انا ناجحه كمان و بعمل حجات كتير.. بسسسس.. دايما فى احتياج غير طبيعييي للحب! .. احتياج لا يُشفى الا بملئه.. لا يشفى بملىء اى احتياج اخر.. اكنه واحد جعان وانت بتديله ميه! مش ده الى محتاجه.. ازاى اصبر على احتياج انا مش عارفه ازاى امليه و مش عارفه ازاى اتعايش معاه.. ازاى اشفى جرحى الى جوايا من زمان بدون حب! علمنى.. علمنى اسكن احتياجى.. اجمده.. اسيبه فوضع السكون الا ان ياتى المحفز.. ازاى مفضلش متبهدله كده.. ازاى ابطل ادور عالحب.. ازاى استناه هو يجيلى.. ازاى ابدا اشوف الحب زى ما بشوف الموت!

2

13