موضوع:

الذكريات السيئة

استاذي فتالته ثانوي قاللي مستحيل ابقي زي اخواتك (اخواتي دكاتره) قاللي مستواكي وحش واخرك كليه لغه عربيه أو مواد شرعيه وكل دا كان قدام اكتر من ٦٠ طالب معايا فالدفعه منهم صحابي ومنهم ناس م بتصدق تشمت فيا ساعتها كنت ماسكه الدمعه لاني بكل سذاجه لما سالني قدامهم نفسك فكليه اي قولتله طب بشري وبعدها سمعني الكلمتين دول المهم عيطت من الكلام قاللي بتعيطي لي أنا مضربتكيش وفضل يستهزء بيا طلعتله بعد الحصه أقوله اني كنت تعبانه عشان كدا مقصره اليومين دول مصدقنيش وبصلي بنظرات كلها استهزاء عمري م انساها وقاللي اثبتي دا فالامتحان سيبتله الدرس خالص وقعدت اكافح طول السنه وتعبت اوي من الكلام اللي فضل جوا دماغي بطلت انام خوفت ابقي كدا زي م بيقول بس كل دا كاني بحفر حفره بقشه ولا اي حاجه كنت اسوء في مستوايا عن أي سنه دراسيه والمهم بعد كل دا ربنا منصفنيش علي الاستاذ دا وتعبت ايام الامتحانات ودا اثر عليا ونا فالامتحان وتعبت نفسيا بعد امتحان الفيزياء وكنت مش عاوزه اكمل ماما خلتني اكمل غصب فالاخر يعني الاستاذ كان عندو حق جبت ٨٤ دخلت علوم قولت هتاقلم متافلمتش بعد دا كله وسيبت الكليه وقاعده فالبيت حاليا مش عارفه اي الخطوه الجايه

0

1