.png)
Lemon_52708 🇪🇬
منذ أسبوع واحد
.
شعور غاضب
أكبر غلطة غلطتها في حق نفسي، إني استنيت 'رسالة تقدير' أو 'كلمة حق' من إنسانة مكنتش شايفة غير نفسها. الرفض كان حقك.. لكن 'التشويه' ده قلة أصل ومعدن رخيص. أنا كنت متعلق بيكي بجد، وكنت بصدق في الحب الحقيقي، بس اكتشفت إنك كنتِ بتبني لنفسك بطولة وهمية على حساب سمعتي. النهاردة أنا اللي عملت 'بلوك' لمشاعري، وطردتك من حياتي فجأة وبدون مقدمات، زي ما سيبت المكان اللي مبيحترمنيش. اتضح إن الحب اللي كنت بآمن بيه طلع كذبة لما تكون 'ودنية' وبتسمعي عني وما بتسمعيش مني. صدقتيهم وما ادتنيش فرصة واحدة أدافع عن نفسي، وقابلتي وجعي ببرود ولا مبالاة وانتي بتقولي 'أنا مضايقة عشان مقولتش لينا'. في اللحظة دي اتأكدت إن فيه ناس بوشين، بيميلوا مع الطرف الأقوى ومع مصلحتهم وبس. أنا مكنتش متخيل إني 'رخيص' أوي في نظركم، بس الحقيقة إن الرخيص هو اللي بيبيع العشرة عشان يحمي مكانه. أنا دلوقتي ركزت في 'الكره' كطريق وحيد عشان أنضف قلبي منكم وأبدأ من جديد. بدعي ربنا إني ألاقي ناس حقيقية، أصدقاء بجد، يحسسوني بالأمان بدل ما أكون دايماً في حالة دفاع عن نفسي.
0
0
