السلام عليكم ورحمه الله وبركاته كنت واقف مرة مع حد بيشتكي من ضعف المرتب وأنه عاوز زيادة قولتله هخليهم يزودوك بس مقابل ده هتحصل عندك حاجة زي مرض أو تعب أو مشكلة تأخد الزيادة دي قالي لا وده مش معناه أن بضيع حقه أو أن الواحد يزهد في الدنيا وياكل ورق شجر يعني بس الي أقصده الرضي كل واحد فينا واخد رزقه كامل بس مختلف التقسيم ياخي والله كلنا واخدين رزقنا 100% بسبب أننا اتولدنا مسلمين موحدين بالله صحيح بنغلط بس علي الاقل مش هنموت علي الكفر وده مش معناه ضمان الغيب بس طمع في الله طبعا المهم اننا نرضي وأحد.تلاقيه زعلان من قسوة أهله وهو بصحته يبص لغيره أنه أهله حلوين معاه طيب ما تبص لمصائبه صدقني علشان ترضي بص لمصائب غيرك هتلاقي نفسك رضيت اقولك بص لمن يلحد بالله وبالقران لمن هم مصابين في الدنيا ولن يؤجروا في الآخرة ربنا يارب يهديهم ده سيدنا محمد صلى الله عليه وسلم قال عجبا لامر المؤمن امره كله خير ان اصابته سراء شكر كان خير ا له وان اصابته ضراء صبر كان خير له هنطلب الكمال ازاي والأنبياء الي هما أعظم خلق الله كانوا في بلاء لما بقول لواحد ده سيدنا يونس بالاستغفار طلع من بطن الحوت أو سيدنا ايوب بالصبر ربنا شفاه من المرض أو سيدنا زكريا بالدعاء ربنا رزقه الولد يقولي دي معجزات أنبياء طيب لما هما أنبياء وأشرف خلق الله واقرب خلق الله لله ليه يبتليهم ما كان ممكن يخلق النبي ده اغني واحد ويرزقه قوة وولد وجاه وسلطان بس هو بيعمل كدا مع الكل علشان نرضي ونصبر وندعوا وفي الاخر اه السعي علي الرزق والصحة والولد حلال طبعا ومطلوب بس بالعقل والقناعة وقبل ده ما ابصش لغيري ربنا قالها صريحة ولا تمدن عينيك الي ما متعنا به ازواجا منهم زهرة الحياة الدنيا اسعي واعمل اللي عليك وأيا كانت النتيجة لازم ترضي وتصبر ما يمكن الولد الي بتتمناه من ربنا يجي يشقيك في الحياه الدنيا ما يمكن المال الي مستنيه يخليك تبقي جبار ما يمكن انت عملت ذنب وربنا بيطهرك احمد الله علي الابتلاء في الدنيا لانه تطهير ومسيره كدا كدا هيخلص انما بلاء الآخرة لا يمكن يخلص ابدا ربنا يعافينا واياكم

2

0