بعد تفكيري في أمر الإباحية والعادة السرية، وجدت انه الصعوبة ليست في مواجهة الشهوة بالتحديد الصعوبة الحقيقية في تغذية أفكار المخ، بمعنى أي فكرة في الدنيا لما بتدخل مخ البني ادم بتكون محتاجة تغذية كبيرة عشان تكبر وتكون مسيطرة عليه وتدفعه انه يعمل حاجة معينة، إلا انها هتفضل مجرد فكرة صغيرة ملهاش لازمة كذلك الإباحية مدمن العادة السرية بيكون مخه أسرع تقبلًا للإباحية والعادة السرية وأسوء من ناحية ما ضد ذلك يعني ايه برضو يعني الشخص الطبيعي لو شاف بنت مش لابسة كويس هيغض بصره ويكمل يومه ( هنا الفكرة دخلت دماغه لكن مكبرتش وفضلت مجرد فكرة صغيرة ) إنما مدمن الإباحية لما شاف بنت مش لابسة كويس الفكرة اللي اتولدت من نظرة صغيرة دي كبرت بشكل مرعب وغطت على دماغه واتحولت لفكرة أساسية ومُلحة عليه لحد ما دفعته لإرتكاب العادة السرية اللي فهمناه دلوقتي أنه الموضوع كله يتمحور في السيطرة على الأفكار وكدة فهمنا ان مدمن العادة السرية لما يحب يقلع عنها عنده حاجة من اتنين إما يمنع وجود الفكرة الصغيرة اللي بتدفعه للعادة السرية ( ومش هيتنفذ 100% ) أو يغذي أفكار مضادة للعادة السرية بحيث لما تيجي في باله يبقى عنده رأي مخالف والرأي دة يكون قوي وشديد هنتجه للحل الثاني ( مع عدم تجاهل أول حل ) إذا ف الحل انك تحاول قدر الإمكان انك تقلل مسببات الافكار الإباحية في دماغك، وتزود وبشدة من الأفكار اللي تخليك تبعد عنها ( بودكاست، قرآن، طبيب نفسي، صديق، عبادة) وأهم حاجة الفيديوهات التوعوية ضد العادة السرية هتفضل ماشي كدة لحد ما تقدر تقضي عليها

4

0