من شوية النت فصل ف دخلت على الفايلز القديمة على الموبايل افضي امسح اللي مش مهم ودخلت على فايلات قديمة جدا اول مرة ادخل عليها واتفاجئت بكمية صور وفيديوهات وريكوردات لشخص كان عزيز عليا من ٦ سنين ، الشخصية دي سبنا بعض في وقت كنت محتاجها فيه جدا وتعتبر اكتر حد بكرهه في حياتي بس الكلام ده من ٦ سنين اه كانت بتيجي على بالي من وقت للتاني لكن كنت تخطيت او تأقلمت يعني بس النهاردة رجعت لنقطة ال-1 مش الصفر بس بعيدا عن الشخص نفسه بس الذكريات على قد ماهي صعبة على قد ماهي حلوة يعني انا كل ريكورد كنت بسمعه كنت برجع بالزمن لوقت الريكورد ده وبفتكر الوقت والتاريخ وكنت بعمل ايه وانا بسمعه وكنت حاسس بايه وقتها كل حاجة حرفيا ريكورد لا يتعدى ال٢٠ ثانية فيه ذكريات متقدرش تحملها على هارد 2تيرا والله ،كل ذكرى كانت بترجعني لشخص انا بحبه وهو اكيد اتغير وكذلك انا ، اعملوا ذكريات والله الموضوع مؤلم لكن هيرجعك تعيش للحظة كنت بتحبها وهيفصل دماغك عن اللي انت فيه دلوقتي ، وكان فيه منهم ريكورد كنت بقول فيها اني رميت الحاجة اللي كانت جايبهالي ومش عاوز افتكرها وقتها مكنتش رميت الحاجة دي ودلوقتي افتكرت مكانها وقاعد حاليا بطلع حاجات وافتكر لحظتها كنت نسيت الحاجات دي اصلا ودلوقتي افتكرتها منهم حظاظة مكنتش بقلعها من ايدي بفكر بعد ٦ سنين ارجع البسها تاني كنوع من تذكر الماضي :)

3

1