الغِل مهما اتدارى، بيبان دائمًا، بالإحساس اللي مش مريح، بالنظرة، بالكلمة اللي بتتقال وسط الهزار، بالشماتة، بالغيرة والحقد… في ناس كل هدفهم إنك تقع عشان يحسوا إنهم أعلى وأفضل. ربنا يكفينا شر خلقه. تعبت جدًا من كوني الاختيار التاني… البنت اللي حبيتها مخطوبة، قسمه ونصيب. Thank you, next. مش كل الناس اللي بنحبهم بيحبونا بالمستوى نفسه، وأحيانًا بنكون مجرد اختيار لطيف في فترة زهق. المهم نعرف قيمتنا وما نضيعش وقتنا ومشاعرنا على ناس ماقدرتناش. في الشغل، حصل موقف خلاني أحس بانتصار نفسي كبير: مديري حاول يمارس نرجسيته بأسلوب رخيص وقال قدام زمايلي: «أنا ممكن أبدلك ببنتين في ثانية». ردي كان هادي، ابتسمت وقلت: «يا سلام!» من غير عصبية أو إساءة. الكلمة دي حسّسته إن تهديده تافه، وإنه ما لهش أي هيبة عندي. الموقف ده خلاني أراجع وجودي في بيئة العمل، وأحس بالراحة والتحرر النفسي. خرجت من دايرة العشم في ناس مكنتش تستاهل، وحطيت كرامتي فوق أي اعتبار. جلست مع نفسي، قرأت قرآن، وحسيت بسكينة إن الرزق بيد ربنا مش بإيد أي حد. أي علاقة فشلت؟ نزعل شوية… وبعدين يلا اللي بعده. أي فرصة ضاعت؟ شكراً وبس… ونركز على دلوقتي، على اللي جاي. أنا اخترت أحتفظ بهدوئي وكرامتي، وأخد قراراتي من وعي ونضج، وربنا هو اللي بيكتب رزقي، مش أي حد.

1

0