دخلت كليتي بإرادتي وندمانة.. أنيل إيه؟

Orange_88342 🇪🇬

منذ أسبوع واحد

شعور ضائع

الكلية إلى انا فيها كانت كلية احلامي حرفيا ..يعني تجاهلت رغبة والدي و دخلتها و هو بجد مكنش موافق ..الفكرة اني بعد ما بدأت دراسة ابتديت احس ان الموضوع صعب جدا و حاسه ب ان اختياري ل اهم حاجة في حياتي في الفتره دي غلط ..و مش قادرة اتقبل اني انقص درجات حتى لو قليلة لأني داخلة الكلية ب رغبتي التامة (يمراري يمراري يمراري )... انيل ايه ؟

مصيبة في الكلية ومش عارف أواجه أهلي 😞

جماعه انا ف مصيبه ولا اي انا مش عارف انا كنت ف تانيه كليه شريعه وقانون المهم جبت خمس ملاحق بس انا معرفتش حد من اهلي اني بعيد السنه و غير كدا همه مفكرين انو فاضلي سنه غير ال انا فيها واتخرج ومش عارف اواجهم ازاي لما يكونو مفكرين اني ف رابعه وانا اصلا هكون ف تانيه دا لو نجحت كمان😞😭 ...عرض المزيد

10 الدعم

5 نصيحة

بابا بيضغط علي أدخل علمي وأنا خايفة من الفشل

بابا اهم حاجه عندو اني إبقا دكتوره واني ادخل علمي انا لسه ف محددتش علمي ولا ادبي بس من وانا صغيره وانا بحب المواد الادبيه جدا بس هو مستحقر الادبي وشايفهم ناس فاشله والعائله كلها شايفه كده وهو مش خاططلي اوبشن هو هدخل علمي يعني هدخل وانا بجد بجيب درجات وحشه ف المواد العلميه ومبخبهاش ومش شيهي بس الموضوع بانسبالو حياه او موت ومخطط ليا واخواتي كل واحد هيدخل كليه اي انا مش عارفه اخد القرار الواجهه واقولها لا واصمم وساعتها هيزعل مني جدا جدا مش بعيد ميكلمنيش وهيقلل مني طول الوقت ومهما نجحت بيقولي انتي فاشله وخايفع بعد م اصمم اجيب مجموع وحش ف ادبي وخايفع لو دخلت علمي اجيب برضو مجموع وحش واندم اني مدخلتش ادبي ممكن تنصحوني ...عرض المزيد

7 الدعم

8 نصيحة