الناس بقوا متناقضين وانا مش زيكم ومش هاقبل اعيش تايهة

Blueberry_64034 🇪🇬

منذ أسبوع واحد

شعور عاطفي

الناس بجد بقوا متناقضين بشكل مرعب و الاسوء انهم رافضين اى حاجة واضحة و صريحة حابين بس اللى بيلففهم حوالين نفسهم انما حد جد و صريح و بيقول ده صح و ده غلط تؤتؤتؤ يع اى ده 😂 انت ازاي بتواجه نفسك و غيرك بحقيقتهم كدة و ماشي دغري ازاي مش عندك مشاعر فياضة و عايش فاضي من جواك و معترف بده كمان لاااا انت مش معقول 😂 ازاي عارف انت ايه و مش عايز ايه من الحياة لالالا ازاي اصلا رافض و بتعرف تقول لأ يانهااار ابيض يا استاذ ممتاز 😂 عاوزينك زيهم نسخة منهم مسحول و تايه زيهم و مش عارف نفسك و راضي و قانع باى حاجه و كل حاجة و خلاص بس انك تكون مقدر نفسك و فاهم انت عاوز ايه هيبدأوا يبعدوا عنك .. او يشوهواصورتك قدام الناس او الاسوء يهزوا ثقتك فى صورتك انت عن نفسك و تحس انك ماشي فى طريق غلط مع انه قمة الصح بس هيقفلوا كل الطرق فى وشك عشان تشك فى نفسك و قناعاتك و عشان تفضل عايش عشانهم و بس بتعمل لهم و بس سوري انا مش زيكم و مش هاقبل اعيش تايهة فى طرق غيري اه يمكن لسة تايهة بس فى طريقي انا مش فى حياة انتوا عاوزيني امشي فيها و خلاص سوري مش هاقبل اكون نسختكم اللى بتعدلوا فيها بمزاجكم انتوا انا مش انتوا .. و مش هاكون انتوا سواء تقبلتم ام لأ هاكون دايما انا و بس 😌🤍

ازاى اتخلص من عدم الثقه فى نفسى والشعور بأن الكل بيتكلم عليا؟

ازاى اتخلص من حتة انى مش واثقه ف نفسى وانى دايما شايفه الكل بيتكلم عليا ومش بيحبونى وشايفنى وحشه وحتى لو قالولىىكلمه حلوه بعتبرها تطبيل وخلاص ومبصدقهمش ...عرض المزيد

0 الدعم

4 نصيحة

مش بعرف أثق في الناس.. ده طبيعي؟ 😔

هو متغلبتش بس حبيت أشارك😅 هو طبيعي ان مش بعرف أثق فى الناس بسهولة؟ يعني بحتاج وقت و مواقف كتير جدا، و ممكن فى الآخر موصلش للثقة حتى انا شخص معندوش صحاب عشان مش بعرف اقرب من حد، مش بعرف أثق فى الناس، حتى لما ببقي متضايقة او زعلانه مش بعرف احكى لحد، حتى أهلى مش بعرف اتكلم معاهم فى حاجة، ده بيخليني أغلب الوقت يكتم فى نفسي و مخنوقة على طول لكن عندى صديق واحد، هو الوحيد اللى بعرف اتكلم معاه نوعا ما، لكن برده بحس انى مش واثقة فيه، رغم انه عدينا بحاجات كتير تثبت انه أهل للثقة، بس انا مش عارفة ازاى اثق فى حد، نفسي أوصل مع حد لدرجة الثقة العمياء زى ما بيقولوا، مش عارفه هى دى مشكلتى و لا هى الثقة العمياء دى خيال😔 ...عرض المزيد

6 الدعم

4 نصيحة