ليه بحس إني زمان كنت انضج وإيماني أقوى؟

Watermelon_72335 🇪🇬

منذ 6 أيام

شعور محبط

معرفش ازاي دا بس بحس ان النسخة القديمة مني احسن .. كنت انضج من دلوقتي و ايمان كان احسن وعلاقتي بربنا كانت احسن و كنت اعقل كمان معرفش ازاي و لا ايه اللي بيحصل بس المفروض اننا بنتغير للأحسن مش الاسوأ .. حد عنده تجربة مشابهة ؟

عندي فضول شديد وعايز اهرب من التفكير

عندي مشكله بصراحه بالرغم من ان هويتي مجهوله ولاكن حاسس ببعض الاحراج بخصوص اني بتكلم ف موضوع زي دا بس بجد من كتر التفكير ف الموضوع دا ف هفضفض معاكم انا كنت ف مركز تدريب بقالي شهرين من غير فون وكدا وحياه ناشفه شويه لاكن كان في معانا ناس بتعرف تستخدم الفون زي انها تتفرج ع محتوي غير لائق ف طبعا بيجوا يزيعوا الخبر زي ان مثلا في مطربه مشهوره نزلها فيديوا وكدا ف انا كنت عارف الاغاني بتاعة المطربه دي لاكن لحد الان انا معرفش شكلها بصراحه بس انا من جوايا دلوقت عندي فضول شديد اني ابحث عنها واشوف شكله او ابحث عن الفيديو وعندي صوت تاني بيقولي لا متعملش كدا لان انا قربت من ربنا اوي الفتره الي فاتت ومبسوط من دا ف ساعدوني بجد ازاي اهرب من التفكير والفضول دا ...عرض المزيد

4 الدعم

2 نصيحة

بدور على دكتورة نفسية كويسة وثقة في دمياط أو أونلاين

ممكن حد يساعدني ألاقي دكتورة نفسيه كويسه أون لاين أو لو حد يعرف دكتورة في دمياط تكون بالمجاني او لو بسعر بسيط جدا ً مش سعر غالي بس اهم حاجه تكون كويسه و ثقة و عن تجربه ضروووري جدا جدا لو سمحتوا ؟ ....... ...عرض المزيد

13 الدعم

2 نصيحة

ليه بتعاني لما تشربي مية زمزم؟ تجربتي مع الحسد والمرض

جماعه أنا عايزه أحكيلكوا حاجه، طبعًا معظمكوا عارفين إني عندي كانسر و عندي ٢١ سنه علشان بنزل كتير إنكوا تدعيلوا،بس أنا فيه حاجه غريبه أووي مش فاهماها،قريبتي جابتلي مية زمزم من السعوديه كانت بتعمل عمره وجابتهالي من هناك،كل ما بشرب منها بتعب جامد أوووي،مره رجعت،وكل مره بشرب منها بتعب تعب مش طبيعي ومعدتي بتوجعني جامد،سألتها قالتلي إن الشيخ قالها لو تعبتي وحسيتي بأعراض زي كده بعد ما تشربيها يبقى يا إما محسوده أو معملولها سحر،أنا كل ما حد بيشوفني بيقولولي أنتِ محسوده والله ناس غريبه معرفهمش،لما بيشوفوني مثلا ف الفحوصات اللي بعملها ف العيادات ف المستشفيات أي حد بيشوفني ويعرف إني عندي كانسر بيقولولي أنتِ محسوده،واحده مره كنت مسافره وأنا باخد كيماوي علشان كنت بمتحن وكليتي بسافرلها مع إنها غريبه بس قالتلي انتقبي،مره كنت بره وروحت بتوكتوك الراجل اللي كان سايق التوكتوك هو شيخ وأنا وقتها كنت قاعده ساكته مبتكلمش ولا أي حاجه خالص ولما جيت أنزل قالي استني فكرته عايز فلوس زياده ف استنيت قالي اقرأي سورة البقره كل يوم وخليها ملازماكي أوعي تفارقيها،مع إنه ميعرفش عني حاجه ولا حتى كنت بدأت كيماوي ف مثلا باين عليا تعب لا مكنتش بدأت أي علاج وقتها وقال كده مع إنه ميعرفنيش،وكل ما حد يشوفني يقولي أنتِ محسوده،الدكاتره اللي متابعين حالتي أول مره روحتلهم استغربوا لأن معروف سرطان الثدي بييجي للناس من سن ال ٣٠ لكن ف سني ده كانوا مستغربين جدا كمان علشان أنا عندي تشخيصين مش تشخيص واحد ف مره دكتور بيقولي على سبيل الهزار أنتِ معملوش ليكِ عقيقه يابنتي علشان فيه تشخيص منهم نادر جدا لما بييجي لحد أنا كنت بقول وأنا هتحسد ليه وعلى ايه بس أنا شكليًا الكل بيقول عني جميله وكان شعري طويل وتقيل والصراحة كنت بفرد شعري علطول ف السكن وكانوا بيفضلوا يقولولي بتعملي ايه علشان شعرك يبقى كده أنا كل ما بشرب مية زمزم اللي قريبتي جايباها ليا بتعب تعب مش طبيعي لدرجة إني مبقيتش عايزه أشرب منها تاني من كتر الوجع ومبتعبش التعب ده غير لما بشربها بس أنا مبقيتش فاهمه حاجه ولا عارفه أعمل ايه الصراحه وهل ده فعلا حسد ولا سحر ولا ايه ويا ترى لو كده أعمل ايه بجد ومن قبل الكانسر وأنا أصلا بتعب يعني كل سنه يكتشف مرض جديد عندي بقالي ٤ سنين ع الوضع ده كل سنه بلف ع الدكاتره تقريبًا مفيش تخصص مروحتلهوش أنا مبقيتش فاهمه حاجه ! ...عرض المزيد

13 الدعم

3 نصيحة