مرحبًا.. من أكثر الأشياء المُحببة لقلبي حاليًا القعدة على سطح البيت وسط الهواء البارد، والنظر للنجوم.. بحس حالي هادئة، وأقرب للسماء.. لظلامها، وغموضها.. الهواء البارد، الهدوء.. كلها حاجات قريبة مني بشكل أو بآخر. دائمًا حاسة أني بهرب من الناس لنفسي.. سذاجة الناس، سخافات تعبيراتهم، وتفكيرهم، وأفعالهم، ونظرتهم للأمور أو الحياة عمومًا.. ممكن شايفة كده عشان أنا مُصابة بلعنة التفاصيل.. كثير بحس أني مُستهلكة فبختار نفسي فوق كل شيء.. عارفة أوقات ببقا أنانية في أختياري بس حقيقي ببقا خائفة أبقا مجرد شخصية مُزيفة. حاسة دائمًا بأني لسة مش بنتمي لمكان.. مشاعر غُربة، عدم إنتماء.. حاسة أني مش بنتمي لنفسي، وكأني غريبة دائمًا عني.. بسأل نفسي المفروض أبقا أزاي عشان الإحساس دا يبقا أقل؟ أوقات ببقا مجرد شخصية غاضبة من كل شيء، وكل شخص بلا سبب، وأوقات ثانية ببقا ببساطة هادئة أتجاه كل شيء. عندي حنين وإشتياق لشخصيتي اللي غايبة عني، وحياة لسة مستنية أعيشها. متأكدة حقيقي في يوم هتجرد من أي مشاعر سيئة بتنتابني في أي وقت، وإن العمر لسة فيه كفاية أني أبقا بخير بالطريقة اللي بتمناها.. ممتنة للحاجات البسيطة اللي بقدر أقدمها لغيري بس كفاية كونها صادقة دائمًا، ومكنتش أتمنى أبقا حد ثاني غيري.. دائمًا بحاول، وهفضل أحاول.

3

3