أنا مش اختيار لطيف في لحظة زهق. أنا مش استبن. ومش حل مؤقت لحد ما الدنيا تظبط. لما حبيت زميلتي في الشغل، حبيت الإنسانة اللي كانت بتطمن عليّ، اللي عزّتني في خالي، اللي قالتلي: «تعالى افطر معايا يا حسين». ماكنتش بحب قناع… كنت بحب صورة طلعت مش حقيقية. خلاص. مش هقبل أكون استبن، ولا حدّ ملوش لازمة، ولا اختيار تاني ولا تالت. أنا راجل عارف قيمته، والراجل اللي يعرف قيمته ما يحطش نفسه في ساحة مقارنة مع حد. يا أكون الأول والوحيد، يا ما أكونش خالص. وآه، أنا باحترم نفسي: أستأذن بأدب وأقول عندي ظرف شخصي علشان أروح مقابلات شغل، مش علشان أكمّل في قرف ونفاق ولا في لعب رخيص من ناس فاكرة نفسها ذكية. وأنتِ يا زميلتي في الشغل، مش هقول غير كلمة واحدة: الخبيثين للخبيثات. وأكره اليوم اللي قعدت فيه أدعي ليل ونهار عشان واحدة وضيعة، فَضّاحة، طلعت أبعد ما تكون عن الاحترام. الشغل مليان عصافير، ومليان ناس مريضة. وحتى هنا، كنت فاكر إن في أصحاب… واضح إني غلطان. يمكن أنا عندي عيوب، يمكن مش ملاك، بس الحقيقة اللي شايفها بوضوح: زميلتي في الشغل كانت اختيار غلط لناس كتير… وبالنسبة لي ماتت من جوايا. حسبي الله ونعم الوكيل فيهم وفيها. وأيوه… أنا بكره اللي حصل، ومش مسامح.

2

3