كان عندي إنترفيو في شركة كبيرة وكنت محضر نفسي بكل المصطلحات الإنجليزي اللي تخلي المدير يحس إني مولود في لندن دخلت المكتب بكامل شياكتي والمدير سألني ايه نقاط قوتك؟ قمت رديت عليه بثقة مفرطة I am a problem solver and a team player ​المدير ابتسم وقالي جميل جداً طب إيه رأيك تطبق الكلام ده عملي؟ اللاب توب بتاعي معلق ممكن تشوفه؟ أنا في اللحظة دي حسيت إن الثقة دي هتوديني ورا الشمس😂 لاني في التكنولوجيا آخري أفتح الفيس بوك مسكت اللاب توب وقعدت أدوس على زراير عشوائية وأنا عامل نفسي مركز جداً وبقول Hmmm interesting ​في الآخر قفلت الشاشة وفتحتها تاني اللاب اشتغل صدفة!😁 المدير انبهر وقالي برافو وأنا خارج من المكتب بكل فخر خبطت في الباب الإزاز اللي كان ممسوح بزيادة لدرجة إني مشفتهوش وقعت على الأرض والبرستيج كله طار و المدير قالي من جوه دي المشكلة الوحيدة اللي معرفتش تحلها يا بطل؟

4

4