بحاول اقاوم كل يوم الصبح مشاعر صعبة من افكار زي انه كان بيحبني وحاول كتير بس انا اللي بوظت كل حاجه واحولها لافكار حقيقيه زي انه مكنش عارف يحول كل اللي بيعمله للسكك الصح والحلال من زمان ودايما مكنش جاهز ولما بقي مستعد مكنش مناسب كظروف مادية مع اهلي او هو من البداية مكنش شايف اني استحق غير الاقل بس بينثل انه بيعملي اللي يقدر عليه عايزه مخي يبطل يقولي اني انا الوحشة لانن اقنعني ب ده حتي وانا بنهي القصه وشفت صوره ليه هو وواحده ف نفسي المكان بس كل واحد لوحده لقيته بيبرر ان ديه كانت مره لما كلمته علي بنات قال احنا مكناش مع بعض والراجل غيرالست ف الكلام ده مع انه عايز يطبق عليا الدين بحزافيره قلل مني بشكل بشع وانا سمحتله عشان كان جوايا احساس من وقت ما رجع انه صعبان عليا بعد ما حكالي كل اللي حصله ومر بيه وانه خطب واتخزوق وف مره قالي بسببك 😂 عشان ينساني حملني كل حاجه مش قادره اصدق ان انسان زي ده لسه مخي مصدق انه بجد كويس او كان بيحبني بجد ده كان بيقلتني بالبطئ وانا عشان مش بثق ف نفسي نهائي صدقته عمياني عايزه اصدق دايما ان احساسي وخطط ربنا احلي بكتيرمن العك اللي كنت هختاره انا بس نفسي الاحساس اللي بحسه اول ما بصحي ده ينتهي انهارده تاني يوم من غيره وحاسه اني فايقه اكتر امبارح سافرت وخرجت عشان مكنش هينفع افضل قاعده مع نفسي نهائي والحمد لله كانت فكرة كويسه جدا وخدت دماغي وافكاري ف حتة تانيه وقابلت ناس مختلفه وحسيت ان ربنا كان معايا طول الوقت لاني كنت بذكرة كنت حاسه اني في معية الله ❤️ انا بس الصوره اللي بموت من جوايا وبتوحشني هي صورته الطيبه صورة الصاحب الجدع اللي بيضحكني طول الوقت وبنهزر واللي اقدر اتكلم معاه ف اي وقت كنت بحب اننا بنتجنن مع بعض ونعمل اي حاجه ممكن تبسطنا ف اي وقت بس لما كسرت القاعده امبارح وسافرت مع نفسي لقتني احسن واني قادره برده اخلق لنفسي عالم جديد اقدر اكون مبسوطه فيه جدا واستكشف حاجات جديده واستشكف نفسي مع الحاجات ديه انا بقيت مقتنعه ان كده كده الحياه هتكمل وفيها حاجات كتير جميلة بس ف نفس الوقت التجربة اللي عشتها معاه برده كانت جميلة ومتتعوضش بنسبالي بس يمكن ربنا بس هو اللي قادر ينسيني ده ويقنعني ان الحياه بجد فيها احسن بكتير من اللي عشته معاه عشان مفضلش برده بتعذب علي الذكريات الحمد علي كل حال وربنا يسامحني …

0

2