تايهه ومش عارفة أختار ولا لاقية نفسى فى أى حاجة

Question

"تايهه"
طول الوقت حاسة انى تايهه وضايعة ومفيش هدف محدد فى الحياة حتى ابسط الحاجات مش عارفة اقرر زى الاختيار بين علمى علوم وعلمى رياضة فكرت كتير كلمت ناس كتير وصليت استخارة ولسه مش عارفة ومش لاقية نفسى فى ولا مجال ومش عارفه أنا عايزة اى تعبت بجد من كتر الضياع بيخلينى احس بالشلل واقف مكانى مش حاسة بإنتماء ولا لاقية معنى للحياة

Strawberry_69736 🇪🇬 · Accepted Answer

في الحالة دي بنشوف احنا درجاتنا احسن فى انهي مواد و نتوكل على الله

Ice Cream_69652 🇪🇬 · Answer

خدي الريسك في الحالات اللي زي دي 
وانك تختاري متأخر احسن من عدم الاختيار

Ice Cream_63106 🇪🇬 · Answer

عشان الدراسة مش هيا معنى الحياه اصلا
واحنا جايين الدنيا لغاية واحده وهيا عبادة الله
كل ما تبعدي عن الهدف ده هتتعبي اكتر

Ice Cream_69652 🇪🇬 · Answer

توكلي على الله في علوم اريح وأوسع مجالات

Pineapple_61257 🇪🇬 · Answer

اي حاجة تحتاري فيها صلي استخارة ،هتلاقي لو الموضوع خير مكمل عادي و لو لا هتلاقيه بيتقفل و مش هتختاريه في الاخر بطريقة غريبة سبحان الله
و موضوع الاحتيار في المطلق طبيعي متحمليش نفسك هم

Mango_62872 🇪🇬 · Answer

اعرفي نفسك واكتشفي ذاتك

Carrot_70253 🇪🇬 · Answer

صلي استخارة

Jackfruit_65540 🇪🇬 · Answer

قارني ما بين المجالين شوفي ايه اللي انتي مايله ليه أكثر أو ع الأقل بتحبيه أكثر من المجال التاني و لو ب شيء بسيط
طب لو بحب الاثنين جدا و مش عارف أقرر 
اختاري اي حاجه حاباها بس لو مش ضامنه ف علمي علوم فيها مجالات كثيييير حتى لو بعد الشر الدرجات مكنتش احسن حاجه ومتقلقيش انتي شاطره وحتعرفي تقرري بإذن الله وربنا يوفقك

Mango_67775 🇪🇬 · Answer

بتختاري بناء على كذا حاجه
يعني مثلا انتي شاطره في ايه او ايه اللي بتستوعبيه بسرعه احياء ولا رياضه؟
تشوفي ايه المجالات اللي مستحيل تدخليها يعني لو مستحيل تدخلي مجال طبي و ريحه ادويه أو دم و كل ده مش بتستحمليه يبقى تختاري رياضه
و تشوفي الكليات المتاحه لكل شعبه و تشوفي ايه اللي ممكن تحبيه و ايه اللي مستحيل

Pumpkin_68093 🇪🇬 · Answer

شوفي انتي بتحبي ك مواد ايه اكتر رياضيات باقسامها ولا بتحبي الاحياء اكتر اللي تميلي ليه كمواد ادخلي فيه

الكليه اللي مكتوبالك هتدخليها مهما عملتي ايه ف شوفي اللي ميكونش ضغط عليكي مش بتكوني بتكرهي مادة وواخداها فاهمه
غير دده كل الكليات زي بعض

Banana_70214 🇪🇬 · Answer

عشان شايفه نفسك دايما ضعيفه وحطه صوره قدامك مش بتاعتك

Mango_61384 🇪🇬 · Answer

بتحبي الرياضه