أنا تعبت من نفسي بجد، فاشل في كل حاجة والناس شايفاني تحفة وانا اصلا تحت الصفر في كل حاجة، شخص بجد مقرف وبقيت كاره نفسي، كل ما تحصل حاجة ممكن تكون حلوة ابوظها بايدي، مش عارف انا عاوز ايه ولا عارف انا مستني ايه، ببوظ حياتي بايدي بجد وحاسس اني هتجنن بجد انا مش عارف انا بكتب ايه ولا بقول ايه، مش عارف حد هيفهمني ولا لا بس بجد اتخنقت من نفسي، بقيت دايما حاسس ان الناس كلها كرهاني ومش طايقاني زي ما انا كاره نفسي ومش طايقها، بقيت في اي موقف فيه حد غلطان بحس الغلط مني انا، بقيت دايما خايف من كل حاجة، انا اسف ان كلامي عشوائي بس انا بجد مش فاهم نفسي ولا فاهم ايه اللي بيحصل في دماغي بجد

0

2