حوار عقلاني حول الشبهات والأسئلة الإيمانية | مقارنة أديان

Question

بمناسبه كميه التشكك و الشبهات و الأسئلة اللي ظهرت فجأة ع الابلكيشن ، اهلا بيكم ف حوار عقلاني حول أي شبهه أو حتي سؤال ايماني أو مقارنه اديان ؟! و نقدر نوصل لحقيقة أو حتي نقرب افكار و هنفتح لبعض مليون باب وباب للبحث و الوصول للحقيقة

Popcorn_56962 🇪🇬 · Answer

اول سؤال علي ماذا سوف يحاسبنا الله ؟

Lemon_77531 🇪🇬 · Answer

ليه ربنا خلق انسان وخلق شيطان يوسوس للانسان وفعلا ينجح فيعصى ربنا فيدخله النار؟

Lemon_77531 🇪🇬 · Answer

اشمعنا النبى موسى طلب رؤيه الله فا ربنا حقق حاجة تثبت بيها وجودة فدخل الجنه والناس العاديه تطلب نفس الطلب فندخل النار؟

Apple_65537 🇪🇬 · Answer

اولا سيدنا موسى ما طلبش رؤيه الله ما طلبهاش دي كانت الطريقه اللي نزل بيها الوحي عليه. 
ثانيا نزل رسل ومعجزات وحاجات كثير قوي تاكد للناس اللي هو احنا وجود الخالق ووجود دين الحق فمن كفر فنعذبه عذابا اليما خلاص احنا اخذنا اللي يثبت لنا ويطمئن قلوبنا

Apple_65537 🇪🇬 · Answer

الشيطان قال لربنا عز وجل وبعزتك لاغويانهم .... الا عبادك منهم المخلصين بالابتلاء ده بيتفرق بين المصلح والنقي والمخلص لله تعالى وبين المنافق الضعيف ربنا سبحانه وتعالى ادانا الاذكار والقران والصلاه اللي تقدر تحصلنا منه ونقاوم بها نفسنا هو انت عايز الجنه من غير ما تعمل اي حاجه؟ .... احنا ربنا رزقنا الداء والدواء

Apple_65537 🇪🇬 · Answer

اولا على صلاتنا وعلى عمرنا فيما افنيناه وعلى صحتنا فيما اهدرناها وعلى مالنا فيما صرفناه وانفقناه

Lemon_77531 🇪🇬 · Answer

لا  كان طلب صريح بما انه كان بيكلمه فطلب يشوفه .
برضو المعجزات دى ملهاش اثر دلوقتى غير ف الكتب والقران يعنى ولو الحاجات مكنتش مكتوبه مكناش هنعرف .
مفيش حاجة تاكد كدة غير الخوف والرهبه مش الايمان .

Lemon_77531 🇪🇬 · Answer

وجود الشيطان حجة اكبر لدخول الناس الجنه لانه الموضوع مش بايدةزى اللى يمسك عليك سلا.ح ويقولك اعمل حاجة غصب عنك.
كان ممكن يدخل الناس فعلا حسب ضميرهم واخلاقهم وافكارهم مش الشيطان .
وبكدة الناس ترتكب جرائم بحجة الشيطان فاتأذى ناس بريئه  .

Cookies_56544 🇪🇬 · Answer

مين قال إن طلب انك تشوف ربنا يدخلك النار !! 
انك تشوف ربنا ده طلب مشروع ليك ، و كمان بالنسبة للإيمان الاسلامي هتقدر تشوف ربنا ف الجنه !! ودي اعلي درجات التمتع ف الجنه وهي النظر إلي وجه الله سبحانه وتعالى!!

Cookies_56544 🇪🇬 · Answer

تاني حاجه بقي سيدنا موسي طلب يشوف ربنا بالنسبة للإيمان الاسلامي ( رب ارني انظر اليك ) 
لكن هل شاف ربنا ؟! الاجابه لا و لا حتي الجبل شاف ربنا لكن الله تجلي للجبل لعظمته و ليس رؤية حقيقه!! 
الله ( خالق ) تعالي خارج حدود و محدودية الكون (المخلوق) وهنا لا يمكن أبدا لمخلوق محدود أن يري ما هو ( غير محدود ) كانك تطلب من عينك أن تري اشعه فوق قدراتها

Cookies_56544 🇪🇬 · Answer

اخيرا وجودنا ف هذه الحياة للاختبار بالإيمان الغيبي المبني ع الادله العقليه و الفلسفية!! 
تعالي نتخيل أن الله أظهر نفسه ، اين سيكون الاختبار إذن ، إذا أظهر الله نفسه في وقت ما و مكان ما تسقط إذن الحجه علي من يراه و لم يؤمن به ، وهذا ليس بالعدل المطلق اللي اصلا من صفات الله سبحانه وتعالى

Cookies_56544 🇪🇬 · Answer

هناك الكثير و الكثير من الرد على سؤالك وتقدر تبحث بنفسك اكتر ونستفاد كلنا

Cookies_56544 🇪🇬 · Answer

ف المرجعية الإسلامية الله سوف يحاسبنا ع اولا الايمان بواحدانيته كخالق لا شريك له بلا ولد او زوجه ، غير محدود و له كل ما وصف به نفسه ! 
ثانيا نحاسب كل أفعالنا و تصرفاتنا ، لكل إنسان ملائكه تكتب كل فعل يصدر منه و لا ينقصوا أو يزيدوا شئ و هذا هو كتابك اللي تحاسب عليه

Cookies_56544 🇪🇬 · Answer

اولا ف المرجعية الإسلامية لا يسأل الله عن أفعاله ، فهو فعال لما يريد و لا يصح أن نسأل لماذا فعل الله هذا ، فهذا اعتراض على أمره أن كانت النيه هنا هي اللوم ! 
لكن خلينا نسأل نفس سؤالك بطريقة صحيحة لماذا يوسوس الشيطان للانسان بمعصية الله!! 
الله خلق الشيطان من الجن وكذلك خلق الانسان وكلنا مامورين بعبادته ، لكن الشيطان عصي الله سبحانه وتعالى في أمره أن يسجد لادم لانه راي أن الله قد عظم أمر ادم

Cookies_56544 🇪🇬 · Answer

قد عظم أمر ادم و ذريته ف الدنيا و هنا مس الشيطان الكبر و العلو ، و رفض أمر الله بالسجود لادم ، وهنا تاني معصية أنه تحدي أن يجعل ادم اسوء منه و يحقره بالكفر ، الشيطان مؤمن بالله ولا ينكر وجوده و بذلك جعل من كفر ادم غايته و هدفه الأول لكي يثبت أن آدم و ذريته لم يكن يستحق أن يسجد له

Cookies_56544 🇪🇬 · Answer

هنا الشر المتمثل في الشيطان لم يخلق من الله ولكنه كان غياب للخير في شكل الشيطان و إرادته ، فالاصل هو الخير و المستحدث هو غياب الخير ( الشر ) , الشيطان هيقولك اني برء منك اني اخاف الله رب العالمين ، تخيل بقي ، الله أعطاك حريه التصرف و اعطاك الطريقين وانت من يختار و الشيطان ليس بحجه لك