خدوا بالكم من كلامكم.. الكلمة أمانة والجرح مش دايماً بيبان

Croissant_86280 🇪🇬

منذ 8 ساعات

شعور لا مبالٍ

خدوا بالكم من كلامكم مع الناس خصوصا اللي متعرفوهمش مش كل الناس قلبها واحد ولا كلهم بيستحملوا في كلمة ممكن تطلع إنسان لسابع سما وكلمة تانية ممكن تنزله لسابع أرض عن تجربة بقى في انتقاد اتقالي في شكلي وكل مرة أبص في المراية أفتكره وقلبي بيوجعني بجد والأوجع (إن اللي قالتهالي أمي) 🙂 فبلاش نقد جارح وبلاش أسلوب وحش ومتقولوش (لا ده مبيزعلش) مفيش حد مبيزعلش بطّلوا هبل بقى الكلمة أمانة والجرح مش دايما بيبان

مش عارفه اتخطي زعلي من ابن الجيران النرجسي

مش عارفه اتخطي زعلي ، امي توفت و سابنتي لوحدي انا واختي و أبويا اسوء حاجه معانا و حرفياً ملناش حد خالص ، كنا بنكلم الجيران يلحقونا من ايد أبويا من كتر الضرب و وقفوا معانا كتير الحقيقه لغايه لما قربنا من بعض و حسيت ان بقا لينا حد او ليا انا بذات و بدأت اتعلق ب ابنهم و المفروض هو كمان كان كدا هو اصغر مني و د كانت مشكلة بس هو شخص نرجسي اوي و هو معترف بدا حصل خلاف ف الكلام بينا و قالي كلام هاني و جرحني بيه اوي وهو مش شايف انه غلطان ولا أنه عمل حاجه ، الي مش قادرة انساه و هو بيقولي لو كان اي حد ف حياتك قبل كدا مصورلك انه هيجري وراكي انا لا انا فلان الفلاني مش بجري ورا حد لو انتي شايفه اني غلطان أنا شايف انك غلطانه وانا مش غلطان والمفروض تتاسفي وتعتذري ، انا مش فلان عشان أجري وراكي ،فلان دا كان خطيبي و هو اكتر حد عارف ان الموضوع دا مؤذي بالنسبالي و ايه الي مرينا بيه من وقت وفاة أمي ، حسسني بكلامه اني ولا حاجه وانه كان عايز يخلص من العلاقه دي بأي طريقة ، كان اتفاقي معاه من البداية اننا صحاب و وقت ما تحب يبعد يقولي وأنا همشي من غير ما يحس لو حتي حب واحدة تانيه ، مش عارفه اعدي زعلي منه و مع الاسف كنت حبيته مش عارفه إزاي قدر انه يعمل كدا معايا و هو عارف اني كنت محتاجه ليه اوي و محتاجه لوجوده ف حياتي حرفياً حاسه اني مليش مكان ولا ليا حد و ندمت اوي اني حكيت لأختي حاجه من الموضوع دا بس كنت مدايقه اوي و قلبي واجعني و كل شويه ف مشكله شكل مع اختي بسبب مزاجي الوحش بس انا مش قادره و ف نفس الوقت مليش حد غيرها بعد امي حرفيا مليش اي حد ف الدنيا ...عرض المزيد

4 الدعم

0 نصيحة